تقبل او ترفض ولماذا..؟

سؤال خطر على بالى وقولت اعرف رايكم اية

عاوزة الاجابة بمنتهى الصراحة والوضوح من فضلكم

هل من الممكن تحب واحدة انت عارف انها كانت بتحب من قبل منك وانت بنفسك تشهد على قصة الحب اللى كانت بينهم وعارف اد اية كانت بتحبة......؟
وانتى كمان هل من الممكن تحبى واحد كان بيحب قبل منك وانتى عارفة انة كان بيموت فيها وبيحبها هل تقبلى انك تحبى الشخص دة وتكملى معاة..........؟

ملحوظة عارفة السؤال اللى هيتبادر لذهنكم هل هو او هى نسيت ولا لسة؟؟؟؟
محدش يقدر يحكم على انسان كان نسى ولا لأ بس الى اعرفة ان اللى بيحب حد مش بينساة ابدا فهل تقبل او تقبلى ام لا؟؟؟

ياريت يكون سؤالى واضح ومفهوم وانا فى انتظار ارائكم

ميرسي يا ساندى الموضوع الجميل ده

بالنسبة ليا انا لو واثقة فالشخص ده وحسيت انه بيحبنى بجد اكيد مش هسيبه

ونصيحة لأى بنت تاخد اللى يحبها مش اللى هى تحبه لأنه هيقدرها كويس ويحبها

وتسلم ايدك يا قمر على التوبيك

صعب الحكم عليها
بس من وجهة نظري اتأكد من مشاعرها اتجاه بجد ويكونش مشاعرها دى للانتقام من الطرف الاخر او ما شبه ذلك مش بس كده واحاول اختبارها اختبارات بسيطة وكمان ولو عارف شخصتها وواثق فيها اكيد

وهقول عكس باربي لازم الواحد يحب اللى بتحبه بجد لانها هطيعه وتحافظ على نفسها وعليه وهيكون سعيد بجد

جميل جدا

وشكرا لمرورك الجميل يا باربى ونورتى المنتدى بطلتك الجميلة

شكرا لمرورك الجميل ياسمرى وانا معاك ان لازم يكون فى توافق وحب متبادل من الطرفين

والله يا ساندى هو موضوع محير بس انا هقولك وجهة نظرى
بالنسبه ليا انا عمرى ما فكرت فى واحده بتحب او حبت قبل كده يمكن علشان انا مش فكرت فى الحب الا مره واحده وندمت انى حبيت
بس بجد انا مش عارف اصلا افكر فى الحب دلوقتى ولا لأ بقيت مش بحس بيه خالص مش عارف ليه ؟؟

سؤال خطر على بالى وقولت اعرف رايكم اية
ما أجمل أسئلتك و موضوعاتك يا وجه الخير
أسئلي براحتك و كلنا كيد هنقول رأينا بس انتي كتري من
مواضيعك الروعة لانها تمس النفس الأنسانية و المشاعر
النبيلة من الدرجة الرفيعة .........

عاوزة الاجابة بمنتهى الصراحة والوضوح من فضلكم
بالنسبة ليا صراحتك دايماً بتجبرني أكون صريح معاكي
لأبعد الحدود
هل من الممكن تحب واحدة انت عارف انها كانت بتحب من قبل منك وانت بنفسك تشهد على قصة الحب اللى كانت بينهم وعارف اد اية كانت بتحبة......؟
ممكن ولكن بشروط

وانتى كمان هل من الممكن تحبى واحد كان بيحب قبل منك وانتى عارفة انة كان بيموت فيها وبيحبها هل تقبلى انك تحبى الشخص دة وتكملى معاة..........؟
ممكن برضه بس بشروط

ملحوظة عارفة السؤال اللى هيتبادر لذهنكم هل هو او هى نسيت ولا لسة؟؟؟؟
لا طبعاً مش ده السؤال اللي جه علي بالي
لأني لو حاسس أني حبيت واحدة لسه ف قلبها ذرة حب
لواحد قبل مني هاحاول علي أد ما أقدر أني أساعدها
في حبها السابق ؛ وذلك حتي لا أكون اصطادت في الماء
العكر كما يقولون و طلعت علي جثة غيري للوصول لهدف
لا يصح أن أقول عليه حب

