لقاء مفتوح

zaho algeria كتب:: إيه د يا أمير مش كنت تسبني ف حالي أحسن هههههه
بص يا سيدي عرفت المنتدى وأنا بحمل أغاني فاحد المواقع وفالكمنت كان فيه واحد بيتكلم عن المنتدى دا دخلت واشتركت فيه وأكتر حاجة شدتني إنو متنوع وفيه نشاطات كتيرة والأعضاء إلي معجبة بهم الكل حتى لي لسة ما عرفتوش علشان الكل ليه طريقة معينة وتفكير مختلف زيك يا أمير ومحمد علي والمنسي والسمري و كريم ودودو ومقالب والمايسترو و إلي مش لقي اسمو ما يأخذنيش أصلي مش حفظاهم كلهم
سؤالي ليك يا أمير لما تحس انك عامل حاجة غلط أوي ردت فعلك تكون ازاي وهل بتمر عليك أوقات تحس فيها بالوحدة ؟؟ ولو دا حصل يبقى امتى ؟؟
ومرسي ليك يا أمير

ههههههههههههههههههه
لا هنا فى المنتدى مش بنسيب حد فى حاله

وبالنسبة لسؤالك لو عملت حاجة غلط اوى بتكون ردت فعلى على حسب اللى غلطت فيه
يعنى لو غلطت فى حق حد بعتذرله وبحاول اصحح اللى عملته مش بالكلام لكن بالافعال
ولو كنت عملت حاجة تغضب ربنا اتوضا واصلى واستغفر ربنا على اللى عملته واطلب منه انه يسامحنى

والاوقات اللى بحس فيها بالوحدة لما اكون مخنوق ومحتاج حد جمبى احكيله ومش لاقى حد او يكون اللى بحكيله وافضفضله مش موجود معايا فى الوقت ولما بتخنق اوى بنام والصبح رباح وكل شىء يبقى زى الفل على ما اكون صحيت هههههههههه
وعالعموم انا نادرا بحس بالوحدة

وسؤالى المرة دى اوجهه لكودا لحد دلوقتى مشتركش خالص فى الموضوع ده

عرفنا بنفسك كده يا كودا سنك وعملك وايه هواياتك ومنين وقبل كل ده اسمك الحقيقى
كلمنا عن نفسك يعنى

انا اسمى الحقيقى محمود مصطفى
السن 20
العمل ليس اعمل
الهواية الرياضة

عرفنا بنفسك كده ياelmansyy سنك وعملك وايه هواياتك ومنين وقبل كل ده اسمك الحقيقى
كلمنا عن نفسك يعنى

اسمى المنسى عبدالله محمد 21 سنه و 10 شهور و 25 يوم شغلى اخصائى مساحه بأجهزة الليزر الحديثه وعمل مسح بالاقمار الصناعيه ومسح شامل من الجو بالطائرات بس طبعا مش لاقى شغل او تقدر تقول كل لما اروح اشغل واقدم وخلاص هقبل اهو وهمضى العقد تحصل حاجه غريبه لدرجة ان الموضوع ده اتكرر اكتر من 10 مرات اخرهم السبت اللى فات
انا يا سيدى من بلد اسمها منشأة صهبره مركز ديرب نجم محافظة الشرقيه خريج آداب جامعة الزقازيق شعبة مساحة وخرائط ومجال شغلى زى ما قولت مساحة بأجهزة الليزر زى التوتال ستيشن وبالاجهزة العادية زى الميزان وبالاقمار الصناعية زى الجى بى اس بالاضافة لكده بشتغل على برامج الاوتو كاد والسيرفر وكمان بعرف ارسم خرائط ميدانيه سواء يدوى او عن طريق الكمبيوتر كمان بعرف اكبر واصغر الخرائط يدويا

