يالا ندردش

اووووه ولله فكره حلوي هاي .. نقاش بدون اسوار ..
يلا يا محمد انا بستنى موضوع يكون نار ندردش فيو

اوك يا شوشو انا عندى مواضيع كتيييير
والله كلها نااااااااااااااااار بجد
بس منتظر باقى الاعضاء
اشوف رايهم
نبدا والا لا

اكيد يامحمد نبدا واكيد هيكون موضيع جميله وكمان اكيد بقيت الاعضاء هيدخلوا واحنا منتظرين ياجميل

معاك يامحمد
فى اي موضوع

اوك يا جماعه
ان شاء الله نبدا من بكره
على ماالكل يكون عرف
علشان عايز ابدا بموضوع مهم
محتاج كل الاراء
علشان كلنا نستفيد

اوك يا ابو على

واحنا منتظرين

اوك ياابو نجاح
ويارب المواضيع تعجبكم
وياريت الكل يشارك يا جماعه
علشان كلنا نستفيد من اراء وخبرات بعض
ولو حد عنده موضوع عايز يناقشه ياريت يتفضل يشاركنا
الموضوع مش مقصور على حد

عايز اعرض عليكم اولا موضوع خفيف كده
ولزيز علشان تبقى البدايه حلوه
بس فى نفس الوقت
الموضوع مهم جدا
ومحتاج لصراحه
يلا نبدا

ظهر فى الاسواق فى الفتره الاخيره
تبعا لمخترعات الصين
ظهر دهب صينى
الدهب ده عادى جدا وبيسحتمل شغل البيت وكل حاجه
لكن معدنه مش الدهب اللى احنا متعارفين عليه
لذلك هو سعره خفيف وقليل

دلوقت عايز اعرف رايكم شباب وبنات
هل ظروفنا الاقتصاديه اللى عايشينها دلوقت
تخلى البنات تتساهل وممكن تسمح انها تتخطب بالدهب ده
والا هترفض وتقول لا انا ماليش علاقه باللى بيحصل
والا عندكم راى تانى والا ايه

والولاد ياترى ممكن تقبلو تخطبو بالدهب ده علشان الظروف الاقتصاديه اللى عايشينها
والا ترفض وتقول لا انا هااجيب دهب من اللى متعارفين عليه
والا هتقول مش هتفرق والا ايه رايكم

ياريت ياجماعه
الاراء تكون بكل صراحه
ومنتظر اراءكم

اها موضوع حلو للنقاش
بالنسبي الي يا محمد مش عايزه حاجه .. هو كل حاجه .. دهب ابيض ودهب اصفر واغلى دهب ومرجان ولؤلؤ وماس

مش حاطلب منو جاجه خالص

اوك يا شوشو
كلامك جميل
واحنا منتظرين اراء الكل
يلا يا جماعه
اللى موافق على كلام شوشو يقول
واللى ليه راى تانى
ياريت يعرفنا
ويقولنا رايه

والله يا محمد انا فى نظرى ان العروسه واهلها يحطوا فى الاعتبار ظروف المعيشه حاليا يعنى بمعنى اصح يخلوا عندهم دم ويبطلوا اللى بيعملوا فينا ده احنا غلابه والله ده معظم الشباب بقا كاره الجواز بسببهم حرام عليهم

موضوع جميل اوى كعادة محمد مواضعية كلها جامدة

انا عن نفسى مش بحب الناس اللى بتتشرط فى الشبكة لانها من وجهة نظرى هدية من الزوج لزوجتة وهو ومقدرتة وزوقة بقى
يجيب دهب ابيض او اصفر او صينى او حتى الماظ دى هديتة وهو حر
حد بيقول لحد انا عايزة هديتى كذا
دى وجهة نظر مش اكتر

انا من وجهة نظرى انا لو معايا فلوس مش هجبلها شبكه ودهب بس

لا ده انا هجبلها الدنيا كلها

بس تكون ظروفى كويسه وانا عمرى مهتأخر فى حاجه

لكن لو ظروفى وحشه لازم يعذرونى

وفى المستقبل ان شا ء الله هعوضها

بص يامحمد دى على حسب الفهم الاجتماعي للناس
( من جاءكم من ترضون دينه وخلقه فزوجوه)

مافيش بعدها كلام
ادور على الدهب وسيب الدين والاخلاق
مش هتفرق لو الظروف مش حلوة الان ممكن تتعدل فى المستقبل وجيب لها كل اللى هي عيزاه بس تتفهم الوضع الحالي وتقدره