محدش يقدر يحكم على انسان كان نسى ولا لأ بس الى اعرفة ان اللى بيحب حد مش بينساة ابدا فهل تقبل او تقبلى ام لا؟؟؟
برضه هقبل بس بشروط

ياريت يكون سؤالى واضح ومفهوم وانا فى انتظار ارائكم

أكيد سؤالك واضح و مفهوم
و أسمحيلي أوضح و أعقب عليه برأيي الشخصي
و هو أني أكيد مستعد أوافق أني أحب واحدة كانت
بتحب و أنا عارف قصتها و ده بشروط بالنسبة لي شخصياً
و هي أن تكون تلك القصة أنتهت و لا يوجد لها أي آثر
من الممكن أحيائها به
فأنا أفضل كما قلت أن أساعدها في انجاح قصة
حبها السابقة علي أن أصطاد في الماء العكر و أستحواذي
علي مشاعرها تجاهي
فأن كان يوجد آثار لذلك الحب السابق بها يوجد أمامي
طريقين أولهم أني أعملها كل اللي يعوضها عن اللي فات منها
لدرجة أني ممكن أعملها أراجوز عشان تحبني وده مثلاً
بس كدة هكون انا أصطادت ف الميه العكرة
لأني عارف أنها خارجة من تجربة مجروحة و كل من
سيداويها أو يطبطب عليها بحنية ستتعلق به
نعم ستتعلق به و لكن سيكون ذلك حب مزيف و سينتهي
سريعاً فما بني علي باطل هو باطل و ذلك يشبه تماماً
الصيد ف الماء العكر ؛
أيضاً و أن تأكدت من خلو مشاعرها من حبها السابق
سيوجد شرط آخر و هو أهم أنسانياً حيث ماله من آثار
علي نفسية أي أنسان و هو ؛
أذا حدث و خلت مشاعرها تجاه ذلك الشخص حبيب الماضي
يا أما نضع في أعتبارنا أن ذلك كان محل الماضي
فلا مجال للنقاش فيه ف المستقبل سواء مني أو منها
حتي لا يترك ذلك تأثيراً علي ما يولد بيننا من مشاعر ؛
يا أما من قصيرها مديش لنفسي حق التجاوز و دخول
حياة لن أستطيع أن أو هي التحكم فيها في تصرفاتنا بنضج
و وعي بعيداً عن الطيش و اللا وعي حتي لا أدمرها بدلاً
من أن أعوضها عما فاتها يعني عشان مجرحهاش
و أجرح نفسي بأننا نقعد نفتكر اللي فات و نعيد و نزيد فيه
يعني يا اما نقفل صفحة الماضي ده و ده صعب مش سهل
يا أما من قبل ما تبدأ قصة الحب تنتهي ؛؛؛؛؛؛؛؛؛؛؛؛؛؛؛؛؛؛

و ده آخر أني أديها الفرصة للحكم عليا بدون أي ضغوط
حتي لا يكون قرارها من نبع الهروب من جرح أو الهروب
من الماضي فقط للهروب و النسيان و ليس لحب مقتنعة به .....

يعني بأختصار و بالبلدي لو مفيش أمل واحد في المليون
في أني أساعدها ف أنها تنجح ف حبها بما أني شاهد علي
الحب ده عشان مكونش بصطاد ف المية العكرة ؛
و برضه لو أنا أتعاملنا بعقل و نضج و مقعدناش نقلب
ف القديم لأن ده ممكن يوجعنا و يسبب ألم رهيب و
برضه لو هي مش هربانة من حبها لمجرد النسيان
و مقتنعة بيا بكامل أرادتها و مشاعرها ؛؛؛؛؛؛؛؛؛؛؛؛؛؛

أكيد 1000000% هكون مستعد للحب ده
لوثوقي من نجاحه سواء أنا ولا هي اللي مرينا بالتجربة
السابقة ............

