لقاء مفتوح

حبيت نتواصل مع جميع الأعضاء بواسطة موضوع
(( اللقاء المفتوح))

وطريقته:

أبدأ أنا باختيار عضو وأسأله في أي موضوع فيقوم بإجابة السؤال
ثم يقوم هو بإختيار عضو ويسأله وأنا أستدعي العضو عبر الخاص
والعضو الذي يتأخر أو لا يجيب أقوم أنا بتحويل السؤال لعضو آخر
أو أقوم بتغير السؤال وتوجيه لعضو آخر
والعضو الذي يريد أن يحول له السؤال يطلب ذلك عبر الخاص
ليكون تحويل السؤال لمن يريد

ولكنـ ..

أتمنى أن لايكون في السؤال جرح مشاعر عضو أو إساءة
ولكن الشفافية والصراحة لا تعتبر إساءة
أتمنى أن يكون هذا النقاش تواصل للأمد البعيد
فهو كحلقة ربط مع الجميع
وإنشاء الله كل الأعضاء يشاركون

احترامي ،،،
امل الحياة

اول سؤال اوجهو لاخي مايسترو

لماذا قمت باختيار اسمك مايسترو ولماذا انت متعلق بالمنتدى؟؟؟

فكره جميله ياامل

اولا احب اشكرك يا صابرين على الموضوع الجميل ده

وبالنسبه لسؤالك

انا اخترت اسم المايسترو لانى لاقيت فى الاسم ده جزء من شخصيتى الحقيقه ويعنى وهوه بينى وبينك عجبنى جدا وبحب كل الاعضاء تنادينى بيه بالا ضافه لاسمى الحقيقى اللى الكل عارفه طبعا

وانا متعلق بالمنتدى طبعا لانه فيه احلى اعضاء شوفتهم فى حياتى وان شاء الله ميبعدنيش عنكم الا الشديد القوى

وشكرا ليكى مره اخرى يا صابرين

وانا هختار بعدى دودو

واوجهلها السؤال بيقول انتى امته بتحسى انك اسعد انسانه فى الدنيا

شكرا لك اخي مايسترو وشكرا لكي اختي مقالب

ميرسى ليك يامحمد على اختيرك ليه

وانا اكتر وقت ببقى اسعد واحده فى الدنيا

لما الاقى اللى قدامى فرحان او حاجه حصلت ليه مخليه مبسوط اوى وابقى اسعد لو كان الشخص ده عزيز عليا اوى وببقى مبسوطه اوى لما القى اللى قدامى مهتم بيه وبكلامى

وانا هسال اللى بعدى مايستروا

ايه اكتر حاجه بتتمنها بعد الكليه ان شاء الله يامحمد

انا بتمنى انى الاقى وظيفه كويسه ومناسبه ليه

والاقى بنت الحلال اللى هعيش معاها بقيت عمرى

اللى بعدى هختار مقالب

انتى عايزه تبقى ايه او تدخلى كلية ايه؟؟؟؟؟

انا عيزه ادخل كليه علم نفس
ممكن اختار
امل واقولها مواضيعك منقوله ولا انتى اللى جيباها

فكرة جميلة جدا يا امل

ويا مقالب مفيش كلية اسمها كلية علم نفس لو عايزة تدرسى علم نفس تخشى كلية اداب قسم علم النفس