يا جماعه ما انا قولتلكم المشكله فى العروسه ووالدها اللى بيقطموا ضهر الشباب عاوزين وعاوزين وعاوزين كل حاجه طلبات ومفيش رحمه مفيش فيهم واحد يقول هات اللى ربنا يقدرك عليه

حتى الدهب بقى صينى ؟؟
ناس يجيبولنا عرايس صينى كمان بالمرة ؟؟
انا عندى اجيبلها شبكة صغيرة دهب طبيعى احسن ما اجيبلها حاجات كتيرة بس صينى فلصو مش دهب يعنى
وهى لو بتحبنى بجد هتراعى وهتقدر الظروف ومش هتطلب حاجات كتير

والله العظيم انا مش عيزه غير دبله
حتى ولو فضه
بس المهم انى اكون بحبه
اما لو مش بحبه عيزه شبكه ب10 الاف جنيه
مش كل حاجه الدهب والفلوس
اهم حاجه انك تلاقى حد يفهمك من غير ماتكلم

جميل جدا ياجماعه كلامكم ده
وخصوصا البنات
لان الموضوع ده متعلق بيهم اكتر
فجميل ان ده رايهم
واتمنى التوفيق للجميع يارب
ومعلش انى اتاخرت فى الرد
الكمبيوتر كان عطلان
وانتظرو رايى انا كمان لما ارجع من الامتحان
ان شاء الله
ادعولى
وربنا مع الجميع

بصو يا جماعه
انا عجبنى جدا كلامكم ده
بس يارب فعلا ننفذه
بس انا شايف حاجه
انا عندى اللى اجيب بيه دهب صينى
اجيب بيه دهب حقيفى
مادامت هى واهلها متفهمين ده
وعارفين ان لو الظروف تسمح
انا مستعد اجيبلها الدنيا كلها
اما دهب صينى والكلام الفاضى ده
المقصود منه المظاهر
يعنى كتر الدهب
مش قيمته
ودى حاجه وحشه اوووى يا جماعه

ياجماعه انا ملاحظ حاجه من موضوع الدهب الصينى ده
خلتنى عايز اسالكم سؤال
بالنسبه لردودكم المحترمه
وكلامكم الجميل وقلتم البنت واهلها لازم تتفهم الوضع
وانا لو ظروفى تسمح
اكيد هااعمل ليها كل اللى عايزاه

كمان البنات اتفضلو مشكورين
وردو برد محترم واتمنى انه يتنفذ فعلا

ومادام ده رايكم تبقى المشكله فين ياجماعه
تبقى فى الاهل

طيب الاهل مش كلهم بس معظمهم ليهم راى فى الموضوع ده
بيشوفو ان البنت لازم يتعمل ليها احسن حاجه
يعنى لازم خطيبها يتعب علشانها وتطلع عينه
علشان يقدر يحافظ عليها
ولازم ينفذ كل طلباتهم
ويتعب علشان يحافظ عليها
ومايفرطش فيها بسهوله
علشان كده بيغلو فى طلباتهم

انتم ايه رايكم فى الموضوع ده

انا معاك اه يابوعلى ان الاهل عايزين احسن حاجة لبنتهم
بس تكون كل حاجة فى حدود المعقول
لانهم ممكن يزودوا فى طلباتهم زيادة عن اللزوم وفى الاخر بنتهم هى اللى هتخسر
وهتعنس وتقعد فى البيت
وهتضطر بعد كده تاخد اى حد وخلاص حتى لو كان اقل من اللى اتقدملها قبل كده
وبعدين مش معنى انه هيجيبلها كل حاجة قبل ما يتجوزها يبقى هيحافظ عليها
مش شرط الرجولة والحب مش بالفلوس والهدايا والشبكة الغالية

عالعموم خلاصة كلامى يعنى
خير الامور الوسط والاعتدال مطلوب فى كل حاجة
وزى ما بيقولوا ( احنا بنشترى راجل )

جميل جدا كلامك ياامير
ويلا ياجماعه
انا عايز اسمع اراءكم

احنا يمكن عنا الوضع مختلف عن عندكو
عنا الاهل ما بيغلبو متل هيك
بيسألو عن العريس ان كان محترم وبعرف الله
بيقبلو
بس الشغلي الي بيطلبوها
انو يكون عندو بيت والو وضيفه بيقدر يصرف عبيتو
اما عن الدهب وغيرو
اللي بيطلع من العريس يعني الي بدو اياه بينقبل
طبعا العريس بيجيب منيح
بيجبروش حد عاشي

