اخطر مشكله حصلت فى المنتدى

خلاص يا جماعه الموضوع خلاص وصل للنهايه

وعرفنا مين هو السبب

ومين اللى حاول يوقع بين الاعضاء

مــــــــــــــــــــــــــــــين

المشكله دى يا جماعه كانت عباره عن واحد دخل
وسجل فى المنتدى مخصوص علشان يدايق المنسى
وللا سف المنسى وقع فى الفخ اللى العضو ده نصبه ليه
المنسى سجل فى منتداه بنفس الاسم والباسورد ودى غلطه كبيره جدا
ان حد يسجل فى منتدين بنفس الاسم عادى مفيش مشاكل لكن بنفس الباسورد دى مشكله كبيره اوى
لان كده انتا كاشف نفسك لاى حد لو عرف باسوردك فى المنتدى بتاعه لو حب بقه يدايقك او يخرب فى منتدى
انتا مشرف فيه وليك صلاحيات فيه وليك اسمك فيه فده بكل سهوله ممكن يفيد الاخ اللى عايز يدمر المنتدى
وده اللى عمله العضو فى المنسى ودودو وبصراحه احنا نحمد ربنا انه مخربش فى المنتدى ولا حذف اى مواضيع
لانه كان بامكانه يحذف كل الموضوعات اللى فى المقهى وده اللى المنسى مشرف عليها
علشان كده يا جماعه ياريت المشرفين والمراقبين يحافظوا على الاكونت بتاعهم على اد ميقدورا ولو حسوا فى يوم
ان حد دخل باسمهم وحذف حاجه على طول ياريت يغيروا الباسورد بتاعهم او يبلغونى قبل متحصل مشاكل
هنندم عليها كلنا بعد كده

هههههههههههههههههههههههههه
قبل ما تحصل مشاكل
نندم عليها بعد كدة
و الله العظيم عسل الجملة دي أوي
عشان منك
يا مايسترو
بس أسمحلي
أنت شايف أن كل دة و محصلش مشاكل

عموماً الكلام متسرب من أول أمبارح
حتي بالآمارة
أنه

(( ؟؟؟؟؟ ))
تسمحلي أقول آسمه

عشان أكد للكل
اللي زعل مني من كلامي
أني كنت و لله الحمد علي حق
ف كل حرف كتبته ف الموضوع ده
لآني ما كنتش بخاف
لقول الحق لومة لأئم
غير الله الحق

عموماً بعد أذنك و مؤقتاً
بما أنك المدير العام
لما ننهي المشكلة دي من جذورها
في موضوع هقترحه عليك
و الكل هيشترك فيه بالتصويت

أيه هو الموضوع
مش وقته
خلينا في اللي عمل المشكلة
و الله لولا أنك مكتبتش أسمه
أنا كنت غنيت أسمه
عشان الكل يعرف هو مين

و مبخافش و أنت عارف أنا ممكن أعمل أيه
أنا بكره هخليه يعيط و يندم علي مشكلته ديه

و

مبخافش برضه إلا من واحد هو ربنا
و أنا عمري يا ناس ما غلطت
ف ناس حبتها ف حب ربنا
و الفاصل بيني و بينها
برضه ربنا

بس خلاص لحسن و الله أقول آسمه هو مين

عشان أعرف كرومبو بس
أن شوشو حضر فعلاً بينا
زي ما قلتلك أنتي و سوزي ف الوقت ده
و جت ف المنسي

بس يا حرام كرومبو طلع مسكين خالص
و كان عنده دليل برضه
للآسف مخدش باله منه
دليل واضح بيقوله هون مين

بس خلاص كدة كرومبو أتكشف

لو عايزين تعرفوا مين
اللي عمل المشكلة دي مين
أتصلوا علي سنترال آحلي حياة
ستجدوني ف خدمتكم
بس لما المدير يروح
بدل ما يشطبني

ممكن بقا قبل ما اخرج عن شعورى وبدون نرفزه اعرف كلكم عرفتم منين العضو ده ؟؟

ايه الكلام الغريب الى بيتقال ده؟

مفيش حاجه غريبه وخلاص كده قضيت كل واحد عنده كلمه ينزلها بصوره مباشره وكله يبقى هنا عالساحه علشان تبقى الليله على نور

يالا اللى عنده كلمه يقولها الاوكازيون مفتوح ماهو المنسى بقا فاتحها للكل يتكلم عليه بالطريقه دى علشان غلطه غير مقصوده

هوه فيه ايه يا منسى

هوه حد اتكلم عليك بطريقه وحشه ولا حاجه
انا قولتلك على اللى عمل المشكله وعرفنا هوه مين
بدون ذكر اسامى
وانتا كمان عرفته

