انواع الاولاد على النت

النوع الاول

الي يدوبك لسه متعلم يدخل نت
بيبقى العمر يتراوح من 22 الى ما فوق ... وتلاقيه اول ما يدخل
هاي
ممكن نتعرف انا فلان ومن الحته الفلانيه
وتحسي ان فيه حنفيه
معلومات اتفتحت
واي حاجة تقوليهاله يقولك يعني ايه
مش فاهم وبعد
كل كلمة يقولك
اصل انا لسه جديد في النت
والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب
حظه

النوع الثانى
الي بيقعد على النت بس مش كتير
النوع ده كل كلامه
انا مشغولياتي كتير ومبحبش النت والكلام ده
وبعد
ما يكلم شوية يقولك
ممكن نكمل كلام في التليفون انا اصلي مبدخلش
النت كتير
ومليش خلق للكتابة والحاجات دي
والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقولك اعمليلي
بلوك

النوع الثالث

الي قاعد على النت ليل نهار
ده بقى شرحه يطول وينقسم لعدة
انواع
1- المقموص
ده بقى قاعد وحاطط ايده على زرار الزعل
اي حاجة تقوليها تبقي
بتقصديه او بتقللي من شانه
وبعد كام مرة كلام ممكن يقولك اديني
نمرة تليفونك
ولما تعتذري هيقولك انا هحترم رغبتك وهيركبلك الوش الخشب
ومن وقت للتاني هتاخدي البلوك ف وشك فنصيحه من اولها كده
اديله بلوك وديليت

2- ابو دم خفيف
ده شلل مركز ومتعرفيش
مين الي خدعه وقاله ان دمه خفيف
وكل كلامه قفشات وضحك
والمفروض انك تكوني مجامله
وتضحكي بس منصحكيش تيجي
على
اعصابك

3- المودي
دي بقة شخصية بتتنوع كل يوم
على حسب المود
وهتحسي انك بتكلمي واحد
عنده انفصام ف الشخصية النهاردة
رزين وعاقل وبكرة لاسع وبعد
يومين رخم

وبعدها كيوت وفريندلي
طبعا الحكايه مش ناقصة جنان كفايه الي
الواحد فيه

4- اللزقه
والنوع ده عايز حزم ف التعامل معاه
لأن كل كلامه انتي فين ؟
بتتاخري في الرد ليه؟
انتي بتكلمي حد ؟؟
ياعم وانت مالك بتتحشر
ليه ......ولو قلتيله ثواني هيقولك ليه رايحة فين؟ متتاخريش ...
ايه ده انتي لسه مجيتيش ؟؟؟

5- الناصح
صباح الصداع
مع كل جمله هتقوليها هتاخدي نصيحة وفيه عرض خاص
قولي
جملتين وخدي اربع نصايح
العرض مستمر حتى نفاد الكمية

انا انصحك انك تخليه يحصل
اخواته
الي فاتوا يعني بلوك وديليت

6- الحبيب
انا فيا جاذبية وكل البنات بتعجب بيا ....... ايام ما كنت فى الكليه
كنت عامل ازمه والبنات بتتخانق عليا......
المصيبة بقى ان اي
جمله
هتقوليها هيفهم ان انتي
معجبه اصله مش بمزاجك هتحبيه يعني
هتحبيه

7- حريقة بنات
ده بقى لو في منتدى او ميل جروب
تلاقيه مركز على كل البنات
ومبيعملش اي حاجة تانية غير كده
الكوميدي بقى لما يتلخبط ويعتقد
ان
الأسم ده انثوي
ويندمج وبعدين يطلع واحد
صاحبه

8- الكداب
من اول الأسم والسن
واي معلومة خدتيها كدب في كدب ومتعرفيش ليه
ده
بقى
انصحيه وخليه يغير اسمه على الماسنجر
ويخليه الكداب