ليه ... لأننا هنكون فهمنا بعض و عرفنا معاني و مشاعر
بعض و قدرنا نحكم علي بعض من موقع العقل وحده
قبل الدخول في منطقة العواطف التي دائماً ما تكون مشوشة
ف البداية ؛ و لكننا تغلبنا علي ذلك التشويش لاننا درسنا
و فهمنا كل شئ عن بعض من قبل ما تتحرك اي عواطف جوانا ...

يا ريت أكون جاوبت علي سؤالك و أكون فهمته صح
يا ساندي يا برنسيسة المنتدي ........

عموماً الأختلاف ف الود لا يفسد للرأي قضية
و من الممكن أن نختلف فنحن نتحدث عن أجمل و أروع
المشاعر الأنسانية في موضوع رائع ذو قيمة أنسانية
مرهفة الأحاسيس من أنسانة عودتنا رغم قلة موضوعاتها
الأ أن تلك الموضوعات دائماً ما تتسم بالروعة و التميز
و الأبداع لما تمسه من المشاعر الأنسانية النبيلة
خصوصاً و أن تلك الموضوعات خالصة مخلصة من عقلها
و ليست منقولة أو مجرد موضوعات عابرة .....
و أخيراً

و سلم كل ما فيكي و كل من تحبيه ع الأبداع و علي مشاعرك الأنسانية الجميلة

و نتمني أن مشاركاتك دائماً أن تكون كما عودتينا

جميل الموضوع ده ياساندى
انا بقى مااقدرش احب واحده او ارتبط بواحده
كانت مرتبطه بغيرى وحتى لو انا حتى ماكنتش شاهد على حبهم
لالالالالا
لو عرفت مجرد معرفه
بس اكون متاكد ان المعرفه صح
والسبب بكل صراحه
انى كل ماهااشوف الشخص ده هاافتكر اللى كان بينهم
وممكن دى تسببلى مشكله فى حياتى وتحولها لجحيم
وحتى لو نسيته وانا متاكد انها نسيته
برده نفس الراى مش هيتغير
يبقى الموضوع يترفض من الاول احسن
وده خاص بيه
رحم الله امرئ عرف قدر نفسه
لانى هكون كداب لو قلتلك انى هاانسى

اولا شكرا لمرورك ومشاركتك يامنسى بس انا عاوزة اقولك ان مينفعش تستغنى عن الحب او انك مش تحس بية الحب هو اسمى المعانى فى حياتنا وحتى لو كنت مررت بتجربة قاسية فهذا لايعنى استغناءك عن الحب اطلاقا

مهما كان حجم جرحك من حبك فلابد ان تستعيد قواك وتكمل حياتك وتبحث عن الحب الذى يلائمك وتحتاجة
وحاول تفكر فى الحب تانى وشوف كدة ان كنت هتقبل ترتبط بواحدة حبت قبل منك ولا لأ

واخيرا شكرا لمرورك الطيب

اولا مش عارفة اقولك اية على جمال ردك وذوقك العالى فى اختيار كلماتك والتى بالتأكيد تفصح عن شخصيتك وذكاءك

ثانيا تعليقك وردك بخصوص سؤالى قمت بتحليلة بشكل جيد واعجبتنى جدا تحليلك الخاص بان هذا الحب اشبة بالاصطياد فى الماء العكر
يا ريت أكون جاوبت علي سؤالك و أكون فهمته صح
يا ساندي يا برنسيسة المنتدي ........
بصراحة عملت اللى عليك وزيادة وفهمت سؤالى صح واعطتنى اجابتك ورايك الذى اسعدنى كثيرا وشكرا لمرورك الرائع ياكريم

جميل ردك يامحمد وانت بكدة تبقى شخصية عملية جدا واختلاف الراى لايفسد للود قضية وشكرا لمرورك الجميل يابو على

رحم الله امرئ عرف قدر نفسه
لانى هكون كداب لو قلتلك انى هاانسى
وشكرا لصراحتك

» اذا عرض عليك الكأس هل تشرب منه ام لا ولماذا ؟
» تقبل الله ياسمرى . .
» هل تقبل أن تحضر زواج حبيبك ..
» المعارضة ترفض الصلح مع مصيلحى
» أحمد العجوز : الإسماعيلي فى كامل الاستعداد للفوز غداً على الزمالك .. والمباراة لا تقبل القسمة على اثنين