وعقبال ما نشوفك دكتورة نفسانية كبيرة اد الدنيا

ايوه ياامير انا قصدى على قسم علم النفس
ان شاء الله يارب انجح

شكرا لك يا امير المصري
اما بالنسبه لسؤال مقالب مهي فكرتي بتمنى تعجبكو

سؤالي لا امير

هدفك من الحياة ؟؟؟ هل حققتو ؟؟؟

اولا المفروض كل انسان يكون هدفه فى الحياة انه يعمل لاخرته لان ربنا خلقنا لعبادته وفى الاخر كلنا هنموت ومش هتبقلنا غير عملنا الصالح اللى عملناه
فاسمحيلى اصحح السؤال واخليه حلمى اللى عايز احققه فى الحياة حققته ولا لا
واجابتى
من وانا صغير كانت امنيتى انى اكبر واصبح لعيب كورة لانى بحبها جدا والحمد لله كل اللى بيشوفنى بلعب بيقول عليا لعيب كويس وجامد وبيقولى روح لاى نادى العب فيه
بس للاسف مفيش واسطة تساعدنى فى البلد اللى ظروفها خربانة دى دلوقتى
ودلوقتى بتمنى انى اخلص دراسة واشتغل واكون نفسى والاقى اللى احبها وتحبنى ونعيش مع بعض على طول
وطبعا انا لسه فى مرحلة الدراسة فالحلم لسه بمشى فيه وفى طريقى انى احققه بأذن الله

وسؤالى اوجهه لدودو
هو انتى كنتى جربتى قبل كده وحبيتى ؟؟ طب ولسه مستمرة ؟؟

انا هرود عليك ياامير اولا انا مش حبيت حد حب حب يعنى لان بجد اخاف انى احب بجد عشان اخاف انى ابعد عنه لانى ساعتها هكون اتعلقت بيه ومش هقدر استغنى عنه فاحسن حاجه انى مش احب من الاول

وسؤالى لسمرى

اوصف حياتك كلها فى جمله

It's very nice

بجد هايل ياصابرين
تسلم ايدك
وبشكر كل اللى اشترك
انه جاوب بصراحه
وده واضح من كلامكم

الكلام اللى بيطلع من القلب
بيوصل القلب بلا واسطه

dodo_dodo كتب:: انا هرود عليك ياامير اولا انا مش حبيت حد حب حب يعنى لان بجد اخاف انى احب بجد عشان اخاف انى ابعد عنه لانى ساعتها هكون اتعلقت بيه ومش هقدر استغنى عنه فاحسن حاجه انى مش احب من الاول

وسؤالى لسمرى

اوصف حياتك كلها فى جمله

رائع على الموضوع ياامل

واسف على التأخير
بالنسبة لسؤال دودو
ممكن اوصف حياتي

فيها الصعب وفيها السهل وفيها الحب والامل وفيها الحزن

سؤالي لدودو

ماهو مبدأك فى الحياة وما هو سبب اختيارك لهذا المبدأ ؟

هاه يا دودو مجاوبتيش ليه
يلا جاوبى
مش عايزين الموضوع يقف

انا ممكن اشترك معاكم ولا ايه النظام

ياباشا تنور ده لقاء مفتوح بس دودو تجاوب على السؤال وتوجيه لسؤال لاي عضو

معلش يا جماعة
دودو جالها زهايمر
عشان أدمنت حقن الفراخ
اللي كانت بتضحك علينا و بتقول مبتاخدهاش
بأوامر ماما

مش هينفع كده عايزين الموضوع يمشى

يلا يا دودو جاوبى

معلشى ياجماعه على التاخر ووقف الموضوع عشانى

اما بالنسبه للسؤال بتاع سمرى

ماهو مبدأك فى الحياة وما هو سبب اختيارك لهذا المبدأ ؟

مبدائى انى اعامل الناس بمعملتهم ومش اكدب عليهم واخترته ليه عشان اعرف مين اللى بيكدب عليا او بيضحك عليا

وسؤالى للمنسى

انت ليه ديما مش عندك امل مع الحياه

هههههههههههههههههههه

حمد الله على السلامة
اخيرااااااااا
هههههههههههه

والله يا دودو كل لما يبقى عندى امل واقول الدنيا ضحكتلى بترجع تانى تكشر فى وشى علشان كده بقيت مش بحط امل لحاجه
سؤالى لدودو
ايه اكتر حاجه بتفرحك