الله يكون بعونكو ولله

مع امير فى رايه
لو هو مش محترم ممكن يخده منها بعد الزواج حد من اهلها يقدر يتكلم ليه مش يبصوا للنقطة دى لو هو محترم وجاب اللى يقدر عليها هيحافظ عليها وعلى دهبها كمان

يابختكم يا شوشو

ويلا يا جماعة لما تخلصوا الموضوع ده قولولى لانى هجيب الموضوع الجاى

انزل يا امير بالموضوع اللى عندك

صح جدا كلامكم ده يا جماعه
تسلم اديكو ويسلم تفكيركم ده
ويارب الاهالى يسمعونا
ويعرفو ان الاصل والاحترام
هو اللى دايم
وان المفروض بنتهم مش تتقاس بدهب ولا حتى بكنوز العالم
لان الموضوع مش بيع وشرى
الموضوع شراكه طول العمر
ويابختكم يا شوشو
عقبال الفكر اللى عندنا ما يتغير

ومستنيين موضوعك ياامير
وان شاء الله هيكون جميل زيك

ماشى يابوعلى شكرا عالتشجيع

والموضوع يعنى بكل بساطة بحذركم ممكن يخليكم تتصابوا بقرف يعنى شوية

السنة اللى فاتت وانا فى اولى جامعة روحت رحلة مع اصحابى وكده يوم واحد يعنى
وكان فى مسابقات وعملوا عروض المهم فى اخر يوم عملوا مسابقة ال ايه مسابقة رقص بين الشباب وخلوا بالكم الشباب مش البنات تخيلوا ؟؟
الرجالة واقفين عالمسرح بيرقصوا فى مسابقة والجمهور يختار مين اللى بيرقص احسن من التانى
والله وانا واقف بتفرج عليهم وهما بيهزوا وسطهم زى الستات وبيرقصوا حسيت بقرف كبير اوووى من منظرهم ببص لصاحبى واقف جنبى بقوله بقى دول رجالة دول ؟؟ بصلى وقالى انا عارف ؟؟
انتو ايه رايكم فى كده ؟؟
لا واللى ضايقننى اكتر لقيتهم بعد ما خلصوا ال ايه بكل روح رياضية بيحضنوا بعض والكسبان بيواسى الخسران وبعد ما خلصوا الكسبان عمل فقرة رقص خاصة للجمهور !!!
انتو ايه رايكم فى الحكاية دى ؟؟
مسابقة رقص بين الرجالة او المفروض انهم رجالة لانى مش متاكد بصراحة انهم رجالة
؟؟
والواحد والله فى كلمة كده مش كويسة واقفة فى بقه وعايز يقولها
بس بلاش مش هنهيس للدرجة دى
هههههههههههههه

مستنى رايكم

والله يا اامير انا حضرت مسابقة رقص بس بنات كانت مسابقتين مين احسن واحده بترقص على الطبله البطيئه والسريعه اما موضوع الشباب ده بقا فعلا حاجه قرف اوى مفكرين انهم كده بيعملوا حاجه كويسه

والله يا منسى كان منظرهم زبالة خالص ويقرف بطريقة مش ممكن

بصراحة ياامير حاجة تكسف
اينعم الرقص حرام واتعرف انه للستات
وهما كدا بيتشبهوا بيهم لعنهم الله

ههههههههههههه
ياسمرى رقص ايه اللى للبنات
الرقص
حرام شرعا للولاد والبنات
انا رايى ياامير
ان ده موقف زباله
بس اقولك
مش كل الشباب كده
يعنى زى مافيه ده فيه ده
هى كده الحياه
ودول ماينفعش نقول عليهم رجاله

هههههههههههه........من رقص نقص

ههههههههههههههههههههه
يا سلام ع الجلالة لما بتخدنا و بيهمنا شكلنا أدام الناس
بأه بذمتكوا و أنا راضي ذمتكم سواء بنات أو صبيان
حد فيكوا مرقصش و لا مرة ف حياته

يتهيألي الموضوع أسمه يا لا ندردش
مش يالا نحلل و نحرم

موضوع جميل يا أمير
و بالمناسبة يا أمير ممكن تقولي ليه الرقاصة حرام تغني ؟؟؟

بالنسبة ليكم كلكم مشكورين على ردكم ومشاركتكم

وهرد على كل واحد فيكم

بالنسبة لسمرى ومحمد على انا مكنتش اعرف ان حكاية الرقص دى حرام
والله اعلم انتو جبتوا الكلام ده منين وياريت عايز اتاكد لانى برقص فى افراح قرايبى دايما
ومعتقدش ان دى فيها حاجة والا ايه لزمتها الافراح ؟؟؟