يبقه ايه لازمته ردك ده

عاوز اعرف حاجه الاعضاء عرفوا منين هو مين ومين اللى عرفهم ؟؟؟

اية يا جدعان اغيب عنكم اسبوعين الاقى دنية مولعة فى المنتدى كدة ال عمل كدة العن من شيطان عايز يوقع وللاسف وقع عايزين نلم الامور وخلاص انتهت وارجوك اقفل بقا الموضوع دة يا مياسترو

الموضوع مش هيتقفل يا كودا قبل ما اعرف مين اللى قالكم هو مين ؟

منسى احنا عرفنا هوه مين وخلاص

وهوه اللى عمل كده لانك انتا اللى سجلت عنده هناك وهوه عرف اسمك وباسورردك
ودخل بيه هنا

وهوه اللى مشترك هنا باسم غنوه مطلها موال حزين

وفيه ناس كلمته على الايميل وعرفه انه داخل مخصوص علشان يعمل فيك كده
واعترف وقال انا اللى عملت كده

فيه حاجه بعد كده

طيب انا معاك ماهو معنى كده ان فيه حد كلمه اهو وعارفين بقالهم كام يوم ومحدش فيهم اتكلم وكانوا بيأنبونى انا
انا بقا عاوز اعرف مين اللى كلموه ؟ واعتبروا كلكم ده طلب مقابل انى اكمل هنا لأن العضو ده قالكم كلام وفيه ناس افتكرت ان انا اللى قولت الكلام ده

يا منسى الناس اللى كلموه مش عايزين يقولوا اسماءهم
والحكاية اول ما اتعرفت واتأكدوا منها
قالوا للمايستروا على طول لان هو المدير
وهو اللى هيعرف يتصرف فى الحاجات دى وهو قال كل حاجة اهو

ومحدش كان بيأنب فيك ولا حاجة ولا قال عنك اى حاجة

ولنفترض ان العضو ده قال حاجة عليك للاعضاء اللى كلمهم
معتقدش ان فى اى حد منهم ممكن يصدقه بعد اللى عمله ده من ناحية
ومن الناحية التانية لاننا عارفينك كويس وبنثق فيك
ومش هنصدق حد منعرفهوش الا من خلال تصرف زى ده لو قال عليك حاجة
لان محدش هيثق فيه اساسا لكن انت عارفنك كويس
فعشان كده اطمن

وفككوا بقى من الموضوع خلاص كلنا عرفنا مين
والمشكلة اتحلت وخلصت خلاص الحمد لله
بدون ازهاق ارواح اى مواضيع او مساهمات
اخطر مشكله حصلت فى المنتدى - صفحة 2 165851

اخطر مشكله حصلت فى المنتدى - صفحة 2 165851

ودومتوا فى رعاية الله

الحمد لله انو عرفنا مين عمل كدا و المشكلة اتحلت
الحمد لله
فكوكو بقا من الموضوع ده

انا معاك يا امير فى كل كلمه قولتها وبصراحه كلامك مظبوط بس العضو ده قال حاجه للأعضاء مكانش حد يعرفها هنا الا انا و دودو ودودو فكرت ان انا اللى قولت
يبقى من حقى انهم يبرؤونى ولا لأ

اوك يا منسى انا فهمت قصدك

وهفهمك كل حاجة بس مش هنا عالخاص

ودلوقتى حاليا يا جماعة الموضوع ده خلاص اتقفل نهائيا

واهى مشكلة وعدت الحمد لله على خير

elmansyy كتب:: الموضوع مش هيتقفل يا كودا قبل ما اعرف مين اللى قالكم هو مين ؟

معرفوش مين اللى قالكم انت بجمع لية اصلا انت اصدك اللى عرفين هم معاة هم متفقين مع بعض اكيد دة اصدك
بصراحة انا اتخنقنت عمر ما كان المنتدى وبكل المشاكل دى الواحد كان هيدخل المنتدى يوم اويومين مش داخل ال
لغاية لما تنتهى مشاكل انا اخرج نفسى من شبهات احسن ليحصل حاجة تقولوا كودة وانا كدة كدة مشغول فخلاص انا مش داخل الا بعد5 شهور

اهدووووووووووووووووووووووو
بالله عليكم اهدوا
مينفعش كده
لما صدقنا خلاص الموضوع اتحل
مش عايزين مشاكل جديدة

ويا كودا محدش اتهمك بحاجة
والمنسى اكيد مكنش يقصد اننا متفقين معاه ولا حاجة من دى خالص
لانه عارف كويس اننا مستحيل نعمل كده
وكنا بنحاول نهدى الموضوع بأى طريقة ونعرف مين اللى عمل كده

