لقاء مفتوح

سمرى بقا دخوله قليل اسال حد تانى

طيب
ما هسالك انت يا منسى

ايه اخبار الشغلانة بتاعتك صحيح اللى اتاجلت
روحت ولا المهندس كان جراله حاجة هو كمان ؟؟

اه الحمد لله خلصت كل حاجه وخلصت الاختبارات بس قالولى الورق بيتأخر من شهر لشهر ونص على ما يخلص ادعولى

سؤالى لساندى
ايه امنيتك فى الحياه

طب ساندى دلوقتى دخولها قليل اوى
وكمان معتدش انها بتبص عالموضوع ده لما تخش

فياريت يا منسى تبعتلها رسالة خاصة تعرفها ان فيه سؤال مستنيها هنا

لأ بلاش انا ياريت اى حد يبعتلها رساله خاصه غيرى

ممكن أعرف السبب بس لو مش ممكن بعد إذنك أنا أقلها

اه قوليلها يا زهره وهى تدخل تجاوب
ولو محدش هيقولها ادخل اوجه السؤال لحد تانى

بعتلها رساله اخي منسى ان شاء الله بترد على سؤالك

أنا بعتلها رسالة مش فضل غير انها تشوفها وتخش تجاوب احنا نستنى كمان شوية

اصل المنسى بيتكسف

ههههههههههههههه

مش كسوف يا امير

المفروض انك انت اللى كنت تبعتها

بما انك اللى سالت السؤال

ههههههههههه

بس علشان الحساسيات وكده

لا يا عم اسلام
المنسى هو اللى وجهلها السؤال مش انا
ابقى البس النضارة مش عيب ولا حرام
ههههههههههههههه

خلاص

سورى يا امير

غلطه مطبعيه

هههه

دى مش مسألة كسوف انا على فكره ما بتكسفش
بس ظروف تمنع انى ابعتلها رساله

طب بقولك ايه هى مبقتش بتخش خالص

شكلها بتصيف

ههههههههههههه

شوف حد تانى ووجهله سؤال

طب معلشى يا امير وجه انت سؤال لأى حد

طيب

هسال مقالب

انتى كنتى قولتى ان فى واحد لسه مش متاكدة اذا كان هو اللى بتحبيه ولقيتى فيه مواصفات فتى احلامك يعنى ممكن يكون اه وممكن لا

ممكن تقوليلها هو مين تعرفيها منين يعنى
؟؟

ولو السؤال فيه احراج او ضايقك

عادى متجاوبيش
بس توجهى سؤال لحد بقى بدالى
هع هع هع هع هع

لا عادى ياامير
هو واحد قريبى انا لسه مش عرفه اذا كنت بحبه ولا لا
ولا اذا كان هو بيحبنى ولا لا
بس انا مره واحده لقتنى اتعلقت بيه وحسيت بكده من ناحيته بس زى ماقلت قبل كده انا بمشى بعقلى مش بقلبى فاول ما اتاكد من النحيتين هلغى عقلى وشغل قلبى
اى خدعه
لو عايز تعرف اسمه كمان اقولك ياامير
اسال حد

هسال المنسى
انت كنت قولت قبل كده انك زعلان من حد هنا
ممكن تقولنا انت لسه زعلان منه ولا خلاص وليه زعلت منه
ولو عايز تقول هو مين قول

لأ انا مش عنت زعلان من حد الحمد لله
هو مش كان زعل زعل يعنى هو كان كل اللى فيها انى زعلان من شخص اسمه زى اسم واحده معانا فى المنتدى فزعلت منها
سؤالى لمقالب

هدفك دلوقتى تدخلى كلية ايه

تصدق انا فهمت دلوقتى انت زعلان من مين
وفهمنا اكتر يامنسى لانى مش فاهمه حاجه من اللى قولته ازاى واحد اسمه علىاسم واحده
انا بحب التاريخ وعلم النفس واللى يجيبه ربنا كويس
سؤالى لامير
انت زعلت لما اتكلمنا فى لعبه الحب عن انك ماخترتش زهره واخترت حد بدالها قدام زهره

لا طبعا مزعلتش
لانى عارف انه كله كلام هزار فى هزار مش مقصود
وانا عمرى ما بزعل من الهزار

ومش عارف اوجه سؤال لمين

حد يسال مكانى

صباح الخير
السمري وصل تاني

وسؤال لمقالب

بتخططي للفترة القادمة ازاى ( حياة الجامعة ) اللى بتختلف عن فترة الثانوية بكتير هل فكرتي هتكون ازاى؟!!