اكتر حاجه بتسعدنى لما القى حد عزيز عليا فرحان

سؤالى لسمرى

انت بدل زهقت من الغربه مش بتنزل ليه

يلا يا سمرى ياريت تنجز بقى وتجاوب على طول
مش تعمل زى دودو

فكرت فيها كتير واخذت رأي اقرب الناس لى من اهلى واصحابي وان شاء الله عن قريب هنفذ القرار ( بحاول الحق بالحج القادم ان شاء الله قبل ما انزل) انا اتصلت باحد المشايخ فى بلدى وشرحت له ظروف العمل بما فيها من تزوير وعمل غير رسمي وغيره ولسه بلاوي كتير فنصحنى بالابتعاد فى اقرب فرصة باقى لى معاهم حسب العقد 8 شهور لو مشيت عادى هكملهم وخلاص ويبقى كده انتهيت منهم على حسب العقد

رضا الرب ولا رضا النفس ورضا العبد
احلى حاجة كانت مصبراني هنا العمرة والحج والحمد لله عملتهم ومستنى الحج التاني ان شاء الله
دى الحاجة الوحيدة اللى هو ميقدرش يقول لنا لا فيها

السؤال برده ليك يادودو

لو اخوكى مساقر وحكى معاكي على اللى بيحصل معاه من عمل بالقوة واوقات تزوير وشغل مش قانوني ملتزم معاهم بعقد وممكن يتأذى من حبس او عمل بدون راتب لمدة معينه ولا يوجد سلطة فوق سلطة صاحب العمل وانك بتشغل مع ناس معدومش ثقة فيك وكمان بيقولوا عليك حرامي ودا المعروف عن المصريين فى السعودية وحاكلك مع العلم انه المتبقى له من الراتب شهريا مبلغ ضعيف بعد مصاريف السكن والاكل والشرب والمواصلات والاتصالات وعلاج وغيره كتير واخذ رأيك هتنصحيه بايه

معلهش يادودو طولت شويه عليكى وعلى الاعضاء

معذرة سامحونى

معلشى على التاخير ياجماعه كل مره بتاخر كده معلشى

وبالنسبه لسؤالك ياسمرى

انا هنصح اخويا انه يسيب العمل ده ويرجع مصر فى اقرب وقت لانهم مش واثقين فيه ومتهمينه انه حرامى وكمان بيبقى معاه فلوس قليله يبقى ينزل يشتغل فى بلده احسنه ومش يتهان عند حد الفلوس بتروح وتيجى بس الواحد مش عنده الا كرامته

وسؤالى ليك ياسمرى

انت لما تنزل مصر هتشتغل نفس الشغل اللى انت كنت بتشتغله عندك

واااو شو هالموضوع المميز
تبادل اسئله
ولله حلو
يعطيكو العافيه

dodo_dodo كتب:: معلشى على التاخير ياجماعه كل مره بتاخر كده معلشى

وبالنسبه لسؤالك ياسمرى

انا هنصح اخويا انه يسيب العمل ده ويرجع مصر فى اقرب وقت لانهم مش واثقين فيه ومتهمينه انه حرامى وكمان بيبقى معاه فلوس قليله يبقى ينزل يشتغل فى بلده احسنه ومش يتهان عند حد الفلوس بتروح وتيجى بس الواحد مش عنده الا كرامته

وسؤالى ليك ياسمرى

انت لما تنزل مصر هتشتغل نفس الشغل اللى انت كنت بتشتغله عندك

بسى ياستى انا حاصل على بكالوريوس تجارة شعبة محاسبة بس اشتغلت هنا اكثر من سنتين فى مجال الموارد البشرية والشئون الادارية وشئون الموظفين اي كل مايهم الموظف فى الشركة من رواتب واجازات وغيابات ومستحقات ومكافاة والخ........... غير شغلى فى المبيعات لفترة ومحاسب استحقاقات لفترة
وحبيت المجال ده قوى برغم انى كنت لا افقه فيه اي شئ الا انى قرأت فيه حتى وصلت اننى نائب المدير الان فى ذلك القسم اقوم بالتوقيع عنه وفيما يلزم فى حالة عدم وجوده واطلعت على كل ما ينص عليه اى اختصاص هنا فى المملكة فانا سأحاول ان اكون فى نفس الاتجاه او فى قسم الحسابات حسب تخصصي
والشغل واحد فى كل مكان بس اللى بتختلف النظم والقواعد وانا بحاول من فترة قرأة اي ما يتاح عن هذا المجال فى مصر لاكون على دراية به ايضا واشمل كل قوانيه