وبالنسبة لساندى
شكلك مش اشد المقنعين ان خير الكلام ما قل ودل
ههههههههههههههههه

وانت يا كريم
انت خرجت عن الموضوع ومردتش عليه حتى
انا كنت بتكلم على حكاية مسابقة بين الشباب واستنكرت الموقف لانه عيب جدا يكون فى مسابقة زى دى والموقف كان مقرف اوووى انك تلاقى كذا راجل او المفوض انهم رجالة واقفين بيستعرضوا مهارتهم فى الرقص زيهم زى الستات ويهزوا وسطهم بدون اى حياء او ريحة رجولة
ده اللى كنت عايز اتكلم فيه وكنت عايز اعرف رايكم فيه
اما حكاية الحلال والحرام دى الله اعلم وانا مجتش جمبها
وبالنسبة لسؤالك انا عن نفسى اه رقصت قبل كده كتير وبرقص ع طول فى افراح قرايبى
مش برقص فى مسابقة زى ......... دول علشان اخد كارت شحن ب 10 جنيه
ده كان موقف زبالة فى زمن زبالة حصل ضايقنى وحبيت اناقشكم فيه اعرف رايكم
مش اكتر
وياريت يا كريم متخرجش برة الموضوع

ومشكورين كلكم على ردكم ومشاركتكم

حاضر يا عم المهيس ؛ بأه كدة أول ما تشطح تنطح
و تخبط فيا أول واحد ده ليه حق السمري يرميك
و يحدفك كمان ؛؛؛؛؛؛؛؛؛؛؛؛؛؛؛؛؛؛؛؛

ماشي أسمع بأه يا عم أمير كل الكلام و الآراء
في موضوعك صح و الرقص حرام و موقف الشباب
دول مش هوصفوا عشان مغلطش فيهم لأني مبحبش أغلط في
حد عموماً ؛؛ و كدة يتهيألي أنك فهمت قصدي .....

و بعدين مفرقتش سواء الرقص مجاملة أو ل مقابل ؛؛؛؛
الرقص عموماً حرام اِلا ف حالات معينة زي ما بين الراجل و مراته
وهما لوحديهم ف لحظة حلوة ؛ أو في حفلة نجاح أو مناسبة جماعية أو فردية
بشرط عدم الأختلاط بين الجنسين و التبرج و التمايع و التشبه بالنساء
و الله أعلي و أعلم ..........................

ياعم اناا لا خبطت ولا شطحت انا رضيت ع كل واحد على حسب كلامه
وانت عارف يا كيمو انى بحبك والله ومن اقرب الناس ليا هنا فى المنتدى
ومشكور على مشاركتك لينا برايك ومش عايزك تكون زعلت منى
بس انت دخرجت برة الموضوع وحبيت انبهك بس
وانا فهمت قصدك وعرفت رايك فى الشباب اللى مكنتش عايز تقوله علشان متغلطش فى حد
وانا مش برقص غير فى المناسبات العائلية بس زى خطوبة او الفرح ومع قرايبى
ومش هنكر مع بنات اللى هما بنات عماتى مثلا او بنات خالتى وعماتى كمان
وكله رقص عادى ادام بعض بس مش باخدهم بالحضن او امسك ايديهم ولا حاجة
والله اعلم اذا كان حرام ولا لا
ده لو كان حرام انا استحق نار جهنم
ههههههههههههه
وربنا يستر
وبردو فى الاخر الله اعلم

ههههههههههههههههههههههههههههههههه
و العياذ بالله يا أمير ربنا ميوريهالك و لا يوريهالنا جميعاً
و عموماً يا ريت منستكترش ذنوبنا و لا ذنوب غيرنا ع اللي خلقنا
و لا برضه نستكتر أعمالنا الخير أو الشر
و ربنا يهدينا جميعاً و يوفقنا للخير
و والله أنا كمان بحبك يا أمير

لك مني كل الأحترام و التقدير
مع خالص
يالا ندردش - صفحة 3 4

كريم الجمال

ماشى يا كريم
وربنا يهدينا كلنا ويبعدنا عن النار
ويغفر لينا ذنوبنا ويطهرنا منها
ومرة تانيةة مشكور لمشاركتك برايك فى الموضوع اللى طرحته

