يالا ندردش

عاوزين نعمل موضوع مفتوح للآراء
كلنا هندخل ونختار موضوع نتكلم فيه
سواء اذا كان خاص بالولاد او البنات او الاتنين مع بعض
الموضوع محتاج مشاركتكم
وايه رأيكم نبدأ بأول موضوع ونقول
ايه رأى الجنس فى الجنس الاخر بكل صراحه وموضوعيه
مستنى التفاعل

معـــــــــــــــــــــــــــــــــــــــــــــــــــــــــــــاك

انا هنا
عايزين تتكلموا فى ايـــــــــــــــــــــــــه؟

جميلة اوى يامنسى افكارك وعجبانى مشاركتك ونشاطك فى المنتدى ويارب تفضل معانا ومتعنا بمواضيعك الجامدة

الله عليك يا منسى
انا والله بجد الفكره
دى كنت عايز اعملها من زمان
بس تسلم يا بوب على الفكره دى
وبدعو كل الاعضاء فى المشاركه
معنا

طب يالا يا جماعه كله يدخل يقول رأيه
ايه رأى البنات والولاد فى بعض

يالا عاوزين التفاعل ده فيه موضوع سخنه جايه فى الطريق

انا رايى فى البنات

انهم فاكهة الحياه
الواحد ميقدرش يستغنى عنهم
زى الميه والهوا
دا طبعا مش معاكسه او حاجحة كده ولا كده
دى حقيقه بجد
دول نص المجتمع دا اذا ماكانوش اكتر
ههههههههههه

ردك جميل يا اسلام
بس انت كده قولت رأيك فى البنات بصفه عامه
انا عاوزك تقولى رأيك فى اللى بتشوفه من بنات الجامعه
والمقالب اللى بيعملوها فى الغلابه اللى زينا

شوف يامنسى انتم مش غلابة خالص ورايى فى الشباب انهم زى اى حاجة فى الدنيا فيها الحلو والوحش فى منكم شباب رجالة بجد البنت مننا ممكن تعتمد وتثق فية وشباب تانى من غير زعل يستاهلوا الحرق انتهازيين ويحبوا المنظرة والتباهى بعدد البنات اللى يعرفوهم وزى ماقلت مش كلة زى بعضة

كلام جميل اوى
وطول ما اننا موجودين
وعايشين
اكيد لازم يكون فى الحلو وفيه الوحش
زى ما فى الخير وفيه الشر
وانا راى ان فى بنات محترمه جدا و
تستاهل كل خير بس فى بنات تستاهل الحرق
والرجم
وان فى الجامعه شوفت بنات والله العظيم
الله يكون فى عون الشباب
ومش عارف داخلين ازاى
باللبس ده جامعه محترمه
سالت
طلعوا فى الاخر
ولالاد ناس مهميييييييييييييييييين
دى الكلمه اللى بتهز اى مسؤل يسمعها ويخاف

كلام جميل اوى

فين بقيت الاعضاء

مسالة اللبس بتاع الجامعة اللى تقصدة يامحمد دة بصراحة عندك حق فية اوى الواحد الصبح بيحس انة مش رايح جامعة ممكن تقول صالة ديسكو او عرض ازياء ويقولك هم دول ولاد الناس وكاننا لو ملبسناش كدة مش هنبقى ولاد ناس

طب اية رايكم انى مش عايزة ابقى بنت ناس ان كان دة هو مفهوم ولاد الناس دلوقتى؟؟؟؟؟؟
ههههههههههههههههههههههههههه

ههههههههههه
كلامك مظبوط والله يا ساندى
ده لو احنا فى ديسكو مش هيلبسوا كده
ولاد الناس بجد اللى يقدورا يحافظوا على نفسهم
ويكونوا قدوه اى حد شرف ليه ان يحتذى بيها
بس للا سف هما بيبصوا لولاد الناس
اللى هما معاهم فلوس وراكبين عربيه هامر
وكده
ده بس اللى بيحدد اذا كانوا ولاد ناس ولا
زمــــــــــــــن العجايــــــــــــــــــــب