سؤالى لسمرى كلمنا عن نفسك فيما لا يقل عن 3 سطور

بسم الله الرحمن الرحيم

اسمي محمد ثروت السمري من مواليد المحلة الكبري 1984 انا كبير اوالدى لى اخت متزوجه وهى اضغر منى بعامين لى اخاصغر منى ي 5 اعوام يدر بالفرقة الثالثة من كلية التربية الرياضية حاصل على بكالوريوس تجارة شعبه محاسبة صفاتى وعيوبي بحب اعرفهم من الناس لانهم هم اللى هيقولوا لي الحقيقة والنفس اماره بالسوء اكيد نفسي هتكدب عليا بحب كل الناس وبعاملهم كلهم باحترام بعد التخرج اشتغلت فى اكتر من مكان لمدة سنة وبعدها جربت طموح كل شاب وهو السفر واشتغل حاليا بالمملكة العربية السعودية منذ 2006 شهر 6 باقى لى 8 شهور على انتهاء العقد اشتغلت فى قسم المبيعات ثم كمحاسب استحقاقات ثم اخيرا فى قسم الشئون الادارية فيما يخص الموظفين فى الغربة ماتعرفش هتشتغل ايه بكره يوم فى المكان ده ويوم هنا ويوم هناك عادى ولسه مستقر فى السفر لمدة يارب ماتطول

يكفى يامنسى ولا ايه

سؤالي للمنسي ليه بتكره البنات قووى كده
مع التحفظ ليك بكامل اسرارك

والله يا سمرى انا كنت من اكتر الناس حبا للبنات وليا اصحاب بنات كتير اوى لحد دلوقتى بس المشكله انى من ساعة لما اتخرجت واورح اتقدم لحاجه الاقى البنات واقفين فى الموضوع على الرغم ان شغل المساحه معظمه فى الصحرا وكل شويه الاقى واحد من اصحابى يقولى طار منى الشغل علشان واحده حلوه اتقدمت للشغل وبعدها تلاقى البنات يقولوا عاوزين نتجوز طب هتتجوزوا ازى وانتم مسيطرين على فرص العمل فى مصر والشباب مش لاقين ياكلوا
طبعا عذرا للبنات بس انتم اللى بتخلوا الشباب يقولوا كده عليكم

سؤالى لدودو
ايه حلم حياتك

ايه يا سمرى الراجل قالك 3 سطول
تكتبله صفحة بحالها ؟؟
ههههههههههههههه
وربنا يوفقك يا منسى وتلاقى شغل احسن من اللى فات منك

ومنتظرين اجابة دودو

ربنا يوفقك يا منسي بس بصراحة ما فهمتش حاجة من شغلك هههه د بتاع ناس كبيرة مش ناس صغيرة زيي ههه

ههههههههه اية دة يازهرة هو فى الجزائر عندكم ناس بتشتغل زينا برضة هههههههههههههه

لأ ما بنشتغلش نفضل حطين ادينا على خدنا لحد ما الأكل ينزلنا م السما

ههههههههههههه
مااحنا كدة برضة بنحط ايادينا على خدنا لحد مانلاقى شغل وياعالم هنفضل حطين ايدينا لامتة

لأ ما تخافش لم نلاقي شغلنا نعملها هنشركم معنا مش جران ولا بطلنا

ماسى يعنى عاوزين محاسبين لو لقيتى احنا موجودين ههههههههههههههههه

على عيني يا محمد إنت تؤمر

الامر لله واحدة يازهرة الف شكر ليكى ياستى ويارب يوفقك

معلشى ياجماعه والله ما اخت بالى من السؤال

وبالنسبه لسؤال المنسى

حلم حياتى انى اكون مع الانسان اللى هحبه طول عمرى

والسؤال ليك يامنسى

انت معتبر ان البنات كلها بتقف فى اى حاجه قدام بس انت بصراحه لما بتتعامل مع اى واحده بتبقى عصبى والا بتكلم معاهم عادى

لأ بكون عادى معاهم خالص بردو التعامل مع البنات (( الجنس اللطيف )) بيختلف من واحده لوحده يعنى لما اتعامل مع واحده صاحبتى وقريبه منى غير لما اتعامل مع مهندسه بتعمل معايا مقابله وبتطلع فيا الغلط علشان الشغل وهنا طبعا رأيى ونظرتى فيها بتختلف

سؤالى لدودو هل انتى شاكه ان المنسى تعامله مع البنات مش كويس

zaho algeria كتب:: ربنا يوفقك يا منسي بس بصراحة ما فهمتش حاجة من شغلك هههه د بتاع ناس كبيرة مش ناس صغيرة زيي ههه