لو سمحت يا منسى متردش عالكلام بتاع كودا انا رديت خلاص اهو بدل منك
هو كان كلام لحظة غضب بس الشيطان لعب بدماغه
وميقصدش ولو زعلت امسحها فيا انا يا سيدى

بس بالله عليكم متكبروش الموضوع اكتر من كده بقى خلاص

وانت يا كودا مش هتغيب عشان اتخنقت
انت هتغيب عشان انت واد دحيح هتقضيها مذاكرة
بسم الله ما شاء الله اللهم لا حسد
اخطر مشكله حصلت فى المنتدى - صفحة 2 165851

بس ابقى شقر علينا بردو من وقت للتانى

خلاص بقى يا جماعة الموضوع خلص
بالله عليكم محدش يرد عالتانى خلاص والموضوع خلص
عشان كده هتطلعلنا مشكلة جديدة

لو سمحتوا خلاص كفاية كلام فى الموضوع ده

لامخلصش

اولا يا كودا انا فعلا ما اقصدش انكم متفقين معاه كل اللى قولته انكم كمان عندكم غلط زيي انكم عرفتم وسكتوا
لو كلامى فيه حاجه غلط قولولى انت غلطان

لامش غلطان يا منسى انا عذرك انا عارف انك مضايق وانا بردة كنت مضايق وزعلان على حال المنتدى وحصل خير

اللهم لك الحمد انها عدت علي خير
و صدق اللي سماها اخطر مشكلة
مش عشان المشلكة و لا عشان سببها
لا دي حاجات متجييش حاجة جنب اللي انا قصدته
انا قصدت انها اخطر مشكلة فعلاً
لأنها كانت بين ناس
من صفوة المنتدي قدراً و مقاماً
المنسي فارس العزف بالآوتار و الموضوعات المؤثرة للمشاعر
و
دودو شهد المنتدي و أرقانا ردوداً و تعاملاً مع الكل
الحمد لله أنها عدت علي خير
و عشان برضه تكون عدت علي خير
من كل الجوانب
و من ناحيتي لناس تعز عليا زعلت مني
و الحمد لله أني مزعلتش منهم
لأني متعودتش أزعل من آخواتي و حبايبي
و ياريت هما كمان ميكونوش زعلوا مني
و قصدي دودو و المنسي زي ما قال آسلام
أنا معرفش هما زعلوا ليه
و كمان معرفش آسلام زعل ليه
مع أن كلامي كان بعيد عنه من كافة الجوانب
بس المهم و ده الآهم
أنا كل حرف كتبته ف المشكلة دي
كان قصدي حاجتين بشهد ربنا عليهم
الآولي
أني حاولت أعمل أي حاجة و آحل المشكلة دي
لأني واثق تماماً أن كل مشكلة و لها حل
و كنت بهتم بكل كبيرة و صغيرة
بتحصل ف المنتدي
لحبي للمنتدي و تقديري لآعضائه
و لدوري اللي هتحاسب عليه
و منه أني أزاي أثبت الحقيقة للكل
أن محدش مش المنسي بس
من آسرة آحلي حياة كلها يعمل كدة
و مع دودو و لا مع اي حد
لأن كلنا هنا مبنقبلش بالغلط
زي ما دخلت و لقيت المنتدي كدة
و أنا جديد
أن مفيش هنا غلط و لا حد بيقبل بالغلط
مهما أختلفت الآراء أو تعارضت الآهواء
و لله الحمد مفيش حد بيغلط ف التاني
لكبر قدر و مقام كل من فيه
و دي الصفة الرئيسية اللي بتبربط و بتعمل آنسجام
بين العضو الجديد و القديم

النقطة التانية بأه
أن في أعضاء قلقت من أن رسايلها كدة عرضة
للسرقة أو لآطلاع الغير عليها
و دي حاجة كان لازم ألحقها و أنفيها
و أنا آسف مش هقدر اوضح ليه
لأني متعودش أقول غير الصراحة
فيما عدا آسرار الآخرين

