لقاء مفتوح

ماشى يا عم مفيش زعل ولا حاجة بس لما تجاوب قولنا عالموضوع علشان نروح نشوف الاجابة

وبالنسبة لسؤالك ليا ياعم
هجاوب اهو من غير تهييس
اولا انا كنت بحب واحدة ومحصلش نصيب نستمر مع بعض بسبب حاجات خارجة عن ارادتنا
وحاليا مفيش حد هو ممكن يكون فى اعجاب بس مفيش حاجة يعنى خالص يعنى لحد دلوقتى
وطبعا مخطبتش ولا حاجة

ونفس السؤال ده بساله لسمرى

ما انت عارف اهو يا كريم انى مهيس وكل حاجة بسبب التهييس

لازم تحرجنى يعنى ؟؟

ههههههههههههههههههههه

ماشى ياعم

هههههههههههههههههههه
ماشى ياعم كريم
ده انت اللى بتنقط عسل والناس ماشية وراك بالاطباق علشان يلموا العسل اللى بيقع منك
واستحمل بقى شوية
3 اسابيع وابطل تهييس منهم اسبوعين للامتحانات واسبوع التهييس بتاع فترة بعد الامتحانات
ولو مش فاهم خش الدراسة بتاعتى عن تهييس الطلاب فى قسم الشباب والبنات

ومستنين اجابتك يا سمرى يلا

ايه يا كريم فينك

ما ترد ياعم

يا عيون كيمو


ايه حكاية كريم ( بمحمد الجمال )
كريم جت بسبب طويل هختصره
بأني من ساعة ما أتولد و كل اللي حواليا بيقولي يا كيمو
و ده كان بسبب تفضيلي للآيس كريم عن أي أكل
و حتي عن اللبن ؛ و كل ما أكبر ينتشر أسم كيمو
لدرجة أن قليل جداً اللي يعرف أسم محمد
و غالبية الناس بتقولي يا كريم لأنهم متوقعين أن
كيمو أسم الدلع لكريم و ده الطبيعي ؛ لكن معزة الأسم زادت لما
شخصية بحبها و بعزها أوي علقت علي أسم كريم
لدرجة أنها يا عملت و أتعمل فيها مقالب حلوة بسبب أسم كريم و كيمو


طيب
طيب و احدة طب أقول 2 3
ده أحنا حتي حبايب

ماحولتش تشتغل فى مجال دراستك وايه السبب اذا كانت الاجابة بالرفض
مجال دراستي أشتغلت فيه 4 سنين و ف أماكن متعددة
بس بمرتب 90 و 120 لحد ما وصلت لأساسي 200
و مش دي المشكلة ؛ المشكلة أني متثبتش
و لما حصلتلي ظروف صحية صعبة ملاقيتش التقدير
اللي متوقعه مع أن أساس مهنتنا تقديم الخدمة و الرعاية الأجتماعية للأنسان
بس زي ما بيقولوا باب النجار مخلع

وبالنسبة لموضوع السياحة محولتش تفتح مكتب سياحة داخل مصر ثم تطورها
و الله بحاول يا سمري بس الموضوع محتاج تمويل
و عدم وجود شركاء متحمسين هو السبب
بس بأذن الله قريب هيكون في مشروع صغير
زي مكتب أو شركة


وايه اللى بيدور فى دماغك واحساسك بمستقبلك هيكون ايه ونفسك تعمل ايه ومش قدر عليه
و الله اللي بيدور ف دماغي كتير
و أحساسي بمستقبلي خير بأذن الله
و اللي نفسي أعمله و مش قادر عليه أني أحققه
حاجة الناس كلها شايفاها مستحيل
بس أنا مصمم علي المستحيل ده و كان سهل لحد قريب
بس دلوقتي مش قادر عليه
و بأذن الله هقدر علي تحقيقه لو ربنا أراد



و سؤالي ده ل سمري
بألك أد أيه مسافر ؟
و أيه اللي مضايقك في سفرك
و أيه اللي أنت أستفدته من سفرك حتي الآن
و مين أكتر ناس بتحبهم في المنتدي
و مين منهم حسيت كأنك تعرفه و مين فيهم
حسيت أنه غريب أو متناقض
و لأفضل عشر أعضاء في المنتدي
(( اللي موجودين في قائمة أفضل 10 أعضاء
في الجاني الأيسر للصفحة الرئيسية ))
لو كتبتلهم كلمة هتقولهم كل فرد علي حدة أيه ؟؟؟
(( يعني كل أسم لواحده و جنبه كلمتك ليه ))