انا نفسى يا زاهو كنت اسمع عنه بس ما عرفتش نظامه ايه الا لما اتخصصت فيه ولاقيته حدوته كبيره مساحه ارضية وجيوديسيا ومساحه جويه ومساحه بالاقمار الصناعيه

ههههههههه بردو مش فهما بس باين عليها حاجة كبيرة أوي ومتعاقدة لزملهة أدمغة ربنا يعينك

لاء ابدا يامنسى بالعكس والله انا اتكلمت معاك كتير واسلوبك جدا محترم وجميل

سؤالى للمنسى انت ممكن تدعى على بنت عشان حاجه بس اوعى تكون بتدعى عليه

لا والله مستحيل ادعى على واحده بالعكس انا دايما بدعى للكل ربنا يوفقه لأنى بحب الخير للناس

سؤالى لدودو

تقولى لمين استخبوا تحت الكرسى المنسى جالكم لموا عيالكم هههههههههههه ؟

هههههههههههههههه
ليه كده بس يامنسى
عالعموم عمرى والله ما اسخبى او اخاف انا لو مكنتش اد مواجهتكم من الاول مكنتش واجهتكم

وبعدين يا دودو هو انتى كل ما تمسكى فى الموضوع مع واحد تفضلوا تسالوا فى بعض وتنفضوا للباقيين ؟؟

المفروض كل الاعضاء يشاركوا فى الموضوع ده

هههههههههههههههههه ماشى يامنسى

وبالنسبه لسؤالك

اقول للى فى بالى وانت عارف مين اللى فى بالى يامنسى

وهسال منسى

ايه رائيك فى الفريق المنافس لينا ؟هههههههههههههه

يعنى نقدر نقول يا دودو فريق مستواه ضعيف اتهزم مننا 3 مرات وتقريبا اتغلب مرتين تانيين من منافسين تانيين يعنى نقول فريق اقل من المتوسط بس هنعمل ايه اتحدونا واحنا قبلنا التحدى

انتى يا دودو بردو ايه رأيك فى الفريق المنافس

انا معاك بردوا يامنسى فى كلامك ده والله وهو صح

وسؤالى لسمرى

انت مكان شغلك فى السعوديه فين بالظبط

الله الله
ايه الحلاوة دى بقى احنا كده ؟؟
ماشى ياعم المنسى انت ودودو عيشوا عيشوا

وفى الاجازة هيكون فى كلام تانى باذن الله

بسي يادودو انا اشتغل بالمنطقة الشرقية ( الخُبَر - الدمام ) اللى كان فيها العمليات الارهابية من خمس سنين تقريبا تبعد حوالى 400 كيلو عن العاصمة الرياض و1500 عن مكة

ليكي حد فى السعودية يادودو قولى وهخدمهولك فى موبايلي ( شركة اتحاد اتصالات ) اللى هيه الاتصالات الشبكة الجديدة فى مصر المنافسة لفودفون وموبينيل ياعسل

سؤالى ليكي يادودو
ايه اكتر المواضيع بتحبى تتكلمي فيها وتقدري تناقشي فيها ولماذا؟

هههههههههههههههههههه الموضيع اللى بحب اتكلم فيها يعنى يبقى مثلا مشكله بين حد بحب اشارك فيها او يعنى عن المراه والرجل وكده عشان بحس انى بعرف اتكلم فيهم او اساعد فيهم

وسؤالى لكريم

انت ايه اكتر حاجه شدتك للمنتدى وليه ؟

أكتر حاجة شدتني للمتندي
هي الصراحة و روح الود و الأسرة الواحدة
بين أعضائه اللذين أفتخر أن أكون واحداً منهم
وليه ؟ لأن نادر لما تلاقي الصراحة بالشكل ده

و ده سؤالي و أسمحولي توجيهه للجميع
خشوا شوفوا رد دمعة ندم في (( طبيب نفساني حصرتك ))
و قولوا رأيكم بس بصراحة وبدون مجاملات

