يالا ندردش

ودي عايزة كلام يا محمد أكيد ضده

ماشى يازهره
طيب فين باقى الاراء
علشان نعرف نناقش الموضوع

نستنا كمان شوية

بص يا محمد التمرد بيبقى على حسب الوضع
يعنى لما تبقى فى مكان كل حاجه فيه ماشيه غلط وانت بتعمل صح ويكون الباقى مفكر انك انت غلط وهما صح يبقى هنا لازم اتمرد

هتمرد على الوضع الحالى الهضبه عمرو ابو دياب

لو كان تمرد على عادات حميدة وكويسة يبقى اكيد هبقى ضده
زى مثلا اللى بيحصل اليومين دول من البنات والشباب وتقليدهم للغرب فى طريقة لبسهم وكلامهم وعاداتهم اللى متناسبناش خالص وتعترض مع تعاليم دينا هنا طبعا التمرد مرفوض شكلا وموضوعا وانا ضده
ولكن ان يكون التمرد على عادات قديمة او بتعرقلنا متخليناش نتقدم ففى الحالة دى انا مسميهوش تمرد لانى معتقدش انها مناسبة فالحالة دى انا بسميه محاولة اصلاح وتغيير بشرط ان يكون ده ميتعارضش مع مجتمعنا وعاداتنا وتعاليم ديننا

فلو كان عايز تتكلم عن التمرد
يبقى تجيب حاجات ونقول راينا فيها اذا كان التمرد عليها مقبول ولا لا

جميل جدا ياجماعه كلامكم ده
التمرد ممكن يكون كويس وممكن يكون سئ
طيب ايه رايكم فى التمرد على الواقع اللى احنا عايشينه دلوقت
يعنى لو واحد مش عاجبه عيشة اهله يتمرد عليهم والا لا
وازاى

لا لو ظروف اهله صعبة مثلا فى حالتين
انه يتمرد عليهم ويعاملهم بطريقة مش كويسة ويتمرد عليهم ويلعن اليوم اللى خلاه واحد منهم وكده يعنى والاسلوب اللى احنا عارفينه ده
ده لا طبعا
لكن انه تمرد على عيشته دى ويحاول انه يخلى عيشته وعيشة اهله احسن ويدور ع شغل او يعمل مشروع صغير ويحاول يكون احسن ده هو المطلوب ومفيش احسن من كده تمرد
لكن لو قصدك التمرد على البلد دى والناس اللى ماسكينها
انا موافق مليون فى المية
بس الى هيتمرد ويروح فى الدوكة انا مليش دعوة بيه
بقولها اهو من دلوقتى
هع هع هع هع هع

انتظروا ثورة المنسى المتمرد على الوضع الحالى Evil or Very Mad

جميل جدا كلامك ياامير
وماشى يامنسى
مش غريب عليك
هههههههههههههه

طيب ياجماعه
كلام امير خلانى فكرت فى سؤال
هل كل شاب وكل فتاه عايزه تشتغل
هل انتم موافقين تشتغلو اى شغلانه مهما كانت متواضعه
مادامت شريفه وبتجيب فلوس
والا لو مش شغلانه بمستوى اجنماعى
مش هتقبلو الشغل
والسؤال موجه لشباب اكتر
لان هم المسؤلين عن المصاريف اكتر

بص يا عم
فى البداية لو انا ملقتش شغلانة تناسب مؤهلى بعد بحث وتعب
ولقيت شغلانة تانية متواضعة هقدر انجح فيها هشتغلها مؤقتا واهى بردو تجيب فلوس وفى نفس الوقت بردو وانا بشتغل هفضل ادور على شغلانة تناسبنى وتناسب مؤهلى
يعنى دى هتبقى حاجة مؤقتة تساعدنى فى الوقت الحالى لحد ما الاقى الشغل اللى بدور عليه
ومين عارف يمكن فى وسط الشغل المتواضع ده الاقى ناس واتعرف عليهم يقدر يساعدنى انى اوصل للشغل اللى انا عايزه او حتى انجح فى الشغل اللى بشتغله وافتح مشروع فيه خاص بيا واكبر فيه وفى كل الاحوال كده افضل من انى اقعد فى البيت عالة على اهلى لا شغلة ولا مشغلة
وبزود مصاريفهم وكمان الايد البطالة نجسة
وبص علشان محدش يفتكر كلامى فلسفة ودبلوماسية انا لو اشتغلت شغلانة متواضعة اكيد هحس من جوايا بحرقة وهكون متضايق وزعلان بس انا هتعامل معاها على انها مرحلة مؤقتة تساعدنى اوصل للى انا عايزه بعدين يعنى مش هقف عندها وهرضى بقدر ربنا
وعلى راى عادل امام
محدش بياكلها بالساهل
وفى الاخر
عسى ان تكرهوا شيئا وهو خير لكم وعسى ان تحبوا شيئا وهو شر لكم

» كلمات اغنية يالا حبيبى
» طفي النور يا بهية .. احنا عايشين مع ........... ! (( مقال لهيثم نبيل من موقع يالا كوره ))