احم احم انا كنت سامع حد بينادى عليا وجيت
المهم اولا احب اشكر سمرى على تقديمه الجميل ليا اللى اخجلنى جدا
واحب اقوله انت كمان اخ وصديق غالى وعزيز عليا ومن اقرب الناس ليا فى المنتدى
وثانيا انا مش عارف انت بتقولى مزعلش من ايه ؟؟
لو كان قصدك عللى حصل واحنا مسطولين عالمسطبة ههههه انا نسيته فى ساعتها ياعم
وانا كنت بهزر معاك يمكن كلامى موضحش انى كنت بهزر بس والله كنت بهزر
ويمكن انت خدت كلامى جد ومكنتش بتكلم بعصبية ولا حاجة
وبالنسبة لنصيحتك ليا انى اقلل عصبيتى شوية انا مش بزعل لو حد قالى على حاجة فيا مش كويسة خاصة لو كان من واحد بيحبنى وعارف انه عايز مصلحتى وعمرى ما ازعل منك بسبب حاجة زى دى واوعدك انى هحاول اقلل عصبيتى شوية ان شاء الله

وثالثا وهو الاهم انا طولت عليك وادى اجابتى على اسئلتك
1. ايه موضع الامير المصرى بالنسبة لاسمك الحقيقى
ج1.بص انا مش فاهم السؤال وهجاوب عليه من كل النواحى وانت تشوف كان قصدك ايه والاجابة المناسبة منها
فى اول منتدى اشتركت فيه مكنتش لاقى اسم اسجل بيه وفجاة لقيت اسم الامير المصرى طلع فى دماغى وعجبنى خاصة كلمة الامير دى ولقيتها احسن من كلمة الملك مثلا او الامبراطور لان الامير بيبقى اقرب للناس منهم وقلبه طيب وكده يعنى ( او ده معناه فى اعتقادى ) فاخترته والناس اللى فى المنتدى ساعتها اختصروه وكانوا بينادونى امير ع طول والاسم عجبنى وبقيت بشترك بيه ع طول
ولما جيت هنا لقيت كله بينادينى باسمى الامير المصرى كله ع بعضه فقولتلهم اختصارا تقولوا امير او حمادة وهما اختاروا امير
والاسم ده محدش يعرفه من برة المنتدى ده اسم الشهرة بتاعى جوة النت بس لكن برة كله بينادينى حمادة وقليل اوى اللى بينادونى محمد فاسم امير ده جه صدفة كده ومحدش برة المنتدى يعرفه او بينادينى بيه
ولو كانت اجابتى دى مكنتش كافية لسؤالك او موضحتش اللى تقصده قول تانى ووضح وانا هجاوب

2. ايه طموحاتك بعد التخرج وايه اللى تتمنى تحققه خلاص فترة دراستك
ج2.بص هعكس السؤال واجاوب الاول عن اللى بتمنى احققه خلال فترة دراستى
عايز اخد كورسات فى الكمبيوتر واللغات علشان لما اخلص اكون جاهز ومعايا شهادات تساعدنى انى الاقى شغل كويس وكمان ده هيساعدنى فى الدراسة
واتمنى الاقى بنت الحلال اللى احبها وتحبنى وتقدرنى وارتبط بيها بعد الدراسة وتقف جنبى ونبتدى مع بعض المشوار وكمان اخرج باصحابى الجدعين اللى عرفتهم ونستمر مع بعض
وبعد التخرج طموحاتى اكيد انى الاقى شغل كويس مناسب لشهادتى واللى درسته ولو ربنا موفقنيش هحاول افتح اى مشروع ابدا بيه مش هقعد فى البيت استنى الوظيفة تيجى لانها غالبا بالطريقة دى مش هتيجى يعنى مش هيياس هحاول اعمل اى حاجة باذن الله وعالعموم انا طموحاتى كبيرة جدا وتناطح السما وان شاء الله احقق اى حاجة منها

