هـــل تــتــزوج فتــاة تكتب بالمنتديات؟؟؟

السلام عليكم ورحمة الله وبركاته
موضوع للنقاش
بصراحة موضوع أذهلني جداً
ما كنت أعرف أن كتابة البنت في المنتديات
حتى لو كانت كتاباتها محترمة ومفيدة
جريمة يعاقب عليها المجتمع
ماراح اطول عليكم
هذه قضية شفتها في أحد المواقع واستغربت كثيراً عندما قراتها
وحبيت اشوف آرائكم في هذه القضية
جاءت إليها أمها ووجها يتهلل فرحا وقالت :
بنيتي لقد جاء فلان وابنه لخطبتك
ألجم الفرح الفتاة أخرس لسانها ونطقت عيناها ببريق السرور والأمل :
الآن سيتحقق حلمي أبني بيتا من السعادة وأربي جيلاً يكون قطعة ً مني
أربيه على ناظري يكون عونا لي في الدنيا وذخرا لي في الآخرة
لم تنم تلك الليلة فهي لاتحتاج النوم بعد أن تحولت أحلام نومها
الى حقائق تداعب يقضتها.........................
وافق ابوها على الخطبة وتمت الرؤيه الشرعية
سُرّ بها العريس وسرت به
وابتدأ الجميع يوزعون رقاع الدعوة ليلة الفرح الموعودة
ذهب العريس إلى عمله أخبر بعض أصحابه بأنه سيتزوج ابنة فلان
بارك له الجميع
وفي اليوم التالي قابلهُ أحد زملائه وقال له :
الله الله أنت إذن ستتزوج الكاتبة الفلانيه
التي تكتب في المنتدى الفلاني نظر العريس إلى زميله متعجباً
عن من تتحدث وماهذا الكلام؟؟؟؟؟؟؟
قال : زميله خطيبتك كاتبه في المنتدى الفلاني بالاسم الفلاني ؟
قال : وما أدراك ومن أعلمك ؟
قال : أختي تعرفها وأسرت لها بذلك ؟
وهي تكتب باسم مستعار (( .............))
أتريد أن ندخل الى المنتدى لنشاهد مواضيع خطيبتك ؟
قال : العريس وهو يتصبب عرقاً ولما لا ؟
فتح الزميل المنتدى استخرج بالبحث جميع مواضيعها
ثم بدأ الاثنان في التصفح
فها هي ترد على فلان وتشكر فلان وتتناقش مع فلان
وتضحك من طرفة فلان
وهذا فلان يمدح ما تكتب ويثني على ماتقدم
وهي ترد عليه بالثناء والشكر
احمرَّ وجه الخطيب وخرج من المكتب
واتصل ببيت خطيبته
وقال لامها :
هل تسمحين لي أن أكلم خطيبتي قالت : امها لامانع
أخذت البنت الهاتف
وقلبها يخفق ويداها ترتجفان تخشى من سماع الكلام المعسول
أو أن لاتملك القدرة على الرد وهو يحدثها عن بيت المستقبل؟
لكنه فاجاءها بسؤال واحد :
هل أنتِ الكاتبة الفلانية في المنتدى الفلاني ؟؟؟؟؟؟؟
قالت : نعم أنا هي
قاطع حديثها وقال آسف أنا لا أتزوج فتاة انتر نت
وسكر السماعة
هل تقبل الزواج من فتاة تكتب بالمنتديات...؟؟؟هل الانترنت حكرا على الرجال فقط دون النساء ؟؟؟؟ارجوا من الجميع المشاركه والاجابه على السؤال حسب رايك الشخصي
ارجو من جميع الاعضاء التفاعل والاجابه بصراحه وابداء ارائهم
((نفس الموضوع موجه للبنات **هل تقبلين الزواج بشاب يكتب بمنتدى فيه بنات.............؟؟؟؟؟؟؟؟؟؟
__________________

ههههههههههههههه
سبحان الله وانا بضحك لان تصرف الراجل ده من المضحكات المبكيات
يعنى مش فى الاول و الاخر بنت حافظة شرفها وسمعتها وسمعة اهلها
وبعدين هى ايه الغلط اللى عملته ؟؟؟ افادت الناس واستفادت اكيد بحاجات كتير
انا عن نفسى معنديش مانع

هوه ايه العيب فى كده مدام زى ما امير قال انها محافظه على نفسها وعلى اهلها

يبقه خلاص مفيش اى مشاكل

دا على اساس يعنى ياامل اللى بتكتب فى منتدا دى بتعمل ايه

مظنش انها بتعمل حاجه واحشه

مع احترامى طبعا ان انتى عيزه ان الموضوع ده اللى يكتب فيه يكونوا الشباب اللى فى المنتدا

بس معلش هى العنوان مستفز شويه فده اللى خلانى ادخل

والله على حسب تربية الفتاه ومعرفتها بأمور الحياة من الصح والخطأ

هل نقارن بين فتاه تكتب مواضع لافادة اخوانها بفتاه تكتب للتعارف بالأخرين من الجنس الاخر او على الدرشة الموجودة بالمنتديات

