مواجهه ساخنه بين الشباب × والبنات

فكـــرة هذا الحـــوار الساخــن

هي عبارة عن حوار مثير بين فريقين

فريق الشبــــاب ... فريق البنـــات

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة
و موضوعية وبعيداً عن التعصب حتى نستمتع و نخرج منه بنتائج إيجابية.

[ بداية الحوار ]

سيقوم فريق البنات بطرح تساؤل عن أمر معين لا يعجبهم في الشباب

وسيقوم فريق الشباب بالرد وتبرير الموقـــف

وبعد إعطاء الإجابات والمبررات الكافية يصبح فريق الشباب في وضع الهجوم
ويطرح سؤال على فريق البنات.....وهكذا يستمر الحوار

[ملاحظة]

يحق للجميع المشاركه وابداء الرأي

وأرجوا أن نكون مع الحق دائماً بعيداً عن الإنتماء و التحيز

(( صافرة البداية )) ..>>>

سؤال من فريق الشباب موجه إلى فريق البنات

هل انتن مستفزات للشباب رغم تمنيكن اعجابهم؟؟؟؟

جميل والله يامحمد والله فكره جميله

ههههههههههههههههههه
يعنى هتحوش عنى ياسمرى
ههههههههههههههه

ياباشا دائما معااااااااااااااااااااك
مين يقدر بس عليك
هههههههههههههههههههه

ايه ياد انت عامل موضوع وخايف من ردود افعال البنات ولا ايه
انا مش عاوز اقول رأى دلوقتى هسيبه للأخر

ههههههههههههههههه
ماشى يا منسى
بس الموضوع مش موضوع اراء
ده طرح للاسئله
يعنى البنات يجاوبو على سؤالنا
ويبررو موقفهم
ويعدين هم يحطولنا سؤال
واحنا نجاوب عليه
اوك يا جماعه

والاسئله فى الحاجات اللى بتضايق الجنسين من بعض

انا زات نفسى بحب استفز اى حد ولد بنت اى حد

بس عمرى مااتمنيت اعجاب حد لو استفزازى للشباب

جميل كلامك يا مقالب
فين باقى البنات
علشان تجاوبو
وتحطو سؤالكم

احط انا بقا سوال

عايزه تحطى حطى
بس مش هنجاوب عليه
الا لما باقى البنات ترد
او على الاقل واحده كمان
بس لو عايزه تحطيه حطيه
وانتظرى اجاباتنا

ماشى انا عيزه اعرف الشباب بتستفيد ايه لما تمشى مع بنت واتنين مش بس كده وكمان لو بيكلموها بيسجلوا المكلمه ويسمعوها لاصحابهم
وكمان عيزه اعرف ايه لزمه السلسله واللبانه والبنطلون المسقوط

ههههههههههههههههههههه
سؤال جامد يا مقالب
وانتظرى اجاباتنا
بعد ما حد من البنات يدخل يجاوب على سؤالنا احنا كمان

بتضحك ليه عجبتك كلمه البنطلون المسقوط

هههههههههههههههههه
جامده مسقوط دى
بس انتظرى الاجابات

محمد يامحمد حتى لو فيها موت معاك للاخر وراك رجالة مش تقلق

محمد ارد انا على موضع البنطلون المسقط اصل تجربة عايشة ولا استنى اشوف هتعمل اية

هههههههههههههههه
اهلا بيك يااحمد
بص قانون الموضوع
البنات يردوا على سؤالنا الاول
وبعدين يحطو سؤال واحنا نجاوب عليه
فاهمنى
بس مفيش الا مقالب اللى جاوبت
استنى لحد ما بنات كمان
يدخلو يجاوبو

بعدها احنا نجاوب

اوك ماشى ياكبير معاك للاخر

هع
نحن هنا
يلا يا بنات خلصوا جاوبوا انا عايز اجاوب على سؤال مقالب

طب نعمل ايه مفيش بنات عيزه تجاور يمكن مش فهمين السؤال

اوك يا جماعه
خلاص
يلا احنا نجاوب على سؤال مقالب
واتمنى ان الولاد مايعملوش زى البنات
وياريت الكل يجاوب

maalb كتب:: ماشى انا عيزه اعرف الشباب بتستفيد ايه لما تمشى مع بنت واتنين مش بس كده وكمان لو بيكلموها بيسجلوا المكلمه ويسمعوها لاصحابهم
وكمان عيزه اعرف ايه لزمه السلسله واللبانه والبنطلون المسقوط