بردو ليكي يادودو

بما انك خلصتى تعليم مافكرتيش تشتغلي اهو منها يضيع بعض الوقت من اليوم بسرعة بالاضافة الى مصاريفك الشخصية والا انت مع ان البنت مكانها البيت وزوجها واولادها فى المستقبل ان شاء الله

بص ياسمرى انا لما خلصت الدبلوم انا كنت هكمل وادخل كليه بس مش فى حد كان هيجى معايا وكنت هروح لوحدى فمرحتش اما حكايه الشغل دى لاء مش فكرت اشتغل لان بصراحه انا اللى بعمل شغل البيت عشان اريح مامتى واختى التانيه لسه صغيره مش بتعمل حاجه بس قاعده البيت ممله بجد

وبردوا السؤال ليك ياسمرى

انت ليه روحت اشتغلت عندك عشان الفلوس صح

بسى يادودو انا فاهم قصدك بس اى انسان فى مقبل العمر عايز يعمل حاجة بتصعب عليه جلوسه وسط اهله بعد ماصرفوا عليه دم قلبهم
انا مؤمن ان الارزاق مكتوبة وموجودة بس السفر ما هو اللى وسيلة للسرعة ممكن تفوز وممكن تخسر انا اشتغلت فى مصر كتتير يادودو منذ الصف الخامس الابتدائ فى الاجازة (بيرجع الفضل فى ده لعمي رحمة الله عليه) حتى ايام الكلية كنت بشتغل بجوار الدراسة يعنى بعتمد على نفسي من الصغر يعنى واخد على الشغل وعلشان لسه متخرج جديد ومافيش خبرة اشتغلت سنة فى مصر قبل السفر وكان راتب وقتها 550 جنيه وكنت عايش حياتي
جرت احلامي وراء السفر ساعيا فى المكسب الوفير ( ماهو باين هههه) الحمد لله على كل حال زى اي شاب بعد التخرج بحلم انه يسافر ولما بتجي الفرصه بيجري وراء الفلوس حتى لو قالوا له 1500 ريال شهريا ميعرفش حاجه ان 1500 مشبتكفى الشهر وناسي انهم بيمتصوا دمه وعمره ووقته وبعده عن اهله وكل حاجة حلوة فى حياته مقابل ايه لاشئ
بعد اسبوع من العمل فى السعودية اخذت قرار اني لن اكمل حياتي بالغربة لاسباب كتير
على راي المثل هتلف تلف وترجع تاني يعن هرجع مصر سواء بعد سنه و اكثر سواء حي محمول على قدامي او محمول فى تابوت ( ميت ) او تغطي به تراب الصحراء
طالما راجع راجع فقررت احقق لو نسبة كبيرة من حلم اى شاب وهى تكوين نفسه والحمد لله حققت منها اكثر من 60% ودا انا راضي بيه وبعدين مازال عمري 25 سنة زى مابيقولوا صغير واخذت كبيرة كبيره هنا اقدر استفاد بها فى اى مكان فالاولى بلدى
لو ماكنش امامي امل عايز احققه والله العظيم كنت رجعت بعد فترة قصيرة
فى عندى كلام كتير فى كل حاجة

مش عارف اسأل مين ولامين دودو طيرت عقلى وبتقلب علينا المواجع
لا ياعسل بهزر اسألي براحتك