3. لو لاقدر الله حصل مشكلة امدة بتحلها ازاى وبتلجا لمين يساعدك ؟
ج3. بص انا عادة بحب احل مشاكلى بنفسى ومش بروح احكى لحد الا نادرا وغالبا بيكون صاحبى الانتيم اللى بحكيله كل حاجة واى حد بحكيله باخد منه رايه والتنفيذ انا اللى بنفذ لو اقتنعت برايه
وممكن لو جامدة اوى اوى واكبر منى الجا لوالدى او والدتى يعنى بخليهم للتقيل ههههههه

اى خدمة ياعم اجابات نموذجية اهى ومنظم عايز الدرجة النهائية
هههههههههههه

ومرة تانية ع فكرة انا عمرى ما ازعل منك او اى حد الا لو غلط فى حقى وانت مغلطتش فى حقى ولا حاجة ومن جوايا بحبك وبعتز بيك جدا ومفيش من جوايا غير الحب ناحيتك
وكله تمام وحصل خير وصافى يالبن وحليب يا انجوى
ونعتبر اللى حصل عالمسطبة من الحشيش والحاجات دى الله يلعنها
ههههههههههههههه

شكرا ليك يا سمرى يا جميل عالاطراء اللى اعتز بيه

وبالنسة للسؤال

احب استغل فرصة ان امل الحياة موجودة فى المنتدى دلوقتى واسالها سؤال

الاول احب اقولها وحشنا وجودك بينا ومشاركاتك فى المنتدى
ثانيا السؤال بقى
ايه اللى مغيبك كده عننا ومخلى وجودك فى المنتدى قليل مش زى الاول
ده انتى حتى خلصتى امتحانات ولا لا قدر الله النتيجة جت مش تمام وزعلانة ؟؟
واتمنالك التوفيق دايما فى كل حاجة فى حياتك وانك ترجعى تانى لنشاطك فى المنتدى

بس يارب تشوف السؤال

حمد لله عالسلامة يا امل
ومبروك اولا عالنتيجة اللى جت حلوة ويارب دوام التوفيق ليكى ولكل اعضاء المنتدى
وثانيا على ان جهازك اتصلح وربنا يبعد عنه الفيروسات وكل الميكروبات ههههه
وان شاء الله مش تبعدى عنا تانى

ومنتظرين اجابتك ع سؤال شوشو

اكتر حاجة بفتقدها فى حياتى دلوقتى اصحابى بتوع زمان اللى كانوا معايا من اولى ابتدائى لحد ثانوى
ولما وصلنا لمرحلة الجامعة بعدنا عن شوية لان كل واحد دخل كلية غير الباقيين ومبقناش بنشوف بعض الا فين وفين علشان كل واحد مشغول بدراسته
وقليل لما بنشوف بعض ونقعد مع بعض زى زمان
ما عدا واحد بس منهم اللى بشوفه كتير وهو صاحبى الانتيم

وسؤالى لدودو
ده لو مكنش فيها احراج يعنى
ايه السبب اللى خلاكى متكمليش دراستك ؟ وياترى اصحابك اللى كانوا معاكى وانتى بتدرسى لسه معاكى لحد دلوقتى ؟

يا لهوي يا لهوي يا لهوي هو أنا أقدر أقول حاجة أصلاً على احلا منتدا بجد ما فيهوش حاجة بضايق د زي العسل بأعضاؤه إلي منورينو وإستحالة اني أندم علشان اشتركت فيه
سؤالي ليك يا المنسي تقدر تتعامل مع ناس بحيادية ؟؟
ولما تضايق أو تزعل من أي حاجة ممكن تفش خلقك ف ناس إلي حواليك حتى لو ملهمش دخل ف إلي حصلك ؟؟
وحاجة تانية كمان مش عايزاك تعتبرها تطفل أو تدخل ف شؤونك شخصية بس لو سؤالي هيديقك انساه (بتحب )؟؟
ولو كان ردك نعم أو لا تفضل تحب بنت بلدك أو علا الأقل وحدة عربية مسلمة ولا مش مهم حتى لو كانت أجنبية بيمشي لحال ؟؟
اعتبرها اسئلة مبدئية بس علشان أعرف أكون فكرة صغيرة عنك ومرسي ليك مسبقاً