والله يامقالب موضوع يمشى مع بنت واتنين
هم مابيستفيدوش غير انهم بيضحكو على البنات السزج
وموضوع تسجيل المكالمات
ده شئ وحش بصراحه
بس لو هى واثقه فى نفسها مش هتقول كلام يسئ ليها

اما السلسه واللبانه والبنطلون المسقوط
هههههههههههههه
على رايك ده

فاهااقولك حاجه
دى حريه شخصيه وكل واحد حر فى نفسه
مادام ما بيضرش غيره
كمان مش الولاد وحدهم
زى مافيه ولا وحشين فيه بنات كلمة وحشين قليله جداااا عليهم

يلا ياشباب
انا عايز الكل يشترك
ولما نخلص اجابات
واحد يحط سؤال للبنات
وياريت البنات تشترك ياجماعه

هى حريه شخصيه بس لعن الله الرجال المتشبهات بالنساء

وبجد شكلهم لايطاق

أوك هشترك يا محمد
وجوابي إن البنت ما بتحتجش لاستفزاز الشاب علشان يعجب بيها ولا مؤاخذة فيه نوع إلي بمجرد ما يشوف بنت عصافير قلبو بتزقزق على طول

maalb كتب:: هى حريه شخصيه بس لعن الله الرجال المتشبهين بالنساء

وبجد شكلهم لايطاق

انا معاكى يا مقالب
بس اللى بيحاسب ربنا
مادام الشخص ده مش بيضرنى
يبقى هو حر فى نفسه
ولو تربطنى بيه علاقه انصحه
لكن مثلا ماينفعش اضربه
وزى ماقلتلك
كل شئ فيه الحلو والوحش
ويارب مانشوف وحش خالص يارب

maalb كتب:: ماشى انا عيزه اعرف الشباب بتستفيد ايه لما تمشى مع بنت واتنين مش بس كده وكمان لو بيكلموها بيسجلوا المكلمه ويسمعوها لاصحابهم
وكمان عيزه اعرف ايه لزمه السلسله واللبانه والبنطلون المسقوط

وانا هجاوب على سؤال مقالب

اولا بالنسبة لحكاية ان الشباب بيستفيد ايه لما يمشى مع بنت واتنين طب والبنت بتستفيد ايه لما تمشى معاه ما هو مش بيجبرها تمشى معاها دى ماشية معاه بارادتها يعنى دى حاجة تخصهم وساعات بتكون صداقة او زمالة بس مش اكتر

وحكاية انهم بيجلوا المكالمة دى حاجة تخص كل واحد ودى حاجة زبالة وانا بعترف بكده بس بردو ممكن تلاقى بنات بتعمل كده ولما بيسمعوها لاصحابهم علشان يتفشخروا عليهم ويظهروا فى دور مقطع السمكة وديلها

وانا اصلا الحمد لله مش بكلم بنات فى التليفون علشان اسجلها

وبالنسبة للسلسلة انا مش بلبس سلسلة بس الصراحة بفكر اجيب واحدة بس مش فضة يعنى او نحاس او حاجة من دى لا دى جلد زى بتاعت كريم عبد العزيز فى فيلم الباشا تلميذ

واللبانة معتقدش ان اللبانة بتنتقص حاجة من رجولة الواحد وانا باكل لبان وانا رايح الامتحان او قبل ما انزل من الكلية علشان فى دراسة بتقول انه مفيد وبيزود التركيز وطالما ان الواحد ماشى باحترمه مش بيدلع زى البنات او العيال المايصة مش شايف ان فيها حاجة ومتنقصش من رجولة الواحد

والبنطلون الساقط ده انا بنزل البنطلون اه بس حتة صغيرة اوى حتى مش بيبان اوى انه ساقط علشان بس المنظر العام وكده وبيكون شكله احسن وشبابى اكتر مكنش باين زى الناس الهبلة الى بتطلع البنطلون لحد نص بطنها ويبقى شكلها عبيط

وفى الاول وفى الاخر زى ما محمد على قال دى حرية شخصية

ويلا انا مجهزلكم سؤالين لما ييجى الدور ابقى قولى يابوعلى

zaho algeria كتب:: أوك هشترك يا محمد
وجوابي إن البنت ما بتحتجش لاستفزاز الشاب علشان يعجب بيها ولا مؤاخذة فيه نوع إلي بمجرد ما يشوف بنت عصافير قلبو بتزقزق على طول

اوك يا زهره
بس سؤالى خلاص حلقته اتقفلت
علشان انتم مااشتركتوش
ودلوقت احنا اللى بنجاوب
ولما نخلط
حد من الشباب ان شاء الله
هيحط ليكم سؤال
واتمنى تشتركى
وشكرا ليكى ياقمر

