يا نساء العالم انكتموا, يوميات زوج مخنوق- منقول

قبل ثلاثين عاما كان صوت المراة لا يسمع أبدا
اليوم أصبح صوت المرأة السبب الرئيسى فى الضوضاء التى تعم المدن
لو أكرمكم الله بالسكن فى عمارة من عدة أدوار فلن يمر عام على الأكثر حتى تعرف أخص خصوصيات جيرانك بفضل صوت زوجاتهم الكريمات
وسأضرب لكم مثلا
حرم
السيد صبحى المكبوس ( الدور الثالث ) تواجه مشكلة مع إيقاظ ولديها على
وكريم كل صباح للذهاب إلى المدرسة لذا قررت أن توقظ كل سكان العمارة
قبلهما
، فهى تبدأ فى تمام الساعه السادسه من كل صباح الصراخ
(
قوم يا على قوم يا كريم ) ، ( يلا قوموا ما تغلبونيش ) ( إنت يا خويا قوم
صحى ولادك اللى قرفونى ) ( يا علىىىىىىىى يا كرييييييييييم يا دى القرف
بتاع كل يوووووم)
أما حرم السيد على أبو الدبل ( الدور السادس ) فلها
مشكلة مختلفة حيث يبدو أن السيد على يعانى إمساكا مزمنا فكل صباح تصك تلك
العبارة اسماعنا بقوة 6 درجات بمقياس ريختر ( يلا بسرعه أخرج من الحمام
عايزه أدخل بقالك نص ساعة جوه حتأخر عن شغلى ) وتتغير هذه العبارة مرة أو
مرتين خلال الشهر لتصبح ( يلا أخرج بئه أنا لسه عايزه استحمى ، يعنى كان
لازم زفت وانا صابحه رايحه الشغل )
تختلف
الصورة عندم حرم السيد منصور مجانص ( الدور الثانى ) فهى والشهادة لله لا
يسمع لها صوت طوال الصباح ولكن المسكينة تواجهة مشكلة بسيطة تتلخص أن
والدها توفى منذ سنتين وترك محلا لتجارة الأدوات الصحية يديره أخوها
المتزوج من سيده إسمها العقربه وقد علمنا بهذه المعلومات من مكالماتها
اليومية مع والدتها والتى نستمع بكل سرور الى تفاصيلها كل مساء حيث تصيح (
طبعا وحيدينى نصيبى من المكسب إزاى ما هو بيصرفه كله على العقربه علشان
تلبس المحزق والملزق )
و ( ما هو إبنك الدلدول ماشى وراها وبيحلف إن المحل ما بيكسبش )
و ( والله لأخلى مجانص يربيه )
والحقيقة أننى أحسست بقلق عظيم عندما لم نسمع اى جديد عن الموضوع لمدة ثلاثة أيام فقالت زوجتى ( مش واجب تسأل مجانص ليكون حصل حاجه )
فى اليوم التالى قابلت السيد مجانص على سلم العمارة وسألته ( إن شاء الله يكون جوز العقربه إدى المدام بتاعتك اللى هى عايزاه )
الحقيقة لم افهم حتى الأن رد الفعل العنيف الذى قام به مجانص والذى أدى إلى تورم عينى اليسرى لعدة ايام .
أما
حرم السيد عبد الله شديد فلها قصة مختلفة فيبدو أن السيد عبد الله لا يقوم
بشئ ما لم أفهم كهنه بصورة مرضيه لذا فمن المعتاد أن نسمع صوتها مجلجلا
(
يووووووه أوعى بئه يا ساتر إنت ما تعرفش تعمل حاجه ابدا ) أو ( ما انت
بقالك سا عه ولسه ما اتنيلتش دا إيه القرف ده ) أو ( إففففف مال ريحتك عرق
كده قوم إستحمى مش طايقاك )

هل سيعود ذلك الزمن الجميل الذى لا نسمع فيه صوت المرأة
نعم ؟ .... عفوا لا أسمعكم .... أرفعوا اصواتكم فزوجتى تصرخ طالبة منى إغلاق الكومبيوتر !!!!!

هههههههههههههه

جامد كالعاده يا منسى

تسلم ايدك

ELMYSTRO كتب:: هههههههههههههه

جامد كالعاده يا منسى

تسلم ايدك

شكرا يا محمد على المرور الجميل

فين الباقى يا منسى

هههههههههههههههههه
باقى ايه يا محمد دى يوميات قصيره يا ابنى حلقه واحده بس

هههههههههه
حلقه واحد بس ليه يا عم كمل

هيه فى يوميات حلقه واحد بس

يله اوى يامنسى تسلم ايدك ياجميل

شكرا ليك يا كودا على المرور الجميل

ههههههههههههههههههه

لا جامده

اصلى يامعلم

اصلى يا معلم
شكرا يا اسلام على المرور الجميل

» نصائح للبنات لكي تكوني اجمل نساء العالم
» يوميات شاب تعبان .... تعبان قوى, منقول
» سي دي القضية التي زلزلت العالم بآجمعه .. سقوط آخطر و آول عصابة عنكبوتية ف العالم .. التحقيقات و ملفات القضايا و ال سي دي الحصري لمشاكل الملايين آشخاصاً و البلايين من الدولارات ..فقط علي آحلي حياة
» فى النهايه كلهن نساء
» احبك يااجمل نساء الدنيا