الف حمد لله عالسلامة يا سمرى
منورنا والله من تانى
ووحشتنى انا بالذات موووووووووووووووت والله
ونفسى ايام زمان بتاعت التهييس ترجع تانى

ومستنيين اجابة مقالب

الله يسلمك ياامير

ترجع تاني ياميرو وليه لا

معاك يااميرفى التهييس

انا اسفة جدا ليكم كلكم

واعتذار خاص جدا للمنسى
وبجد للمرة التانية انا اسفة وياريت تقبلوا اعتذارى
انا اتاخرت لان النت عندى كان فاصل وكان عندى ظروف تشغلنى بجد اسفة
بس مكنتش بصيف ولا حاجة..................
أمنيتى فى الحياة انى انول رضا اللة فى الدنيا وفى الاخرة مش اكتر
وان الناس كلها تعيش مع بعض مطمنة ..................يبقى مفيش خوف.........

طب المفروض دلوقتى يا ساندى تسألى عضو

ممكن اسألك يامنسى سؤال

اية الحاجة اللى ممكن تجرحك اوى ولايمكن تسامح فيها مهما حصل؟؟؟
سؤالى بسيط بما انى مش شاركت فى اللعبة دى قبل كدة

حمد لله عالسلامة يا ساندى
ولا يهمك
المهم انك رجعتى تانى

ومنتظرين اجابة المنسى

ان حد يخدعنى و يجرح كرامتى

سؤالى لساندى
هل ممكن تسمحى لحد ما تعرفيهوش انه يدخل جواكى وحاول يعرف اسراراك ؟

هاه يا ساندى

مستنيين اجاابتك

طب شوف يا منسى وجه سؤالك لحد تانى

عشان ساندى غايبة اليومين دول

اول واحده تدخل الموضوع تجاوب على السؤال بتاعى الموجه لساندى

أنا عمري ما اسمح لأي حد ما اعرفوش إنو يدخل جواية ويعرف أسراري إلي باعتبارها خصوصيات د حتى يبقى تطفل منو يمكن بعد ما أتعرف عليه أكتر وأعرف شخصية و طباعه اثق فيه
وسؤالي لك يا منسي هل تعتبر حياتك مملة في بعض الأحيان لو أيوا إيه إلي نت عايز تحققه علشان تكسر الملل إلي فيها

الملل اللى فى حياتى هو سوء التوفيق اللى ملاحقنى من ساعة لما خلصت كل كليه بقيت بحس بالاحباط من كل محاوله بعملها انا متخرج بقالى سنه ولو مشيناها رسمى يبقى انا مخلص بقالى 5 شهور بعد الجيش والكورسات حاولت حوالى 12 محاولة شغل وكلهم حصل ظروف طارئه منعتهم
فالحاجه اللى تكسر الملل اللى اان عايش فيها هو انى الاقى شغل

سؤالى لزهره ايه تخطيطك لمستقبلك

بعد ما أخلص دراسة هنتقل إن شاء الله للحياه المهنية بس لفترة محددة حتقلي ليه يا زوها أقولك يا منس علشان أنا برد عايزة استقر مع الشخص إلي أنا مستعدة أكمل معه مسيرة حياتي وبكده أكون حققت إلي أنا عايزاة وسؤالي لك يا منسي لو إنت حصلت على شغل واشتغلت هل مفهومك للحياه هيتغير ولا لأ

انا اصلا حياتتى كانت كلها مرح بس من ساعة لما خلصت كليه وحوار الشغل ده بقا واخد كل تفكيرى مخلينى نسيت حياتى شويه

سؤالى لزهره هل ممكن تغيرى حياتك علشان الشخص اللى بتحبيه عاوز كده

أيوا طبعاً علشان يهمني رضاه عني ولو طلب مني أغير شيء في حياتي أو حياتي كلها يبقى أكيد عايز مصلحتي ووضع أنسب لنا احنا لتنين
نفس السؤال لك يا منسي

هيكون على حسب الهدف من التغيير لأن فيه بنات بتعوز حبيبها يغير من نفسه حاجه معينه علشان حد قالها مش علشان هى شافت انه لازم يتغير

سؤالى لزهره

ايه اكتر حاجه ممكن تخليكى سعيده وبتعملى ايه لما تفرحى

إلي ممكن يخليني سعيدة هو تحقيق أهدافي وكل إلي بتمنة وأشوف إلي حولية وصحابي مبسوطين
لم أكون سعيدة هتبقى كارثة حقيقية في البلد بحالها ضحك و هزار ومقالب وبكون رايقة قوي وانفذ أي حاجة بتطلب مني وعنيا مغمضة
سؤالي لمقالب بقى لما تعملي مقلب في ناس وينجح ويجيب مفعول احساسك يكون عامل ازاي يعني فخورة مبسوطة وهكذا

» حصريا لقاء مرتضى منصور مع مدحت شلبى فى حصاد الأسبوع وصواريخ أرض جو ضد شوبير لقاء نارى فى كل الإتجاهات على أكثر من سيرفر
» لكل شئ ثمن (( موضوع مفتوح لنقاش ))
» * تصوير مفتوح اصدار 10/2008
» حب دون لقاء
» احببتك دون لقاء .....