ماشى لو عيزين تسالوا قولوا

اوك ياامير
ان شاء الله
خلاص هتحط انت الاسئله
ان شاء الله

أوك وأنا في الإنتظار

ايه ده دا امير بيقول يعنى مش ياكل اللبانه بمياصه زى البنات

قصدك ايه بقا احنا ميصين

يا مقالب انا قولت مش بياكل اللبانة ويمشى يدلع زى البنات او زى العيال المايصة
وبعدين الدلع دى حاجة معروفة فى البنات
ومعتقدش انها حاجة تزعلكم او انها شتيمة ليكم

لأ مش شتيمة يا أمير عندك حق إسأل إنت بس

ايه ده والله عاديه دا انا كنت عايزه اقوم البنات عليك

ماشى خلاص

انا بهدى النفوس

تحبوا ادخل فى الحوار دلوقتى ولا استنى شويه
وطبعا من البدايه مش عاوز زعل من البنات

إنت تدخل زي ما نت عايز الحوار مبني على صراحة وعدم الإنحياز بس كدة مش أكتر وأمير قال إنو محضر اسئلة بس لسة ما بنش

طبعا يامنسى
دورنا فى الرد دلوقت
يلا ورينا ردك
على سؤال مقالب

maalb كتب:: ايه ده والله عاديه دا انا كنت عايزه اقوم البنات عليك

ماشى خلاص

انا بهدى النفوس

هههههههههههههه
ماشى يا مقالب

يا جماعة لما ييجى دورنا فى السؤال
قولوا اسال يا امير
وانا هسال

maalb كتب:: ماشى انا عيزه اعرف الشباب بتستفيد ايه لما تمشى مع بنت واتنين مش بس كده وكمان لو بيكلموها بيسجلوا المكلمه ويسمعوها لاصحابهم
وكمان عيزه اعرف ايه لزمه السلسله واللبانه والبنطلون المسقوط

انا مكنتش ناوى ادخل ارد دلوقتى بس سورى السؤال استفزنى
اولا حاجه هتكلم على الشاب اللى بيمشى مع بنت واتنين علشان الناس تقول عليه ده بيمشى مع بنات ده يبقى انسان مش محترم
ثانيا نتكلم فى المفيد وهجاوب بسؤال ليه البنت بتسمح لنفسها تمشى مع واحد لابس سلسله ولبانه ؟
ليه ما قولتيش ان بعض البنات بتمشى مع الشباب اللى زى ده علشان يتقال عليها انها ماشيه مع ولد روش طحن
وليه بردو ما قولتيش ان البنت بتمشى مع الولد ده الا اذا كانت عندها ثقه فيه
انا على فكره كنت بقعد مع اكتر من 7 بنات لوحدى وده لثقة البنات فيا ومحمد على يشهد بكده
اما بالنسبه لموضوع تسجيل المكالمه دى قلة ادب من الشخص اللى بيعملها شخص ما عندوش دم وموضوع السلسه سورى يعنى لبعض الشباب انا مش هقول بيتشبهوا بالبنات هنا انا هقول بيتشبهوا بالكلب اللى لابس طوق اما اللبانه اقول عليها No Comment وبالنسبه للبنطلون الساقط ده تشبيه بالشواذ وخاصة شواذ السجون الامريكيه اللى هما اصلا اصحاب الموضه دى
اتمنى محدش يزعل منى لأنى اصلا ما قولتش حاجه بس لو فتحت فى الكلام الناس هتزعل منى

جميل جد ا يامنسى
كلامك هايل والله
يلا ياعم امير
جهز اسئلتك وارفعها يا جميل
واتمنى البنات تشارك

ياعم اسئلة ايه اللى اجهزها وارفعها
هما سؤالين بس

انتو ليه بتدهنوا وشكم ب 5 كيلو دهانات وبويات قبل ما تنزلوا مع انه مفيش احلى من الجمال الطبيعى وانتو حلوين من غير اى حاجة بالعكس الحاجات دى بتخليكم وحشين خاصة مع الحر

ثانيا ازاى بتلبسوا الحجاب وتحتيه تلبسوا البادى والبنطلون الملزق والمحزق والهدوم اللى بتبين اكتر ما بتخبى ؟؟ وزيكم زى اى واحدة تانية مش محجبة

