هل حب الفتاة يعتبر خيانه لأهلها والشاب عكس ذلك؟

موضوع عجبنى وعايز اعرف رأي الشباب والبنات فيه

هل حب الفتاة يعتبر خيانه لأهلها والشاب عكس ذلك

عندما يحب شاب فتاه ما وصرح بهذا الحب لاهله او لاصدقائه فلا احد يستطيع ان يعيبه او يقول له هذا خطأ ؟؟

وعندما تحب فتاه شاب ما لاتستطيع الافصاح عن حبها الا لفتاة مثلها ان أمكن ذلك ؟؟؟

سؤالى ينقسم لعده اقسام

الاول ؟؟

هل الحب الشريف فى مجتمعنا الشرقى عيب كبير ؟

الثانى ؟؟

هل من حق الشاب ان يحب ويفصح عن حبه وليس من حق الفتاه ان تحب وتفصح عن حبها ؟؟

الثالث والاخير ؟؟

هل عاداتنا تسمح للرجل ان يحب
ولا تسمح للمراة ان تحب

اطلب التفسير لهذا التناقض ؟؟؟؟

شكرا لكم وفى انتظار ارائكم

جميل جدا ياسمرى وفعلا بقيت الحكايه ديا موجوده فى كل مكان فى نظر الاهل الحب للبنت حرام بس للولد لاء عادى بس المفروض بدل حب شريف مش يبقى حرام بس بردوا مش يكون من ورا الاهل بس المفروض يكون البنت والولد متساوين فى التعامل بينهم بس هم الاهل اللى بيخلوا البنت تحب من وراهم وده رائى ياسمرى وبجد موضوع جميل

بص ياعم سمرى
والله رايى
ان الموضوع لو اتاخد جد مش هيكون فيه مشاكل
يعنى ايه
يعنى ان كل واحد يعرف حدوده واللى مسموح ليه بيه
يعنى احب اااه
لكن مقابلات والموضوع ده اكيييد ماينفعش
وده للولاد والبنات

وممكن اسالك واسال كل اللى فى المنتدى سؤال
انت ممكن تحب بنت شفتها ماشيه مع واحد واديهم فى ادين بعض كده ياجميل
وياسلام لو لو شوية صور على الموبايل بقى
انتم ايه رايكم
ترضى تتجوزها

عمر ماكان الحب الشريف لا حرام ولاعيب
بجد لو الحب دة شريف بجد اللى بيحبها هيحافظ عليها اكتر من اى حد
والف شكر ليك ياقمر

اكيد لو الحب ده مبنى على الزواج هيكون شريف طبعا

تسلم ايدك موضوعك جميل

انت عاوز رأيى بجد مفيش حاجه اسمها حب فيه حاجه اسمها فلانه عجبتنى خلاص اشوفها اتفقنا نتجوز ما اتفقناش كل واحد يروح لحاله والحب بييجى بعد الجواز
بالنسبه ليا بقا انا لا هحب قبل ولا بعد الجواز

جميل جدا يا سمرى الموضوع هايل بس مع احترامى لاراء الجميع 00 احنا فى مجتمع شرقى والكل عارف العادات والتقاليد وان الرجال والنساء غير متساويين فى الحقوق 00 من حق الفتاة انها تحب وبمعرفة اهلها انما ده مش معناه انها تخرج وتقابل وتمشى مع اللى بتحبه قدام الناس كلها وتقول انا اهلى عارفين عذرااااااا 00 لاطبعا مينفعش لانه فى الاول والاخر هو مش خسران انما البنت لو كلمه اتقالت عليها بتخسر حاجات كتير وبعدين لو هو فعلا بيحبها وقد المسؤلية يتقدملها انما ميقولش بحبك وكلام وخلاص لان بحبك دى معناها كبير اولها انه هيخاف اى كلمة تتقال عليها ويعرف مصلحتها ويحترم اهلها مش يقولها نتقابل بدون علم اهلك طبعا ده ميبقاش حب وثانيا هى لو محترمتش اهلها هو مش هيحترمها ومش هيثق فيها حتى لو حصل نصيب بينهم طب ليه بقى ماتقعد فى بيتها معززة مكرمة لحد ما يجيلها لحد عندها ويقدر قيمتها اولا00 الحب مش عيب يا سمرى ولا حرام لان دى نعمة من ربنا وجود الحب فى قلبنا وتانيا 00 من حق الفتى والفتاة انهم يحبوا بس يكون الحب بمعنى الكلمة 000 ثالثا عادتنا بتسمح للرجل انه يحب والمراة كمان انها تحب ولكن بالاسلوب الصحيح 000000 مع احترامى لرايك يا منسى00000000000000 بس صدقنى فى حب وانت كمان هتجوز عن حب ان شاء الله وربنا يكرمك وفعلا لو هى عجبته ومتفقين فى كل شئ يبقى يتقدم لاهلها على طول ومفيش داعى لللف والدوران من وراهم 000 بس صدقنى الحب ده احساس جميل وانت متقولش علشان قصة اليمة وعدت عليك ان الحياة بعدها مش هيكون فيها حب بالعكس انت نفسك دلوقتى بتتمنى انك تفرح وتعيش حياة سعيدة وكل انسان بيحلم بكدة مع احترامى لرايك اولا واخيرا طبعا ودى حياتك الخاصة وانت الوحيد اللى تحكم فيها ودى كانت مجرد وجهة نظر او نصيحة واتمنى التعليق على رايي

الحب ليس عيبا بحد ذاته على الفتاة ‘إذ أن من حقها الحب
حالها حال الشاب ‘لكن السؤال المهم ماهي تبعات هذا الحب
الحب الشريف يؤدي إلى الزواج ‘لكن هناك من البنات
تحب ولا تعرف إلى أين يؤدي هذا الحب ‘لكن كثيرا من الناس
خلطوا الحب بغيره من العلاقات التي لا تعرف لها نهاية
خلاصة القول أن تعرف الفاتة والشاب إلى أين يؤدي هذا الحب

الصراحة الموضوع مهم ومشكورةأختي على الموضوع الشيق

وتقبلوا مروري

» أيهما اكثر تأثرا بالسمعة السيئة الشاب أ م الفتاة ؟؟؟
» حصريا العملاق في تصميم رسوم 3D يعتبر من افضل برامج التصميم والرسوم الثلاثية الابعاد Autodesk Maya Unlimited 2009 SP1 فى احدث نسخة بمساحة 382 MB
» كيف تجعل الفتاة لا تنساك يا رجل؟
» صمت الفتاة عند التحرش بها ماذا يعني ؟؟
» كيف تجعل الفتاة لا تنساك يا رجل؟ من . صدام .