المهم خلاصة الكل
أقسم بالله العلي العظيم
أني لما أتدخلت ف المشكلة دي
أنا كل همي أني أثبت ووأوصل للي سرق باسورد
المنسي و وقع بين
آتنين من الآعمدة الرئيسية للمنتدي
و من الناس اللي ليها قدر و مقام داخل المنتدي و براه
و من ناس يشرفني انهم يكون اخوة و اصدقاء ليا
ووالله العظيم كمان مرة و محدش ليه عليا حلفان
أن كل كلامي ما قصدتش فيه الآساءة لآي حد عامةً
و لا لآخواتي الصغيرين سناً
و الكبار قدراً و مقاماً
و ليهم كل التقدير و الحب و الآحترام
سواء المنسي أو دودو
آطراف المشكلة
الله لا يعيدها مشكلة و لا يجيب بينا أبداً مشاكل
آو آسلام ف آختلافه معايا ف تفسير كلامي
اللي بكرر آخيراً
قبل ما آغيب فترة صغيرة بإذن الله
أن و الله عمري ما قصدت ف كلامي الآساءة لآي حد ف المنتدي
لآننا آسرة واحدة ف آحلي حياة
و لو أنا غلطت ف حد هكون غلطت ف نفسي
و دي طبعاً عمرها ما حصلت و لا هتحصل
من أي حد مننا بإذن الله مهماً كان

ركز بأه يا عم منسي مع مواضيعك و حبايبك
و الناس اللي مستنيين منك الآمتاع بمواضيعك
و ياريت متدييش للآمور آكبر من حجمها
و لا دودو زعلت منك آساساُ
و لا حد زعل منك و الكل كان ف صفك
فبلاش تضيع حب الناس دي كلها
بأنك تسيب نفسك لوجع الدماغ و حرقة الدم اللي هتودي و لا هتجيب
أهو يا عم الكل عذرك و مقدر موقفك
و محدش زعلان منك و لله الحمد
نسيبنا بأه من المنسي اللي أتشغل بالمشاكل
و نسي أن دوره أكبر و آرقي و آسمي من كدة
من أول يوم ليه ف المنتدي

و أنت يا كرومبو بلاش تظلمني و تقول ان قصدت
اي كلام يزعلك مني لا سمح الله
لأنك يا دودو و ربنا يشهد
انتي من آغلي و أرقي و أنقي الآعضاء اللي هنا
و آحترامك و تقديرك شيئ لابد منه من الكل
و انتي بوجودك و ف غيابك فرضتي علينا كلنا اننا نحترم آسمك
و شخصك لأنك و الله تستحقي كل الآحترام و التقدير
فبلاش تظلميني زي ما بتظلميني ف الجرايم الآونطة بتاعتك
و ياريت تكوني فاهمة اني دخولي ف المشكلة
كان لغلاوتك انتي و المنسي عندي
و لغلاوتكم علي بعض و غلاوتكم علي الكل
يالا يا ستي نسيبنا بأه بالله عليكي من اللي حصل كله
بمره و بحلوه
و عايزين شهد المنتدي تملا علينا
كل حتة ف المنتدي
عشان آحلي حياة مينفعش من غير شهده

و أنت يا عم آسلام
مستنيينك ترجع تكتب
بس ف كل حاجة زي الآول
مش مش ف المشاكل بس
ربنا يبعدك و يبعدنا عنها جميعاً دايماً يارب
و لو عملت كوبي لكلامي تاني هوقع بينك
و بين الكوبل خلي بالك
ههههههههههههههههههههههههههههههههه
و الله يا بني أنا و لا كنت بعمل و لا آيحاءات و لا حوارات
و ربك شاهد زي ما شاهد
أنك آخ و حبيب
و يا جماعة لو اي حد زعلان مني
ياريت يفهم و يصدق قسمي بالله
ان عمري ما قصدت و لا حصلت
و لا هتحصل مني طول ما أنا عايش
أني أسيئ لآي حد فيكم لا سمح الله

و سبحان الله رب ضارة نافعة
يمكن المشكلة دي حصلت
عشان الكل يتجمع فيها
و نبأه أيد واحدة علي قلب واحد
حتي لو كان في مناغشات
إلا أنها كانت سبب لصفاء كل القلوب لبعضيها
و عودة المياه لمجاريها زي ما بيقولوا
عموماً يارب دايماً عالخير متجمعين
و ف آسرة واحدة ف آحلي حياة متوحدين
و علي حب الله موحدين و مترابطين
و اللي زعلان مني
ياريت يسامحني و يبأه آحسن مني
لا إله إلا الله
يا آجمل و آرقي آسرة ف آحلي حياة

اوكـ يا جماعه طالما انتم شوفتوا انها انتهت انا هقفل الموضوع
مغلق

» اخطر طريق فى العالم
» هذا الموضوع لمن لديه مشكله عاطفيه ويريد حلها حل من القلب للقلب
» الي يوصل ل5 ملك المنتدى والي يوصل ل10 يرمي ملك المنتدى من فوق الجبل
» وفاة احد أعضــــــــــــــاء المنتدى
» الى كل اعضاء المنتدى