سؤالي ليك يا المنسي تقدر تتعامل مع ناس بحيادية ؟؟
انا الحمد لله بتعامل بحياديه مع كل الناس لدرجة ان لو حصل مشكله بين اخويا مثلا وواحد تانى واخويا اللى غلطان هقول قدام كل الناس اخويا اللى غلطان ولو انا اللى غلطان نفس الموضوع لأنى بحب العدل

ولما تضايق أو تزعل من أي حاجة ممكن تفش خلقك ف ناس إلي حواليك حتى لو ملهمش دخل ف إلي حصلك ؟؟

لأ انا لما بكون مضايق او زعلان ببعد عن التعامل مع اى حد وبكون لوحدى ولو قعدت مع حد بيكون خالى لأنه بيعرف يضحكنى
وحاجة تانية كمان مش عايزاك تعتبرها تطفل أو تدخل ف شؤونك شخصية بس لو سؤالي هيديقك انساه (بتحب )؟؟
ولو كان ردك نعم أو لا تفضل تحب بنت بلدك أو علا الأقل وحدة عربية مسلمة ولا مش مهم حتى لو كانت أجنبية بيمشي لحال ؟؟
انا كنت بحب بس حاليا لأ
بالنسبه للبنت اللى افضلها طبعا مسلمه ومش هتفرق معايا بلدها ايه او جنسيتها ايه
اعتبرها اسئلة مبدئية بس علشان أعرف أكون فكرة صغيرة عنك ومرسي ليك مسبقاً
ماشى يا جميل وميرسى على اسئلتك الجميله
ومنتظر اى اسئله تانى فى اى وقت تحبيه

سؤالى لزهره

انتى بتدرسى (( يعنى كلمينا عن نظام دراستك ))

بص يا سيدي بالنسبة لنظام دراستي كالتالي بدرس سنة ثانية ثانوي و الحمدلله عمري ما سقطت ف سنه من أول ما دخلت مدرسة وبالظبط بدرس لغات أجنبية يعني كل إلي مركزة عليه اللغات وبس زي فرنسي إنجليزي إسباني وألماني
ود لي بيخليني مبسوطة وعمري ما حس بملل علشان كل يوم بيكون فيه حاجة جديدة بتعلمها وبالإضافة لكل اللغات إلي سبق وذكرتها بدرس كمان مصري معاكو ههههه ومش هيهدالي بال غير لما أتكلمها بطلاقه وحرية زيكو كدة والاحلا كمان إن الاستذه كتار قوي بس زي العسل
سؤالي ليك تاني يا المنسي هو اسمك إيه وهل بيديقك اني أنديلك بيه علشان حكاية المنسي دي تقيلة عليه شوية

كريم والمنسى بقى هيتنططوا علينا بكلمتين انجليزى اتعلموهم
ومفيش حد بيسال حد
وانا هستغل الفرصة بقى واسال

وسؤالى موجه لسمرى
انت يا سمرى بتقول انك ناوى ترجع مصر قريب جدا ان شاء الله وتنورنا تانى وتسيب الغربة
انت شايف انك كده كونت نفسك وعملت اللى كنت عايز تعمله لما سافرت وكونت نفسك علشان تعيش فى مصر وتتجوز ولا هتنزل مصر فقط لانك زهقت من الغربة وعايز ترجع لاهلك تانى يعنى لسه محققتش اللى كنت تتمناه ؟؟

اوك ياعم كريم
حقك ع راسى من فوق
وانا كنت بهزر معاكم مش اكتر

طب خلاص ياعم انا هسال
ونبدا من الاول تانى

وسؤالى بردو موجه لسمرى
ايه هو هدفك البسيط ده اللى كنت عايز تحققه والحمد لله حققت منه 85 فى المية ؟؟

فينك يا عم سمرى

مجاوبتش ليه لحد دلوقتى
؟؟؟

يلا ياعم جاوب واسال اى حد

يالهوى يا سمرى انت لسه مجاوبتش ؟؟
سؤال غيره كان زمانه طفش ومشى من زمان


انت فين يا عم

يلا خش جاوب او اشوف غيرك اساله