انت فاكرنى هندي؟ ليه بنقولها!!!!!!, منقول

انت فاكرني هندي ؟؟؟ !!

بقولك ايه يا اخ تشترى منى الساعة دى ب 450 جنيه انا شاريها من فرنسا ب 500 يورو بس انا محتاج فلوس علشان كده ببعها بالسعر ده. فرجنى كده .. ايه ده يا عم انت بتشتغلنى ايه انت فاكرنى هندى ؟!! دى ساعة مضروبة يادوب سعرها 25 جنيه.

تعمدت
ان ابدأ المقالة بهذا الموقف الذى كثيرا ما يحدث بين المصريين فى حياتهم
اليومية او يحدث مواقف مشابهة ولكن غالبا الرد ما يكون واحد وهو انت
فاكرنى هندى؟!! فهذا الرد هو كلمة شائعة جدا فى العامية المصرية وهذا الرد
كناية للسذاجة بمعنى اننا كمصريين نرى من وجهة نظرنا ان الهنود شعب غبى
وساذج وطبعا هذا الكلام على اساس اننا شعب فهلوي ومينضحكش عليه ويتمتع
بأكبر قدر من الذكاء بين شعوب العالم اجمع ولسنا مثل الهنود الاغبياء
الذين يتركون افيالهم على اول الشارع كما ندعى فى مصر. ولكن لو
فكرنا فى عمل مقارنة بسيطة بيننا وبين الهنود اللذين نسخر منهم ومن
سذاجتهم سنجد انهم هم من لهم الحق بأن يسخرو منا وليس هم وحدهم فقط من لهم
حق السخرية منا ولكن غالبية شعوب العالم لهم الحق فى ذلك اما عن الهنود
اللذين نسخر منهم اذا نظرنا الى ما استطاعوا ان يفعلوه فى 62 سنة من بعد
استقلالهم من الاحتلال البريطاني سنجد انهم استطاعوا ان يحققوا الكثير
والكثير وبالنسبة لنا فما حققوه بمثابة المعجزات مثل تقدمهم التكنولوجي
والعسكري والفني وانما نحن يكفينا انجازات ونسيب الدول الاخرى تاكل عيش هو
احنا يعني هناخد زمنا وزمن غيرنا فنحن من يمتلك حضارة 7000 سنة و قلنا
هنبني وادينا بنينا السد العالي. و من بعدها حاربنا وعبرنا
وانتصرنا وهذا بخلاف 6 بطولات امم افريقيا و واحده ستار اكاديمى على يد
البطل الاسطورى المعجزة محمد عطية وكمان ربنا يخلي الاهلى اللى مشرفنا
ومفرحنا على طول فلا عيب علينا ان استرحنا قليلا او حتى كثيرا عن تحقيق
الانجازات وتركنا مجالا لغيرنا من الدول والشعوب ان تتطور وتتنور وكمان
مصر ام الدنيا والجميع يعلم ان الام دائما تريد ان يكون اولادها افضل منها
لذلك ومن هذا المنظور تريد مصر ان يكون اولادها من الدول والشعوب الاخرى
افضل منها ولا اعتراض طبعا عند المصريين . وبرجوعنا مرة اخرى للشعب الهندى الساذج اريد ان اعرض ما فعله هؤلاء الاغبياء منذ استقلالهم .
اولا:
فى مجال تقنية المعلومات يعتبر هذا المجال اسرع المجالات نموا واذهارا
بالنسبة للاقتصاد الهندى ويدر على الهند حوالى 13 بليون دولار سنويا.
ثانيا: يحتل الاقتصاد الهندى المركز العاشر عالميا من حيث تبادل العملات.
ثالثا:
فى مجال الفضاء اطلقت الهند مركبة فضائية لسطح القمر و بعد عشرين دقيقة من
الإطلاق وضع الصاروخ الهندي المركبة التي يحملها في مدار انتقالي حول
الأرض، وذلك من أجل القيام بدراسات وتجارب علمية لطبقات القمر وسطحه، وما
قد يكون فوقه من مياه ومعادن، ولا سيما عنصر الهيليوم النادر على الأرض،
والذي قد يلعب في المستقبل دوراً مهماً كبديل للطاقة.

