نكت جميله اوى اتمنى التثبيت

محشش عصبي وجعه ضرسه راح للدكتور وقاله " شيلى كل ضروسي وخليه زي الكـلب لوحده

برغوت قال لبرغوته بعد ما طلعوا من السينما : حبيبتي ... تحبي نتمشى ولا نركبلنا كلب؟؟

واحدة حامل ولدت بنت الساعة خمسة الفجر .. جه جوزها وجاب البندقية و ... طخ البنت ........
وقال لأمها ما عندناش بنات تيجى في انصاص الليالى ....!!!

في واحد دخل ملعب وفي مبارة بين فريق الحمر والسود وقعد جنب واحد أعور وميعرفش انه أعور... سأله وقاله النتيجه كام يا أخ؟ رد عليه الاعور " فريق الحمر واحد ". فسأله: والسود؟ الأعور قاله " لسه منزلوش الملعب

الزوجة: قوم يا راجل أنا سامعه صوت الحرامي في البيت. الزوج: حرام عليك خليني أنام الحرامي مبيعملش صوت لما بيسرق. في اليوم التانى الزوجة: قوم يارجل أنا مش سامعه صوت.. قوم أكيد في حرامي فى البيت!!!!

واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها

محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !!

مرة واحد ماكنش بيغير على مراتة فراحت لجارتها وقالتلها جوزى مبيغرش عليا قالت..خدى شبشب ابو حمادة حوتية ع الباب وفعلا حطتة جة جوزها قالها شبشب مين دة قالتلة.. ابو حمادة قالها رجعيهولو ليكون عايز ينزل استغربت وراحت قالت لجارتها ولا عمل حاجة قالتلها خدى بدلة ابو حمادة حوتيها ع السرير شافها جوزها وقالها رجعيها لابو حمادة راحت لجارتها وقالتلها خدى ابو حمادة نفسة حتية فى الدولاب فلما جية جوزها قالتلة انا عايزة اشترى فستان قالها منا لسة جايبلك فستان قالتلة طب تعالى نعد ، فتح الدولاب وقالها أدي 1-2-3 تعالى كدة يا ابو حمادة شوية -4-5 ...

مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم

واحد بيرد على التليفون .. المتصل طبيب غرفة الطوارئ بالمستشفى .. بيقولوا : " مراتك عملت حادثة خطيرة و عندىأخبار وحشة و أخبار حلوة.. الأخبار الوحشةأنها لن تستطيع استخدام أي من ذراعيها الإثنين أو رجليها الإثنين مرة أخرى .. و أنها ستحتاج الى مساعدة في الأكل و الذهاب الى الحمام مدى الحياة" الراجل : " يا الهى .. و ما الأخبار الحلوة؟؟؟؟" الدكتور : أنا بضحك معاك .. مراتك ماتت

تنين أندال ماشيين في الشارع. الأول: أنا أندل منك.. الثاني: لا, أنا أندل منك.. شافو واحدة ست عجوزة راح الأول مسكها وضربها.. الأول " شفت بقى أنا ندل إزاى " التانى قاله " قلت لك أنا أندل منك, الست اللى إنتا ضربتها دى أمى "

واحد بلدياتنا حب يروح حفله تنكريه قطع دراعه

اليسا وهيفاء وهبي ونانسي عجرم راكبين قطر وبيتكلموا عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت : نفسي أتجوز لاعب كرة مشهور
سمعهم واحد رخم دخل عليهم وقالهم " معاكوا العقيد شونج يونج الشهير بأبوتريكة "

كلب شوارع عدى من جنب قسم شرطة شاف كلب بوليسي قال آخ لو كملت تعلمي

واحد كسب مليون دولار واتصل بزوجته وقال لها حضري شنطة الملابس كسبت مليون دولار ردت عليه وقالته الملابس الصيفي ولا الشتوي قال لها مش مهم الصيفي او الشتوي المهم اني ارجع البيت ما اشوف وشك فيه.

مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"

كهربائي إتجوز واحده غير سلوكها

واحد بلدياتنا حب يشرب سيجارة حطها فى كباية

مرّة واحد عمل عملية جراحيه..., نجحت , قام عملها مرة تانية.

واحد بخيل راح يزور ابوه في المستشفى.. لما وصل للباب شاف كلمة ادفع.. قال نيجي بعدين نزوره

.
واحد بلدياتنا بيهشك ابنه وقّع النيل سات

واحد بيسأل صاحبة التعلب بيبيض ولا بيولد رد علية و قاله التعلب مكار ممكن تتوقع منة اى حاجة

واحد بلدياتنا اشترى موبايل ركبله جهاز اظهار رقم الطالب

مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى، المهم راحو يسلموا فالتانى قاله اقعد اقعد اهم جايين يسلمو علينا

مرة اتنين أغبية طالعين رحلة فالسواق نزل استراحة ورجع لقى الفتيس مش موجود قالهم الفتيس راح فين...قالوله لقينك يا عم طول الطريق عمال تشد فيه مش عارف تخلعه قولنا نشلهولك

مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"

مرة واحد غبي ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوست

بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشري

أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون

واحد قال لأبوه بابا عاوز أكمل دراستي بره قال وايه المشكلة، قول لأمك تفرشلك في الحوش بس خد بالك لتبرد (خاصة لدكتور هاواى اصله عايز يكمل الدكتوراة برة لوووووووووووووووووول)

مرة واحد راح للبقال اقاله هات ببريزه حلاوه طحنيه قاله ما فيش قاله ادينى اى حاجه قاله ما فيش ، قاله يا عم هات اى حاجه، البقال جاب القالب وبيقطع حته علشان يديهاله قالو انت لسه هتشيل منها

انعقد مؤتمر دولي في فرنسا وكان بعنوان الأتصالات والتكنولوجيا المعاصرة ، فبدأ بالحديث فيلسوف فرنساوي وقال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ، وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ، وقام البروفيسور العظيم المصري وقال: احنا حفرنا تحت الأهرامات وملقيناش حاجة وده دليل على انه احنا عندنا الموبيلات بقالها اكتر من 7000 سنة .

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

جميله يامنسى
تسلم

maalb كتب:: جميله يامنسى
تسلم

ميرسى يا نور على المرور الجميل

ههههههههههه حلوين يا منسي تسلم

zaho algeria كتب:: ههههههههههه حلوين يا منسي تسلم

شكرا يا زهره على المرور الجميل

» طبيب نفساني حضرتك .... رحلة إلي الآعماق ... حصرياً علي آحلي المنتديات
» شرح أسماء الله الحسني .... أرجو التثبيت أذا كان يستحق التثبيت....
» شرح أسماء الله الحسني .... أرجو التثبيت أذا كان يستحق التثبيت....ج14
» شرح أسماء الله الحسني .... أرجو التثبيت أذا كان يستحق التثبيت....ج15
» : شرح أسماء الله الحسني .... أرجو التثبيت أذا كان يستحق التثبيت....ج16