بجد فى بنات فى الجامعه لا يصلحوا ابدا انهم يكونوا موجدين فيها
بس نقول ايه بقى للناس اللى معندو همشى دم وبيخافوا يتكلموا

ياجماعه انا راى فى البنات ولبسهم والكلام ده كله
العامل الاول والاخير فيه هوه الاب والام
لو همه مربيين بناتهم صح كل حاجه تمشى صح

طب الكل دلوقتى اتكلم عن لبس البنات

عاوزكم بقا تقولوا رأيكم فى تصرفات البنات والولاد
وهل حد منهم يصلح انه يتحمل المسئوليه ولا لأ

والله مش فرقت كتير البس من التصرفات برضو التربيه

بس فيه بنات وولاد بيبقى لبسهم واخلاقهم مش كويسه وتلاقيهم فى ساعة الجد ب 100 راجل

والعكس ممكن تلاقى بنت او ولد محترمين جدا لكن ما تقدرش تعتمد عليهم فى اى حاجه

فعلا كلامك مظبوط يا منسى
ومواضيعك كلها روعه تسلم ايدك

نورا الصباح كتب:: فعلا كلامك مظبوط يا منسى
ومواضيعك كلها روعه تسلم ايدك

شكرا لردك الجميل

بس عاوزين نعرف رأيك
ويالا يا جماعه شدوا حيلكم عاوزين بكره ان شاء الله نختار موضوع تانى مش هنفضل نتكلم فى حوار الشباب
عاوز بقا اى حد يختار موضوع تانى نتكلم فيه

انا راى ان البنات كلهم مش زى بعض
واللى اتربت على حاجه مستحيل تغيرها

والله الموضوع جامد جامد اوى
بس انا راى ان فى بنات فى مواقف بتبقى احلى من
اى راجل وبتبقى اد المسؤليه
وفى بنات يعنى مينفعوش فى اى حاجه

فيه بنات بميت راجل فى مواقف
وبنات تانيه ملهموشى ريحة اللزمه خالص
وبرضو فيه كده وكده مش كله

طيب تمام الكل قال رأيه فى الولاد والبنات

ايه رأيكم لو نتكلم عن اهمية الموبايل والنت واستخدامهم سواء الايجابى او السلبى

رائع موضوع الموبايل و النت ده يا منسى
وانا من راى ان الموبايل والتليفون المحمول
ليهم اهميه كبيره اوى وبجد ليه استخدامات مفيده كتير اوى
ندخل على النت بقى
النت ده متعه والله كبيره اوى بس للا نسان الى حابب يستفيد من وقته
فى تعلم حاجات ممكن تنفعه فى المستقبل وتفيده
على العكس ان كثير من الشباب رابط الكلمه دى بمواقع ذات طابع اباحى وكده
لو قلت لا ى واحد عندك نت على طول تفكيره بيروح الى ان النت ده مرتبط بالمواقع دى
وبالذات الشباب اللى فى سن المراهقه لسه
وعلى العموم الموبايل والنت اختراعان لا غنى عنهم فى الحياه المعاصره

منســـــــــــــــــــــــــــــــــــــى

انا عن نفسى انا مقدرش استغنى عن النت
دا بحر
ولو اقدر اقعد قدامه على طول كنت قعدت
بس انت عارف بقى
المشكله ان فى ناس بتستخدمه غلط
والمجتمع كله بيربط النت بسلوكيات الناس دى
وبتهموا ان كل مستخدمى النت فشله او منحرفين
وهنا تكمن المشكله
ههههههه
حلوه دى؟