انا هايز ابين حاجه
انا لما قصدت الحرام
هو رقص المراه
اما الراجل انا مااعرفش حكمه
وانا مااقدرش افتى
واقول حلال او حرام
لكن ممكن اسال الدكاتره واقولكم

ماشي يا محمد قصدك مفهوم أول مرة والمرة دي أنا فهمت قصدك
و ياريت الكل يفهم قصدك و لما تسأل قلنا
بس يا ريت تسأل أهل الدين

شوفو ياجماعه
انا جبتلكم خلاصة الموضوع
بالنسبه للبنت الرقص ليها حرام
مش مباح الا قدام محارمها
يعنى اللى مايجوزش ليهم يتجوزوها
وليها ترقص قدام جوزها برده
لكن ماحدش يشوفها من المحارم

اما الولد
ففيه فرق
الرقص الخارج حرام شرعا
مثلا زى ما كان سعد الصغير بيرقص مع الرقاصه ده
ده منهى عنه

اما الرقص العادى
زى الرقص بالحصان او العصايا
فاده مادام مش خادش للحياء
فهو مباح

والله اعلى واعلم واعز واكرم

اما بالنسبه للى بتقوله ياامير
انك بترقص فى فرح قرايبك وان ده مش فيه مشكله
الدين مالوش دعوه قرايبك والا لا
دى قواعد الدين
وامشى عليها

يعنى انت عايز تقنعنى ان الرقص فى المناسبات والافراح
حرام ؟؟
طب ليه نعمل افراح بقى ؟؟
عالعموم شكرا عالمعلومات

بالنسبة للنساء
وأما الرقص : فلا يجوز أمام الرجال الأجانب ولا المحارم ولا أمام النساء لما في ذلك من الفتنة المحرمة التي قد تُطغي القلوب من خلال التكسر والتمايل والتثني في البدن ، ومن المعروف أن النساء قد تقع شهوة بعضهن لبعض ، وإن لم يكن ذلك فلا مأمن من إحداهن أن ترجع إلى رجال بيتها فتصف لهم ما رأت من حسن الراقصة ورقتها وجمالها فتوقع ذلك في قلوب الرجال وتكون سبباً لمفسدة عظيمة لا يؤمن شرها ، وقد نهى الرسول صلى الله عليه و سلم عن مثل هذا .

الرقص مكروه في الأصل ، ولكن إذا كان على الطريقة الغربية ، أو كان تقليداً للكافرات : صار حراماً ؛ لقول النبي صلى الله عليه وسلم " من تشبه بقوم فهو منهم " ، مع أنه أحياناً تحصل به الفتنة ، قد تكون الراقصة امرأة رشيقة جميلة شابة فتفتن النساء ، فحتى إن كان في وسط النساء حصل من النساء أفعال تدل على أنهن افتتنَّ بها ، وما كان سبباً للفتنة فإنه يُنهى عنه .

وانا مالى انا ومال الرقص
ده انا وانا صغير كنت بتكسف اوى ومليش دعوة بالكلام ده وكان اخرى اقف اسقف
الله يجازى الثانوية العامة كانت كابتانى وفجرتنى فجاة كده فى خطوبة بنت عمتى
لقيتنى برقص ازاى معرفش وكان كل الناس مستغربين منى والله حتى انا شكيت فى نفسى

مشكورين يا حلوين عقدتونى
ومعدتش رايح افراح او مناسبات تانى لانى مبقتش بعرف امسك نفسى

انا بالنسبه ليا مش عارف بس انا مش بعرف ارقص بلدى اصلا انا برقص ديسكو

هههههههههه ما كنتش عرفة إن موضوع الرقص مهم قوي لدرجا دي

حد عايز يرقص و لا خلاص كله تاب
هههههههههههههههههههههه

هههههه لأ شكلك إنت لي تبت يا كيمو

يلا يا جماعه
انا عندى موضوع جديد
وعايز نناقشه بكل حياد وصراحه
وهو

التمرد

التمرد ان ينظر الشخص الى الوضع المحيط به بنظرة يلمؤها الانكار
معترضا على كل مايحيط به
سواء اشخاص او حياه

انتم ايه رايكم فى التمرد
معاه والا ضده

» كلمات اغنية يالا حبيبى
» طفي النور يا بهية .. احنا عايشين مع ........... ! (( مقال لهيثم نبيل من موقع يالا كوره ))