موضوع جريئ جداامن يملك الجرءة(هل انت مع او ضد تدريس مادة التربيه الجنسيه)؟؟

السلام عليكم ورحمة الله وبركاته

كثرت في الآونة الأخيرة المسائلة في موضوع (التربية الجنسية) وأصبحت أغلب الفضائيات العربية تتناول هذا الموضوع بسياق هادف (على الرغم من كونه مادة إعلامية جاذبة للمشاهد )

في رأيي الخاص :

التربية الجنسية مادة مهمة جداً لترسيخ المفاهيم الصحيحة في عقل كل من الرجل والمرأه منذ الصغر حتى يتم تلافي جميع المغريات عند الكبر بشرط أن تكون الدراسة متناسبة مع المرحلة العمرية للطالب والطالبة مع مراعاة كل ما قد يثير هذه الغريزة من خلال الشرح البسيط والذي يقي مستقبلاً كلا الطرفين من الإنحراف، أيضاً لتلافي الأسئلة المحرجة التي قد يقع فيها الأب والأم من الأبناء الصغار والتي تضعهم في مواقف محرجة جداً لعدم مقدرتهم على إجابة أبنائهم بما يتوافق مع عقليتهم ومبادئهم وأخلاقهم.

أتمنى من الجميع المشاركة بهذا الموضوع بشكل سليم وإبداء الآراء البناءه من حيث رفض الفكرة أو المرافقة وماسبب تاييدك لها وايضاء سبب رفضك لها؟؟

انا اؤيد الفكره دى بجد لازم الماده دى تدرس علشان نوعى كل شبابنا وبناتنا

قبل فوات الاوان وقبل ما اى حد يقع فى الرزيله

وعلشان برضو لما الواحد يكبر ويبقه لسه مش عارف حاجه فى الحاجات دى

بتبقه منظرها مش حلو

بس لازم يكون فيه حدود للماده دى

يعنى لما تتدرس تبقه الفصول مش مشتركه

علشان الاحراج وكده

بس انا مؤيد ها جدا

الصراحة والله انا مش عارف
ما هو علشان تجيب نتيجتها المرجوة لازم تتدرس بطريقة خاصة ولازم تكون طريقة صح مليون فى المية
والاساتذة لازم يكونوا من نوع خاص
وبعدين احنا اليومين بنسمع كتير عن الاساتذة اللى بيتحرشوا بالطلاب والطالبات
وبكرة نطلع ع خبر مدرس اتحرش بتلميذة نلاقيه يرد يدافع عن نفسه
اصل كنت بعملها بطريقة عملية ونفتح بقى باب منعرفش نقفله
ومش لازم تكون مادة يعنى تتدرس ويبقى ليها كتاب
عندى اقتراح مثلا
ممكن كل مدرسة تجيب مثلا يوم فى الاسبوع تخصص ليه حصة تجيب اساتذة متخصصين فى الحاجات دى او دكاترة او خبراء متخصصين فى الحاجات دى ويقعدوا يشرحوا للتلاميذ ويجاوبوا على اسئلتهم بطريقة علمية وصح وطبعا يكون الولاد لوحدهم والبنات لوحدهم
اصل مش اى استاذ يقدر يدرس مادة زى دى او حاجة زى دى لانه بردو اب وزى ما بيقدرش يرد على ولاده فى البيت اكيد هيبقى بردو صعب عليه يرد عالتلاميذ فالمفروض يكون فى ناس متخصصين

ايه رايكم فى اقتراحى اروح اقدمه لوزارة التربية والتعليم ؟؟ واخد مكافاة ونقسمها مع بعض
هههههههههههههه

والله الكلام ده ينفع فى حاله واحد لما يلغوا موضوع المدارس المشتركه انما ما يجيوش يدرسوا الماده فى فصل فيه ولاد وبنات مع بعض يبقى كده حط الكبريت جنب البنزين

الفكره جميله جدا
بس لو اتطبقت على قواعد سليمه
وطلبه من سن معين
يعنى الموضوع لازم يندرس كويس جدا
ويتحط ليه قواعد تناسبه

هو موضوع كويس ومفيد جدا لكن بشروط محددة ويحتاج لدراسات كتير جدا

شكرا ياامل على موضوعك الحيوى

بالنسبة ليا رافضة الفكرة دي تماماً يعني مفيش حد لازم يدرس ويتعلم الحاجات دي ومفيش حد حيفضل جاهل لحد ما يكبر اشمعنى لي قبلينا ما حصلش معاهم حاجة نيجي احنا نكبر الموضوع و- نعقدها أكتر وأكتر (جه علشان يكحلها عماها ) الحكاية مش مستاهلة دراسات ونقاشات واللي عايز يستفسر دلوقتي فيه كل الإمكانيات وناس متخصصة ترد على كل الاسئلة إلي ممكن تواجه الواحد وده رأيي أنا مش أكتر مرسي ليكي يا أمل

مش تنفع الفكرة دى خالص لادينا ولا عادتنا تسمح بكدة خالص دى ابداعات غربية

فى الوقت الحاضر مع الانفتاح على العالم الغربي اعتقد انها غير مفيد وقد تسبب لنا الكثير من المشاكل
وان كان ولا بد فتكون فى المراحل النهائية للتعليم فى حدود ما يسمح به الدين

» نصيحه لمن لا يملك قدره النسيان
» بدوي راسب في مادة التعبير
» لكل شئ ثمن (( موضوع مفتوح لنقاش ))
» موضوع هااااااااااااااااااااام جدا
» موضوع خاص منى للمنسى ....!!