9- العبيط
ده هتلاقيه على طول حاطط صورته
وذنب عليكي تتفرجي ويشيل الصورة
>>دي
يحط التانية وكل شوية يفتح الكاميرا مع نفسه

10- بابا اوبح
ده ممكن يكون على النت من سنة 96
واتخرج واشتغل واتجوز وجاب
عيال
ولسه قاعد يتعرف على بنات وكل ما يكلم واحدة يقنعها انه مش
متجوز
وبيدور على عروسة وصباح السرحان
ولو جربتي كل يوم تدخليله
بايميل
غير التاني هتسمعي قصة حياته
كل يوم مختلفة

النوع الاخير
وده احسن ينفع تكلميه على النت
هو المحترم اللى عارف حدوده ومبيتدخلش
فى اللى مالهوش فيه
وبيبقى دمه خفيف علشان ماتزهقيش منه
وبيحب يعمل اصدقاء كتير على النت
وتلاقيه جد ومابيحبش الكدب
بس بيحب يهزر بس بأدب
وتستريحيلو وانتى بتتكلمى معاه

كده خلصوا

ههههههههههههههههههههه

وانا من النوع الاخير

صح ؟؟

جميل جدا يا دودو

هههههههههههه

انا مش من دول خالص

الامير المصرى كتب:: ههههههههههههههههههههه

وانا من النوع الاخير

صح ؟؟

جميل جدا يا دودو

مش اعرف ياامير كل واحد عارف نفسه

وميرسى على مرورك الجميل ده

المــــــــايسـتـــــــرو كتب:: هههههههههههه

انا مش من دول خالص

اكيد يامحمد انت حاجه منهم

وميرسى على مرورك الجميل ده

رائع يادودو

والله يادودو مش عارف بس أنا كنت بقعد على النت يااااااااااااه كل فين وفين ماقعدتش على النت كنير الا فى السعودية بحكم عملى هنا وحتى الماسنجر بتاعي نادر لما بفتحه كل جلساتي على النت للتصفح والعمل واخيرا بقت معظمه للمنتدى الرائع من يوم ماعرفته

مش عارف تصنيفي يادودو

semary كتب:: رائع يادودو

والله يادودو مش عارف بس أنا كنت بقعد على النت يااااااااااااه كل فين وفين ماقعدتش على النت كنير الا فى السعودية بحكم عملى هنا وحتى الماسنجر بتاعي نادر لما بفتحه كل جلساتي على النت للتصفح والعمل واخيرا بقت معظمه للمنتدى الرائع من يوم ماعرفته

مش عارف تصنيفي يادودو

اكيد الاخير ياسمرى عشان اللى يقول مش عارف يبقى صادق مع نفسه وميرسى على مرورك الجميل ده

موضوع روعة يا دودو
يا شهد المنتدي
تفتكري أنتي تصنيفي أيه
بدون مجاملة

لاء والله ياكريم انا بردوا اخليك النوع الاخير لانك بجد محترم اوى واكيد مش بتعمل زى الانواع الاولنيه وده باين من كلامك وطريق التعامل مع الاخرين

وميرسى على مرورك الجميل ده ياكريم

ربنا يخليكي يا دودو
ده من ذوقك يا عسل
و طالما أنتي شاطرة في تحليل الشخصيات
ما تشتغلي معايا في طبيب نفساني حضرتك
هههههههههههههههههههههههههههههههههههه

هههههههههههههههه وماله انا موفقه بس انا منفعش احلل زيك خالص انا اجى جمبك ايه فى تحليل الشخصيات ياجميل ده لو انا دكتوره نفسيه هترفض من اول يوم

» دلع الاولاد والبنات حسب السن
» معانى اسماء الاولاد " حسب تفسير علم النفس
» كلام للبنات فقط،،،برجاء عدم دشكرا وى الاولاد وعدم المشاركة بالموضوع اذا سمحتوا،،،
» انواع الحب
» انواع الوداع