دا بالنسبه للنت

بالنسبه للموبايل

كل حاجه ليها مميزات وعيوب زى النت والموبايل

الموبايل الانسان اخترعه علشان يسهل وسائل الاتصال بين البشر

وبالفعل دا يعتبر من اكبر نخترعات القرن العشرين

بس فيه ناس بتستخدمه غلط
زى اللى بيقعد يفتكس ارقام
ويرن على ناس ميعرفهاش
لو كان ولد خلاص النمره غلط
لو بنت يفضل يرزل ويرخم

والبنات
كل واحده تمسك الموبايل وتقعد ترغى بالساعات مع البوى فريند بتاعها
دا بيحصل
ومش عارف بيجيبوا كلام منين
وبيضيعوا فلوسهم فى الهوا

هههههههههههههههه
تسلم يا مكرم يا جامد
تعجبنى فيك صراحتك
وشخصيتك القويه

تمام تسلم ايديك يا محمد انت واسلام

جيبتوا المفيد
بس انا عاوز رأى بقيت الاعضاء
يالا يا جماعه شدوا حيلكوا شويه

انا رايى ان النت مفيد جدا وبعتمد علية فى كل ابحاثى وشغلى بس برضة اللى عايزة يستغلة وحش هيستغلة اما الموبايل فهو بيقرب البعيد ويطمنك على الغايب عنك وينقذك وقت الخطر ولية استخدام سئ بنفس الطريقة اللى قالها مكرم وكلة يعتمد على المستخدم

انا شايف ان النت والموبايل زيهم زى التليفزيون فى اول عصره
بمعنى اصح تقدم للعلم والتكنولوجيا
وماحدش يقدر ينكر اهميتهم
لكنهم سلاح ذو حدين
يعنى ممكن نستخدمهم صح
وممكن نستخدمهم غلط
وده بيرجع لشخصية المستخدم
والا ايه

محمد على كتب:: انا شايف ان النت والموبايل زيهم زى التليفزيون فى اول عصره
بمعنى اصح تقدم للعلم والتكنولوجيا
وماحدش يقدر ينكر اهميتهم
لكنهم سلاح ذو حدين
يعنى ممكن نستخدمهم صح
وممكن نستخدمهم غلط
وده بيرجع لشخصية المستخدم
والا ايه

فعلا كلامك مظبوط يا محمد
كل ده بيرجع لشخصية المستخدم

تمام يا جماعه

يالا نتكلم فى موضوع تانى
فى الوقت الحالى معظم الشباب يقولك ايه
(( اللى احبها وامشى معاها ما اتجوزهاش ))
امال تتجوز مين ويبدو ان الشباب نسيوا انه كما تدين تدان حتى ولو بعد حين
مستنى آرائكم ومناقشاتكم للموضوع

بص ياعم منسى
انت ترضى تتجوز
واحده سابتك تمسك اديها
وراحت وجت معاك عادى كده
لافيها حياء ولا ادب
انت ترضى تتجوزها
وكلامك صح كما تدين تدان
لكن كمان
الطيبات للطيبين والخبيثات للخبيثين
يارب تكون فهمتنى

يالا ندردش Yasmennnn

ماشى يا محمد بس انا دلوقتى مش اتكلمت فى الموضوع اللى انت قولته ده لسه عليه شويه

احنا دلوقتى فى موضوع ليه بعض الشباب بيقول انا مش هتجوز اللى حبتها ومشيت معاها

تمــــــــــــــــــــــــــــــــــــــام جــــــــــــــــــــــــــــــدا والله
واشكركم.
اخوكم هشام محروس مايسترو الدى جى الشعبى
hesham_amego@yahoo.com
hesham_mahros@hotmail.com

انا عاوز رأيكم يا هشام فى المناقشه الجديده

موضوع جميل اوى يامنسى بجد وعاوزة اعرف ردود الشباب لية البنت اللى بتمشى معاها مش بتتجوزها؟؟؟؟؟؟