ههههههههههههههههههه

مافيش فى دماغي سؤال معين او حد معين
اهو ليكي يادودو السؤال
اتكلمى عن اي حاجة فى حياتك انا عارف انك اتكلمتى فيها كتير فى كرسي الاعتراف بس مش لاقى اسئة دولوقتى

والله ياسمرى انت صعبان عليه فى اللى انت فيه بس ربنا معاك وترجع بالسلامه ان شاء الله

وبالنسبه للسؤالك

انا حياتى فيها الحلو والوحش يعنى ممكن افرح اوى عشان عملت حاجه تسعد اللى قدامى وممكن ازعل عشان حد عزيز عليا بس الحمد الله على كل شىء

وسؤالى لكريم يالله ياسمرى اريحك منى شويه

انت بتشتغل ايه ياكريم او بتدرس ايه

ولا يهمك براحتك ياستى

يالا ياكيمو مش عايزين الموضوع يقف

آسف للتأخير أمير حكم عليا ب 10 ردود
في قسم كلام الشباب و زيهم في قسم كلام البنات
و أنا أندمجت في الآثنين لشدة أعجابي بعدة موضوعات

و أجابة السؤال يا دودو

أنا و لله الحمد بشتغل أخصائي أجتماعي
و بدرس دراسات عليا في مواضيع تخص
مجال دراستي
وبجانب كدة للتحسين بشتغل في مجال السياحة
و لكن بمفهوم بسيط و جديد و هو حجز سيارات
و شقق سياحية و أعداد برامج لأماكن سياحية
بس عملي حر من غير شركة يعني
و كتير بدخل معايا فيه بعض زمايلي المقربين
و بأذن الله هيكون في مشروع متواضع
قريب في المجال ده ......
و علي فكرة من غير سؤال أنا كاتب
العمل في خانة العمل/الترفيه

عموماً مرة تانية شكراً يا دودو
و كتر خيرك يا سمري باشا
علي أنك فكرتني بالسؤال

و السؤال لدودو و لسمري
نوع دراستك أيه ؟؟
أيه أحلامك ؟؟
و ياريت متزوغوش

بس ياكيمو
اولا لازم تسأل واحد بس علشان هو يسأل اي حد تاني
بس انا هجاوب واسيب دودو تختاري من تسأله
معلهش ياجميل اسألي انت

نوع دراستى
حاصل على بكالوريوس تجارة شعبة محاسبة
احلامي
بسيطة ( اكون قريب من ربنا ويغفر لي - اتمنى ان مصر يتعدل حالها وتضم اولادها تاني - اتمنى ان ارجع مصر سالم غانم واعمل مشروع صغير فى مصر وبمجهودي انا واللى معايا يكبر ويكبر )

جاوبي يادودو على سؤال كريم وهو التالي

نوع دراستك أيه ؟؟
أيه أحلامك ؟؟

اولا انا قولت كتير انى مش بدرس انا خلصت دبلوم فنى

وايه احلامى

انا بردوا اطيع ربنا ومش اعمل حاجه غلط وكمان انى اكون مع الناس اللى بحبهم وبيحبونى وانى ربنا يحققلى اى حاجه بتمناها

ومش عت تعملها ياكريم تسال اتنين دى اصل اخليك تنتحر من على الكرسى

وسؤالى لسمرى

انت ممكن تزعل من اهلك مثلا فى حاجه انت مش عايزها وتسبلهم البيت مده انا بقول مثلا

جرى ايه يا جماعة
هو دودو وسمرى هياخدوا الموضوع لحسابهم ويفضلوا يسالوا فى بعض ولا ايه
خلوا باقى الناس تشارك معاكم
ده الموضوع مش بتاعكم امل هى اللى عاملاه
هههههههههههههههههههههه

معلشى ياامير ده اللى يختار مش حاجه واحده ياعم الحج

بس سمرى يااجب ويختار حد غيرى

dodo_dodo كتب:: اولا انا قولت كتير انى مش بدرس انا خلصت دبلوم فنى

وايه احلامى

انا بردوا اطيع ربنا ومش اعمل حاجه غلط وكمان انى اكون مع الناس اللى بحبهم وبيحبونى وانى ربنا يحققلى اى حاجه بتمناها