اعتقد فى فرق فى مثل عندنا بيقول ( اصابعك ليست مثل بعض )

مشكور

هـــل تــتــزوج فتــاة تكتب بالمنتديات؟؟؟ 13kj14088484ki6

هـــل تــتــزوج فتــاة تكتب بالمنتديات؟؟؟ 13kj14088484ki6

فعلا ياامل الموضوع كويس بس الشب اللى عمل كده ده ازاى اصلا يفكر انه يسبها عشان كتبت فى المنتديات وهى مش عملت حاجه غلط بس حرام علينا وحلال عليهم وتقبلى مرورى ياامل

لا يا دودو متجمعيش بقى

ما احنا كلام حلو اهو وقولنا الراجل غلط

وبعدين الراجل ده بيفكر هو انا افديك الساعة لما اتجوز زى البنات اللى فى المنتدى هنا

يالهوووووووى ده انا اموت

لاء ياامير انا قصدى على اللى دماغهم زى صاحبنا ده ودى حاجه حسب البنت اللى بتعمله واللى مش بتعمله وكل واحد بيقول كده بس مش من قلبى ده كلام عشان البنات اللى موجوده بس معلشى يعنى ياامير لان مفيش واحد يرضى يرتبط بواحده بتقعد على النت اصلا

مش فاهم انا يا دودو اخر جملة قولتيها دى انى مفيش واحد بيرضى يرتبط بواحد بتقعد عالنت اصلا

مكن توضحى ؟؟

اه ياامير ده قصدى ده عقلكم مش عارفه ليه مع انكم مش عارفينا كويس بس ياامير اكتر الناس بتقول كده بس دى حاجه تخصكم انتوا

لا يا دودو مش كلنا بنفكر كده

لو كل الناس بتفكر كده بالطريقة دى وتحاسب كل واحد على ماضيه محدش هيتجوز خالص

المفروض اللى فات مات والمهم الحاضر والمستقبل نتعلم من الماضى واخطاءه ولو فى حاجة وحشة فى ماضى الانسان اللى ادامنا لو هو خلاص نسى الماضى والغلطة ماثرتش عليه وعلى سمعته يبقى لازم نتجاوزها طالما انه هيتغير وهيبقى احسن فى المستقبل

لانه احتمال يكون اللى حصل فى الماضى ملوش ايد فيه ا ذنب فيه او كان غصب عنه

ده عالعموم رايى انا ومعرفش الباقيين بيفكروا ازاى

وزى ما فيه رجالة تفكيرهم لسه بدائى وقديم فى الحكم على البنات فى ناس بردو تفكيرههم وحكمهم فى المسائل متطور وفاهم ظروف العصر وبيتفهم الظروف

زيى كده ههههههههههههههههههههه

انا معرفش ياامير ده اسلوبكم وانتوا حورين فيه بس بيتهياقلى البنت لما تقعد على النت مش تبقى اجرمت ولا حاجه

ماشى يا دودو

اصل كل الناس مش زى بعضها ومش كلهم بيفكروا بطريقة واحدة

ورايى انا قولته

وانا بحترم رئيك ياامير وممكن تبقى مش زيهم ومش تكون زعلت من كلامى ياريت

ماشى يا دودو انا مزعلتش ولا حاجة انا بس كنت بوضح وجهة نظر الشباب اللى زيى

اختلاف الراى لا يفسد للود قضية

طب انتى ايه راى البنات تقبلوا تتجوزوا واحد بتاع منتديات وبيكلم فهي بنات ؟؟؟

اولا ياامير عادى لان انا مش هجبره على حاجه بدل البنات دى هتبقى زى اخوته بس لو عكس كده وبيتسلى لاء طبعا مش اقبله

ماشى يا دودو

انا مش بتسلى تقبلينى ؟؟ ههههههههههههههههههههههههه
بهزر

يلا بقى تصبحى على خير
اصلى خلاص هيست عالاخر حتى بقولك تتجوزينى ؟؟؟ هههههههههههههههههه

يلا مع السلامة

هههههههههههههههههه

وانت من اهل الخير ياامير احلام سعيده

ايه المشكله
ما دامت انسانه محترمه
تقدر تحترمنى وتحترم نفسها وتحترك اهلها
وكمان ياريت تكون بتكتب مواضبع محترمه
وهادفه
علشان تكون قدوه لغيرها
وشرف ليه انى ارتبط بيها
وافتخر بيها قدام الكل
اللى بتكتب فى منتديات
لغرض محترم
زيها زى الصحفى
اللى عنده هدف وغايه ورساله
عايز يوصلهم للناس

» الــرومـانـسـية .. هـــل هـي واقــع أو أحــلام ¦•°ღ°•¦
» الكلمات التي تكتب على الملابس ولا نعرف معانيها .....هام جداااااااااااااا
» ما أصعب أن تكتب احاسيسك ,, ويأتي من يسرقها وينسبها لنفسه !