واتمنى الاجابة بقى بكل صراحة ومن غير زعل

بص ياامير يمكن موضوع اللبس زى ماانتوا قولتوا حريه شخصيه
وانا شيفه فعلا مدام هى لبسه كده ملهوش لزمه الحجاب
انا اه بصراحه بلبس بضيهات بس والله حتى لو ضيقه مبكنش ضيقه عليا
والدهان اللى بتقول عليه
البنت لازم تكون جميله ممكن تكون الشمس مسمراها فمينفعش تمشى بليل مش باينه فى الشارع
فممكن تحط ميكياج هادى
انا اه ممكن احط بس فى الاعياد والمناسبات ويكون هادى غير كده لا

ماشى يا مقالب
بس معظم البنات بيحطوا مكياج بالهبل وبطريقة هبلة اوووووووى
ومع الحر بقى والشمس بيبوظ وبيبقى شكلهم افظع من امنا الغولة

وعالعموم شكرا عالاجابة ونتمنى نشوف اجابات من باقى البنات اللى هنا

بص يا أمير بالنسبة للحجاب الأحسن للبنت انها تلبسوا على أصوله ولا بلاش من لبس وأخلاق....... إلخ مش تعالي يا بنت وإتحجبي وصح فيه بنات بيلبسوا حاجات رهيبة ويعملو طرحة ويقولو على نفسهم محجبات د مش حجاب دول كاسيات عاريات وتقدر تقول إن ليهم عقدة نفسية بيفكر انهم لو لبسوا الحجاب محدش هيبصلهم ولا يكلمهم فبيعملوا كدة علشان لفت النظر وبالنسبة للمايك أب بيغير شكل البنت 180 درجة وإلي بيحطو منو بزيادة يبقوا مش وتقين ف نفسوهم ولا ف شكلهم بس زي ما قالت مقالب فيه حاجات لازم تحطها البنت علشان الشمس وكدة ومفيش مانع انها تتزين شوية بس كلو ف وقتوا حلو يعني بالمختصر المفيد إنت عندك حق دي حالات خاصة لازم تعالج واسفين عل موجز هههههه

zaho algeria كتب:: بص يا أمير بالنسبة للحجاب الأحسن للبنت انها تلبسوا على أصوله ولا بلاش من لبس وأخلاق....... إلخ مش تعالي يا بنت وإتحجبي وصح فيه بنات بيلبسوا حاجات رهيبة ويعملو طرحة ويقولو على نفسهم محجبات د مش حجاب دول كاسيات عاريات وتقدر تقول إن ليهم عقدة نفسية بيفكر انهم لو لبسوا الحجاب محدش هيبصلهم ولا يكلمهم فبيعملوا كدة علشان لفت النظر وبالنسبة للمايك أب بيغير شكل البنت 180 درجة وإلي بيحطو منو بزيادة يبقوا مش وتقين ف نفسوهم ولا ف شكلهم بس زي ما قالت مقالب فيه حاجات لازم تحطها البنت علشان الشمس وكدة ومفيش مانع انها تتزين شوية بس كلو ف وقتوا حلو يعني بالمختصر المفيد إنت عندك حق دي حالات خاصة لازم تعالج واسفين عل موجز هههههه

كلامك جميل جدا يا زهرة
بس مقولتناش يعنى
انتى بتعملى كده ولا ايه نظامك ؟؟

بالنسبة للميك أب يا أمير ما بحطش منو خالص غير شوية كحل ف عنيا ههههه علشان تبنلك الصورة أوضح وبالنسبة للبس الحمد لله يعني ما ينفعش بديهات برى بس ف البيت و ف المناسبات بلبس زي ما أنا عايزة وبحط ميك أب كمان على حسب المناسبة يعني زي ما قلتلك كلو ف وقتو حلو بس برا إلي يعرفني وإلي ما يعرفنيش يشفني بمنظر كدة مش حلوة لا ف حقي ولا ف حق إلي معايا علشان مش عيشة الوحدي فيه بابا وماما واخواتي وعندنا لسة ما وصلناش لدرجة إن احنا نقول حرية شخصية بس كلو ف حدود المعقول

اه ماشى يا زهرة
احسن حاجة ان تكون كل حاجة فى وقتها

ردك جميل

اوك يا بنات
كلامكم جمبل جدااا
ولو حابين تحطو سؤال اتفضلو

» التحدى بين الشباب والبنات
» موضوع هام للمناقشة بين الشباب والبنات مستنى ردودكم
» مواجهه مع النفس (( محدش يدخل الا ذا كان قادر على الاجابه ))
» علقة ساخنه لزوجة المطرب مصطفى كامل وصوره من الجريدة
» دلع الاولاد والبنات حسب السن