ومش عت تعملها ياكريم تسال اتنين دى اصل اخليك تنتحر من على الكرسى

وسؤالى لسمرى

انت ممكن تزعل من اهلك مثلا فى حاجه انت مش عايزها وتسبلهم البيت مده انا بقول مثلا

مع اني مش عارف ليه اللى ورا السؤال بس ماشي شاكك ان له علاقة بالسفر

هههههههههههههههههه
انا عمري ما ازعل من اهلى حتى لو كان زعل مبسبش البيت وبات بره لا
ممكن اخرج 5 دقائق وارجع تكون كل حاجة زي ماكانت بخرح لحد ما العصبية اللى عندي ماتروح

ليك ياعم امير

اسمك الحقيقي بالكامل
هوياتك فى الحياة
مفضلاتك فى كافة نواحى الحياة الرياضة ( منتخب - نادى - لاعب- مدرب )وكذلك التمثيل ( مسلسل - فيلم - نجم - نجمه ) والفن والكتابة والنت الى اخره ياعسل

الامير المصرى كتب:: جرى ايه يا جماعة
هو دودو وسمرى هياخدوا الموضوع لحسابهم ويفضلوا يسالوا فى بعض ولا ايه
خلوا باقى الناس تشارك معاكم
ده الموضوع مش بتاعكم امل هى اللى عاملاه
هههههههههههههههههههههه

هههههههههههههههههه

يالله ياعسل جاوب
مستنيك

اي يا عم كل ده

انتو يااما تسيوب الناس خالص يا اما تهروهم

انا اللى جيبته لنفسى وعالعموم هجاوب

ده من دواعى سرورى

اسمى الحقيقى بالكامل

محمد صلاح رفاعى غزالى سليم عبدالله

هواياتى

كرة القدم والنت والسباحة والخروج مع اصحابى

مفضلاتى

منتخب ......... اسبانيا

نادى............. برشلونة

لاعب ........ مابوتريكة علشان اصحابى مسمينى على اسمه وميسى ورونالدو وكاكا

مدرب .......... جوارديولا وجوزيه وجوس هيدنيك

وبالنسبة للتمثيل

مسلسل ........ احزان مريم

فيلم ......... ابوعلى والباشا تلميذ وزكى شان

نجم .......... كريم عبد العزيز واحمد حلمى واحمد عز وخالد ابو النجا

نجمة ......... ياسمين عبد العزيز وغادة عادل وايمان العاصى

الفن ... مش فاهم قصدك بس بعرف امثل امثل الدور الدرامى اللى المفروض يخليك تعيط امثله اخليك تضحك ههههههههههه

الكتابة ...... بحبها بس معنديش وقت للاسف

النت ...... كفاية ان فيه منتدى احلى حياة

واتمنى تكون الاجابات شافية ليك ولو عايز تعرف عنى حاجة تانى روح شوف حلقتى فى كرسى الاعتراف

وسؤالى ليك يا سمرى

معلش هما سؤالين

اولا ايه حكاية اسم semary اللى انت مسمى نفسك بيه ؟

ثانيا انت ااى بتلاقى الوقت الى بتقعده كل ده فى المنتدى رغم انك بتشتغل فى شركة وفى مركز كويس يعنى ؟

اوعى تفتكر انى بتضايق من وجودك لا يا عسل بس عايز اعرف ايه الشغلانة دى علشان لما اكبر اشتغلها ومبعدش عن المنتدى ويمكن تاخدنى معاك