طبعا موضوع طبيب نفسانى من اجمل مواضيع المنتدى وبجد انت بذلت فيه جهد كبير

ربنا يخليك يا منسي
كلامك ده شهادة تقدير ووسام شرف لي
من أنسانٍ رائع و مبدع

بس أنا قصدي رأيكم فيما قالته
عضوة المنتدي الجديدة / دمعة ندم

و سؤالي ده للجميع

رائع ياكيمو وقرأت كلامها ياعسل بقولك ايه مش تعرفنا على سر المهنة علشان نفهم اللى حولينا
هههههههههههههه

والله ياكريم كلنا نشهد انك بجد تنفع دكتور وكله اكد بكده وشوشو كمان اكدت الكلام اللى انت قولته وبجد هو موضوع امتر من رائه ياكريم وقول انت بتعرف ازاى يمكن اجى مع امير نشتغل معاك

سمري كتب يقول :-
رائع ياكيمو وقرأت كلامها ياعسل بقولك ايه مش تعرفنا
لى سر المهنة علشان نفهم اللى حولينا
هههههههههههههه

و الله أنت الأروع يا سمري
و شكراً لتقديرك و مشاركتك
و تحت أمرك في أي طلب
بس صدقني أسوأ شيئ ف الدنيا
هو أنك تعامل كل الناس و أنت فاهمهم

و دودو كتبت تقول : -
والله ياكريم كلنا نشهد انك بجد تنفع دكتور
وكله اكد بكده وشوشو كمان اكدت الكلام
اللى انت قولته وبجد هو موضوع اكتر
من رائع ياكريم وقول انت بتعرف ازاى
يمكن اجى مع امير نشتغل معاك

شكراً يا شهد المنتدي ياللي ردك
دايماً بيكون عسل زيك و زي مواضيعك
و حنة أنا بعرف أزاي دفده توفيق من عند ربنا
و ماليش أي دخل فيه
و شغلك معايا أنتي و أمير أنا مستعدله و يشرفني
بس أعمله حسابكوا هتموتوا م الجوع
ههههههههههههههههههههههههههههههه

ههههههههههههههههههه ماشى ياكريم بس سورى انا كنت اقصد سمرى مش امير

ههههههههههههههههه
و أنا أو سمري أو أنتي أو أمير
أو كل الأعضاء أيه
أيد واحدة في أسرة واحدة
كل الشكر و التقدير لكل من جاوب علي سءالي السابق

و سؤالي الوقتي لدودو
أيه اللي دهشك في المنتدي
و أيه اللي زعلك طوال فترة أشتراكك
و مين أكتر واحد و مين أكتر واحدة
أرتاحتي ليهم
ياريت كل أجابة تكون بدون دبلوماسية

وانا اول واحد هتعالج عندكم

ههههههههههههههههههه
دول يجننوك يا منسي و يعقدوك
أذا كان هما هيطفشوني من المنتدي

عموماً منور المنتدي يا منسي
يا فارس المنتدي

و ياريت تردي يا دودو
علي أسألتي

بقى كده ياكريم لو احنا هنجننه بقى ان السبب يادكتور المجانين ( الامراض النفسية )

ههههههههههههههههههههههههه

معلشى ياجماعه على التاخير بتاع كل مره

وشكرا ياسحس على التفكير

وبالنسبه لسؤالك ياكريم

اللى دهشت له فى المنتدى انكم بحسس انكم واحد مع بعض

واكتر واحد او واحده ارتحت ليهم كلكم والله بعزكم جدا وصعب اقول اسم واحد

بس انا مش بنكلم بدبلومسيه والله

وسؤالى للمنسى

انتى ناوى تعمل ايه الوقتى فى حياتك

شكراً يا دودو
يا دبلوماسية

رد يا منسي علي دودو

والله انا حاليا منتظر رد على سفريه والرد هيجيلى السبت الجاى ان شاء الله ادعولى

سؤالى لكريم
اكتر حاجه فرحتك كانت ايه

شكراً يا منسي علي سؤالك
ربنا يوفقك سواء في السفرية أو في كل حياتك
و يقدم لك كل ما فيه خير لك و كل ما تتمناه

