مين ظالم ومين مظلوم ؟

اوقات بتبقى حكم فى مشكلة او نقاش وبتلاقى نفسك محتار مين ظالم ومين مظلوم
و اوقات انت نفسك مش بتبقى عارف انت فى الحياة ظالم ولا مظلوم
اوقات بتشوف الناس بتقسى عليك اوى و بتظلمك و مش مقدراك
واوقات تانيه تحس ان انت اللى ظالم وانت اللى متجنى عليهم ومكبر الموضوع وفاهمه غلط

مش كتير بتقدر تقف ادام نفسك و تقول لأ انا ظالم
طبعا مهم انك تعترف بغلطك وبظلمك
بس الاهم انك تعوض الشخص اللى ظلمته حتى لو معترفتش ليه انك ظلمته
بس بينك وبين نفسك مهم ترضى ضميرك لان مفيش ضمير ميت
فى ضمير بارد شوية - او شويتين - او اكتر
لكن والله فى الاخر بيصحى وبيفضل يعذب و يعاتب فى صاحبه

مين ظالم ومين مظلوم

حاكم بلاد ظالم ولا شعب مبيعرفش يقول لأ
مسئول ضعيف ولا موظفين حراميه
ظابط بيدليك على قفاك ولا قفاك اللى اتعود على الضرب
دكتور حمار ولا مريض سلبى و متعود على الحمورية
استاذ جامعه مش بيشرح ولا طلبه مش بيحضروا
اب قاسى و مشغول ولا اولاد مش متربيين و باردين
اب فرى وهاى كلاس ولا ابن صايع و مقضيها
ام بتدلع طول الوقت ولا ابن بيضربها
ام مش صاحبة بنتها ولا بنت مش محترمة
مهندس بلا ضمير ولا مقاول بلا ضمير بلا فلوس
كليبات خارجة و لا مشاهدين عاجبهم الوضع
افلام مستفزة ولا مراهقين بلا رقيب
حرامى بيصرف على عائلة ولا واحد غنى و بيتمنظر
واحد بيخون صاحبه ولا الصاحب المغفل
و أخيــــــــــــــرا

مين ظالم ومين مظلوم ؟

انا معاكى فى كل حاجة قولتيها بس ما عدا الجملة الاخير

واحد بيخون صاحبه ولا الصاحب المغفل

وكلنا ظالمين نفسنا وكل واحد اللى بيحصله اكيد بسبب حاجة غلط فيه هو

ميرسى ياامير على ردك الجميل ده

» ومين يهمه
» انا مظلوم يا اهل الهوى
» قمة الرومانسيه فى اغنية ومين سمعك
» البوم مظلوم لمحمد محى
» حصريا حلقة المفتش كرومبو ومين اللى سرق السنتدوشات