الامير المصرى كتب:: اي يا عم كل ده

انتو يااما تسيوب الناس خالص يا اما تهروهم

انا اللى جيبته لنفسى وعالعموم هجاوب

ده من دواعى سرورى

اسمى الحقيقى بالكامل

محمد صلاح رفاعى غزالى سليم عبدالله

هواياتى

كرة القدم والنت والسباحة والخروج مع اصحابى

مفضلاتى

منتخب ......... اسبانيا

نادى............. برشلونة

لاعب ........ مابوتريكة علشان اصحابى مسمينى على اسمه وميسى ورونالدو وكاكا

مدرب .......... جوارديولا وجوزيه وجوس هيدنيك

وبالنسبة للتمثيل

مسلسل ........ احزان مريم

فيلم ......... ابوعلى والباشا تلميذ وزكى شان

نجم .......... كريم عبد العزيز واحمد حلمى واحمد عز وخالد ابو النجا

نجمة ......... ياسمين عبد العزيز وغادة عادل وايمان العاصى

الفن ... مش فاهم قصدك بس بعرف امثل امثل الدور الدرامى اللى المفروض يخليك تعيط امثله اخليك تضحك ههههههههههه

الكتابة ...... بحبها بس معنديش وقت للاسف

النت ...... كفاية ان فيه منتدى احلى حياة

واتمنى تكون الاجابات شافية ليك ولو عايز تعرف عنى حاجة تانى روح شوف حلقتى فى كرسى الاعتراف

وسؤالى ليك يا سمرى

معلش هما سؤالين

اولا ايه حكاية اسم semary اللى انت مسمى نفسك بيه ؟

ثانيا انت ااى بتلاقى الوقت الى بتقعده كل ده فى المنتدى رغم انك بتشتغل فى شركة وفى مركز كويس يعنى ؟

اوعى تفتكر انى بتضايق من وجودك لا يا عسل بس عايز اعرف ايه الشغلانة دى علشان لما اكبر اشتغلها ومبعدش عن المنتدى ويمكن تاخدنى معاك

من دواعي سروري انى معكم

بالسنة للسؤال الاول
اسمي : محمد ثروت السمري
بس اصحابي فى مصر حتى هنا فى السعودية بقولوا للا ياسمري
فبحبه لانه لقبى وكمان الناس كلها عرفته فبقيت مشهور بيه

بالنسبة للسؤال الثاني
بحكم عملي دوامي من 8صباحا الى 5مساءا فهو مرتبط بالنت لاشتراك الشركة فى اشياء كتير على النت وبعد الساعة الخامسة فى البيت على الاب توب
اما الوقت قبل اجازتى كان كل العمل محمول فوق عنقى لا استطيع ان اتنفس دقيقة مسئول عن 250 موظف رواتب وعقود وتوظيف والله يااميركنت او ملمس اي حاجة او اى حد احس بكهربة فى جمسي الناس مش هكمل بس لما جيت انزل اجازة قالا لى دور على بديل ليك وبعدين لاقيت شخص دربته على العمل واستلم منى المهام وعندى عودي اصبح عملى اخف بكتير من الماضى اصبحت متحصص بالاتفاقيات للموارد البشرية والتأمينات الاجتماعية ومراجعة باقى الاقسام والمساعدة اذا لزم الامر متققلش البديل كلها شهرين ويسافر اجازة وهتمرمط تاني

لو عندك حاجة تاني اتفضل ياعسل

سؤالي ليك برده ياامير

على اي اساس تختار اصدقائك وماهى مواصفاتهم
على اي اساس ستختار شريكة حياتك وماهى مواصفاتها

انا مش بختار انا الناس اللى بتعرف عليهم لو ارتحتله لو حسيت انه انسان كويس وهينفعنى وانفعه بقرب منه ولو لقيت منه تجاوب بنبقى اصحاب
وبالنسبة لمواصفات صديقى
كنت قريت جملة قبل ثابتى فى دماغى بالنسبة لمواصفات الاصدقاء
صديقك هو كل من يجدكك يذكرك بالله ويقربك منه وكلما يجدك تضل عن الطريق ارشدك للطريق الصحيح
او هى بالمعنى دى تقريبا لانى مش فاكرها اوووى
يعنى هو بيرشدك للطريق الصحيح دايما كلما ما يشوفك ضليت عنه

