ياجرح هذا المكان أشوف صكاته..!! ‏( 1 2)

ياجرح..!! هذا المكان..اشوف صكّاته.!

[size=21]ما اكتب الشعر ..!! لجل ارضي قناعاته..!
انا كتبت الشعر لإحساس يغريني..!!

بستحقر المجتمع..!! واربح خساراته..
وابنطوي ذات.. " جداً ماتضاهيني " !!

ياجرح.. خل الهوى .. والحب .. وآهاااته..
.. المشكله اكبر.. اكبر من كذا فيني ..

تدري وش اقصى الطموح .. وسر غاياته ؟!
.. لاصرت احس المكان .. بجد.. يعنيني!!

سؤالي اللي تعبت القى اجاباته ..
... انا ابكي الهم ! ولا الهم يبكيني !!

ضيق البدايه .. مؤشر في نهاياته ..
..... وانا بدايات .. عيت لاتنهيني..

{ الخوف من مقبل الأيام معناته .. }
.. لاصرت انادي .. ولاغيري يناديني ..!

{ الخوف من مقبل الأيام معناته .. }
اجيال !! ماظنتي تفهم عناويني !!

{ الخوف من مقبل الأيام معناته .. }
.. كل شي اشوفه جميل .. يطيح من عيني ..!

لاتنصدم من وجع قلبي ولوعاته ،،،
الحظ ..!! مبطي احسه مايدانيني ..

ودي بنورٍ تريحني .. صباحاته ..!
... ليلي تثاوب ،، كثر ماهو يواسيني ..

ياجرح ..!! هذا المكان .. اشوف صكّاته ..!
... حتى اجهض الوقت ،، حلم ٍ مات بيديني ..

البلبل .. يموت قدامي .. بصيحاته ..!
... وانا على بالي انه جا ،، يغنيني ...

للشاعر / خالد السهلي،،[/size]

» الصلاة حتى في هذا المكان....