اقولك على رايى الولد اللى يعمل كدة مش بيحبها اصلا هو من الاخر كان عاوز يتسلى ويضيع الوقت وخلاص ومش مهم البنت دية
وعلشان ابقى صريحة البنت اللى ترضى انها تروح وتيجى مع واحد دون ارتباط رسمى ولا اى حاجة تستاهل اللى يحصلها

]حلو اوى الموضوع ده بجد
البنت اللى الواحد بيمشى معاها بيتعود عليها وطول نهار معاه بمعنى الاصح كده قرف منها
وعايز جديد وبيقول انا بتسلى مش اكتر وكده ولو قابل واحده تانيه هيمشى معاها وهكذا
وبجد اللى تحط نفسها فى موقف زى ده وهيه عارفه النهايه يبقى متندمشى على هيحصل ليها بعد كده

انا بقا فى نظرى ده يبقى ندل اوى وان شاء الله ربنا هيعوضها فى حد من ولاده

مستنى بقيت الاراء

فين بقيت الآراء

انا موجود يامنسى

انا راييى ان الكلام ده
كله لعب عيال
ازاى امشى مع واحده واسيبها لما اجى اتجوز

انا ولد وصحيح فى ناس كتير بتفكر كده

بس انا عمرى ما افكر انى اعمل كده
او يحصلى الموقف ده
لان البنت اللى هااختارها
او اختار انى اكون معاها
هااختارها على اساس انى هكمل معاها العمر كله

وبالنسبه للناس اللى بتفكر كده
انا من راييى ان للبنات دور فى كده
اه ليهم دور ودور كبير جدا
لما البنت تمشى مع واحد
اخلاقه مش حلوة ومش عارفه هيكمل ولا لا
تبقى دى غلطة مين؟
لما الولد يشوف منها كل حاجة يبقى هيعوز ايه منها تانى؟
وارجع واقول تانى لو البنت محترمه
وعارفه ربها
مش هتسمح ان حاجة زى دى تحصلها

دا راييى

شكرا لرأيك الجميل يا اسلام

وندخل بقا فى حوار تانى
ايه اللى بيخلى بنت تتعاكس وبنت تانيه يتقال عليها دى محترمه ومش هنقرب منها
ده حوار مفتوح عاوزين كله يقول رأيه

انا من وجهة نظره ان البنت اللى بتتعاكس بيكون باين اوى عليها انها بتحب
انها تتعاكس
لكن اللى تلاقيها فى حالها ومحترمه محدش يقدر يقرب منها

واللبس برضو ليه دور فى كده

تمام

شكرا ليكى يا نانسى
ياريت بقيت الاعضاء يشاركونا

والله من وجهة نظرى يا منسى
ان فى شباب اصلا
رخم اوى بيعاكس اى بنت سواء
كانت محترمه او مش محترمه

فالعيب مش على البنت

العيب على الشباب اللى معدشى
عنده نخوه ولا رجوله

وغير كده الواحد يعاكس البنت من هنا والناس واقفه
كده ولا اى حاجه حصلت ولا يفكر ان يقوله عيب
كده ولا اى حاجه

انا معاك يامايسترو

فى ان فى شباب رخم

بيعاكس اى واحدة

بس ده سيبك منه لانه تنطبق عليه المقوله
(ان ام تستح فاصنع ماشئت)

وبعدين البنت برضو ليها دور

دا طبعا فى طريقة لبسها
مشيتها
طريقة تعاملها مع الناس

انا رايى معاك يااسلام
وانت كمان يا محمد
ايوه الولاد عادوا بيعاكسوا اى بنت
محترمه او لا ولابسه كويس او لا
لكن برده البنت ليها دور
ودور كبير لان
لان البنت المحترمه مهما اتعاكست
الكل هيبقى فى صفها ضد الولد
بخلاف البنت التانيه

يالا ندردش Yasmennnn

معاك موضوع كويس موت

» كلمات اغنية يالا حبيبى
» طفي النور يا بهية .. احنا عايشين مع ........... ! (( مقال لهيثم نبيل من موقع يالا كوره ))