رابعا: التفوق فى المجال الطبى للهند.
خامسا: انتاج الهند لارخص سيارة فى العالم وطرحها فى الاسواق العالمية بسعر 1979 دولار.
سادسا:
هو انى لن ستطيع ان استعرض الانجازات الهندية فى مقالة لانها تحتاج ليس
مئات بل ألوف الكتب والمجلدات والرسائل والدراسات العلمية كما هو الحال
بالنسبة للاخفاقات و نتائج الفشل المصرية هى ايضا يمكن ان تكتب فى ألوف
الكتب والمجلدت هذا ان كان من الممكن ان تحصى . بعد هذه الحقائق التى عرضتها يجب ان يصحح الخطأ واذا اردت ان تبين لغيرك انك لست ساذج فيجب ان تقوله له " انت فاكرنى مصرى ؟!! " اخيرا
اريد ان اوضح انى لست ناقم على مصر او كاره لها وانما عشقها يسرى فى
شراينى ليس مع دمى فعشقها هو دمى و ترابها اثمن عندى من اللؤلؤ والمرجان ولذلك كتبت هذا الكلام اريد ان يعى كل مصرى اننا من نهين مصر واسمها وليس هى من تهيننا هى التى لها حق فى ان تكرهنا وليس نحن .

ختاما اتمنى ان تصنع كلماتى البسيطة شيئا .

والله موضوع جميل يا منسى

بس انا شايف ان احنا فارقين عنهم بكتير برضو
ومتقدمين احسن منهم فى حاجات كتير

هههههههههههههه
بس مفيش فى الزمن دة خلاص هندى عادوا هنود مش هندى واحد وتسلم ايدك على الموضوع الجامد دة

ELMYSTRO كتب:: والله موضوع جميل يا منسى

بس انا شايف ان احنا فارقين عنهم بكتير برضو
ومتقدمين احسن منهم فى حاجات كتير

شكرا يا محمد على المرور الجميل

ahmed 2009 كتب:: هههههههههههههه
بس مفيش فى الزمن دة خلاص هندى عادوا هنود مش هندى واحد وتسلم ايدك على الموضوع الجامد دة

شكرا ليك يا احمد على المرور الجميل

ياعم حرام عليك
ظلمتنا انت كده
اينعم الوضع فى مصر مزرى وزى الزفت
بس بردو متستحقش نتكلم عن مصر والمصريين بالطريقة دى
هو موضوع جميل بس مبالغ فيه

الامير المصرى كتب:: ياعم حرام عليك
ظلمتنا انت كده
اينعم الوضع فى مصر مزرى وزى الزفت
بس بردو متستحقش نتكلم عن مصر والمصريين بالطريقة دى
هو موضوع جميل بس مبالغ فيه

ليه يا عم امير ماهو ده اللى بيحصل فعلا
شكرا على المرور الجميل

ياعم منسى انت بتشتم وتقول المصريين سذج وحمقى ومش عارف ايه
اولا عايزك تعرف انا مش مع الناس اللى بتقول جملة انت فاكرنى هندى
ولا بقولها لانه مش من حقنا نسخر من حد تانى
واللى بيقولوها قلة متعبرش عن كل الشعب
وميجوزش تعمم وتشتم الكل بس قلة منهم

وعالعموم
اختلاف للاى لا يفسد للود قضية

يا امير هو ده الهدف من القسم ده كله الاختلاف فى الرأى لا يفسد للود قضيه علشان كده الكل لازم يقول رأيه لأن دى مقاله مكتوبه جيبتها لكم وتقولوا رأيكم

يعنى انت يا منسى موافق عالمقالة دى والكلام والشتيمة اللى فيها ؟؟

موافق لأن فيه ناس كده فعلا

انا معاك ان فى ناس كده فعلا
بس هو بيعمم الكلام وبيقول على كله

» كلليب عمرو دياب خليك فاكرنى
» شاب هندي يتزوج من جدته البالغة 80 عاما
» يا نساء العالم انكتموا, يوميات زوج مخنوق- منقول
» الموضوع الذى هذ الراى العام ومن بعد طول انتظار...البووووس فى الافلام...طبعا والاحضان( منقول )
» إعلان الهلال ضم أبوتريكة.. هل ملاعبة مقصودة لجماهير الأهلي؟ منقول