وبالنسبة لشريكة حياتى اهم حاجة عندى دينها و اخلاقها وسمعتها الطيبة وبعد كده جمالها
ومواصفاتها انها تكون عاقلة وهادية ورومانسية واكون بتحبنى اوووى اكتر ما انا بحبها

وسؤالى لكريم بقى علشان ميخشش تانى يسال غلط

انت خاطب ولا لا يا كيمو ؟؟؟ وهتتجوز امتى يا عم ؟؟؟
وعايزين نعرف انت بتشتغل ايه بالظبط ؟؟

أولاً : أنا مش خاطب
ثانياً : أنا و لله الحمد بشتغل أخصائي أجتماعي
و بدرس دراسات عليا في مواضيع تخص
مجال دراستي
وبجانب كدة للتحسين بشتغل في مجال السياحة
و لكن بمفهوم بسيط و جديد و هو حجز سيارات
و شقق سياحية و أعداد برامج لأماكن سياحية
بس عملي حر من غير شركة يعني
و كتير بدخل معايا فيه بعض زمايلي المقربين
و بأذن الله هيكون في مشروع متواضع
قريب في المجال ده ......
و علي فكرة من غير سؤال أنا كاتب
العمل في خانة العمل/الترفيه

ثالثاً : بأمانة الله مين أكتر واحد بتحبه في المنتدي يا أمير
و نوع دراستك أيه ؛ و منطقة سكنك أيه

ايه يا عم السؤال ده

بص معلش مش هجاوب لدواعى امنية
بس والله بحبكم كلكم وكلكم غاليين عليا اوووووووى

وبالنسبة لدراستى انا فى كلية تجارة جامعة عين شمس الفرقة التانية

وانا ساكن فى القاهرة فيما بين عين شمس والمرج

وسؤالى اوجهه لزهرة
علشان نخليها تشارك معانا اكتر ونتعرف عليها وتتعرف علينا اكتر

انتى عرفتى المنتدى منين ؟؟ وايه اكتر حاجة شدتك وعجبتك فيه وخليتك تستمرى فيه ؟؟
ومين الاعضاء اللى عجبوكى لحد دلوقتى ؟؟

إيه د يا أمير مش كنت تسبني ف حالي أحسن هههههه
بص يا سيدي عرفت المنتدى وأنا بحمل أغاني فاحد المواقع وفالكمنت كان فيه واحد بيتكلم عن المنتدى دا دخلت واشتركت فيه وأكتر حاجة شدتني إنو متنوع وفيه نشاطات كتيرة والأعضاء إلي معجبة بهم الكل حتى لي لسة ما عرفتوش علشان الكل ليه طريقة معينة وتفكير مختلف زيك يا أمير ومحمد علي والمنسي والسمري و كريم ودودو ومقالب والمايسترو و إلي مش لقي اسمو ما يأخذنيش أصلي مش حفظاهم كلهم
سؤالي ليك يا أمير لما تحس انك عامل حاجة غلط أوي ردت فعلك تكون ازاي وهل بتمر عليك أوقات تحس فيها بالوحدة ؟؟ ولو دا حصل يبقى امتى ؟؟
ومرسي ليك يا أمير

رائع يازهرة وجودك معنا الاجمل ياعسل

ياللاه ياعم امير متوقفش الموضوع
هههههههههههههههه

رائع يازهرة وجودك معنا ومشكورررررررررررررررررررررررررررررررررررررررر

مرسي أوي وجودكم إلي محليها أكتر وأكتر

» حصريا لقاء مرتضى منصور مع مدحت شلبى فى حصاد الأسبوع وصواريخ أرض جو ضد شوبير لقاء نارى فى كل الإتجاهات على أكثر من سيرفر
» لكل شئ ثمن (( موضوع مفتوح لنقاش ))
» * تصوير مفتوح اصدار 10/2008
» حب دون لقاء
» بين لقاء و فراق ..