و أجابتي علي سؤالك
محدش هيصدقها و هي أني
من سنتين أكتشفت و لله الحمد
مرضي بأورام سرطانية
خبيثة عافاكم الله جميعاً
فنزلت الصدمة عليا بصعوبة بالغة
بس بعد الأشاعات و الفحوصات
أكتشفوا الأطباء بعدم وجود أية أسباب
لمرضي و ده كان أكتر خبر فرحني في حياتي
كلها ؛ لأني أتاكدت بعدم وجود أي أسباب لمرضي
دليل علي أن ده خير عظيم من رب كريم
أنا عارف أنكم مدهوشين من كلامي بس
و الله دي أكتر حاجة فرحتني في حياتي
و كانت عنصر مساعد
لأجتيازي كل مراحل الخطورة
و الحمد لله

وده سؤالي لمحمد نجاح

نفسك تعرف مين من المنتدي
و نفسك تعمل أيه للمنتدي
و نفسك في أيه للمنتدي
و لحياتك الشخصية
و مين أكتر الأعضاء زعلان منه
و مين حاسس أنك زعلته
و بتعمل أيه لما تحس أنك أتظلمت
و لما تحس أنك ظلمت حد

اسف جدا على التأخير

واعذرونى ايام امتحانا ومبدخلشى كتير

وبالنسبه لا سئله كريم
نفسك تعرف مين من المنتدي
نفسى اعرف كله
و نفسك تعمل أيه للمنتدي
نفسى اعمل كل حاجه تسعدكم بس
و نفسك في أيه للمنتدي
نفسى تفضل الروح الجميله اللى بين الاعضاء موجوده
و لحياتك الشخصية
نفسى ربنا يكرمنى ويوفقنى فى حياتى ويكون راضى عنى اهم حاجه
و مين أكتر الأعضاء زعلان منه
مفيش حد زعلان منه وانا اصلا مبزعلشى من حد خالص
و مين حاسس أنك زعلته
والله انا مقدرشى ازعل حد ولو حد زعلان منى او زعلته من غير قصد يقولى وانا اعتذرله قدام الجميع
و بتعمل أيه لما تحس أنك أتظلمت
بدعى ربنا انه يجبلى حقى
و لما تحس أنك ظلمت حد
مبنمشى الا مرد المظالم لاهلها

وسؤالى للمنسى

ايه اللى مخليك يأس كده من حياتك

ههههههههههههههههههههههههههههه
كل حاجه بتحصلى تخلينى كده بس انا مش يائس بالمعنى المفهوم انا مخنوق من اللى بيحصل

سؤالى لأمير اختار اى 3 اعضاء وقول رأيك فيهم

انا مش عارف ليه الناس دايما تستقصدنى باسئة عن الاعضاء ليه ؟؟
كل ما واحد يفكر يسالنى يسالنى عن الاعضاء
ما علينا

هختار مين هختار مين ؟؟

نبدا بالمنسى بقى لانه هو اللى جايب السؤال منسى انسان كويس وطموح ومن ناحية العلم والدراسة تمام ومش هقول عليه يائس لانه نفاها ومبدلها بكلمة مخنوق بس هو معندهوش صبر
بس انسان محترم وطيب وكفاية ان الناس كلها بتحبه واولهم انا

ونختار بعديه كيمو ونقول عنه انسان بجد رائع جدا ربنا يكرمه وموضوع طبيب نفسانى حضرتك موضوع تحفة وعلامة فى المنتدى لانه مش هيكون موجود فى اى منتدى تانى ومن جواه بجد انسان جميل جدا وطيب وعنده زوق كبير فى الكلام

وناقص واحد نختار دودو وسمرى ونقول كفاية انهم فرحهم قريب ان شاء الله
ههههههههههههه

وسؤالى لكريم
انت بتحب ؟؟ طب هى مين وخطاطب ولا لسه ؟؟ وايه نظرتك لمستقبلك معاها ؟؟

ها يا كريم انت فين يا جميل

اصل كريم بيتكسف
ههههههههههههههه

» حصريا لقاء مرتضى منصور مع مدحت شلبى فى حصاد الأسبوع وصواريخ أرض جو ضد شوبير لقاء نارى فى كل الإتجاهات على أكثر من سيرفر
» لكل شئ ثمن (( موضوع مفتوح لنقاش ))
» * تصوير مفتوح اصدار 10/2008
» حب دون لقاء
» بين لقاء و فراق ..