انا والنجوم وهواك مع دودو وامل الحياه

بسم الله الرحمن الرحيم

انهارده عجبنى انا وامل الحياه موضوع وحبينا نعمله هنا فى المنتدى وياريت يعجبكم يارب

انا والنجوم وهواك مع دودو وامل الحياه 364150783

الموضوع هو انا والنجوم وهواك اكيد عارفينه بس المره دى انا وامل الحياه اللى هنقدمه واى حد عنده مشكله يبعتها ليه او لامل الحياه على الرسايل الخاصه واحنا هنحلها بس هنا فى الموضوع بس مش هنذكر اسماء

انا والنجوم وهواك مع دودو وامل الحياه 914585174

وياريت الكل يقول لينا مشكلته واحنا هنحلها باذن الله بس لو مش حكيتوا لينا بجد هنزعل

واول موضوع هنتكلم فيه هوالحب الاول وايه هو تاثريه علينا من حيث البعاد عن حبيبك وعن طريقه التعمال مع الاشخاص اى حاجه بتخص الحب الاول ان شاء الله هنتكلم فيها وياريت اللى عنده مشكله يبعت لينا ويحكلنا واحنا هنحلها له انشاء الله

مع

امل الحياه و دودو

فكره جميله اوى يا دودو

بس كده هتقطعوا على اسامه منير

وهيشحت بعد كده
ههههههههه

والله الموضوع جميل
بس مش هقولكم مشكلتى الا بعد انتهاء الحرب بينا

على فكره ياابونجاح الفكره دى فكرتنا من الاول بس اسامه منير خادها من ورانا ويالله يابو نجاح انت كمان احكلنا انا اى مشكله تقبلك

وانت يامنسى هتكى يعنى هتحكى واه لو مش حكيت هعرف بمعرفتى

جميل جدا
تسلم اديكو
فكره هايله والله

خلاص يا دودو

وانا لو عندى حاجه لازم احكليكم انتوا اول ناس

ومش هلاقى اغلى ولا اعز منكم احكيله

هههههههههه ماشى يابوعلى بس يالله لو عندك مشكله احكلنا يالله احنا عايزين الكل يحكى

ماشى يابونجاح بس احنا عايزين فعل مش كلام لو عندك حاجه بجد احكى

ههههههههههههههههههه

بتفكرنى بواحد صاحبى

حصلله موقف من يومين

عايز يكلم واحده بنت

بس مكسوف

واحنا قاعدين لقينا واحد راح كلمها

بصينا له واتريقنا شويه

بعدها على طةول واحد تانى راح كلمها

واحد صاحبنا صعيدى

قام مرة واحده وقعد يزعقله

طول النهار قارفنا وبيسمع نجوم اف ام

وانا والنجوم وهواك

اهه قاعد دلوقتى بيعد النجوم

ومتعرفيش ايه اللى حصل لكل القاعدين كله فطس من الضحك

ههههههههههههههههههه

انا جاى اقولكم ان الموضوع جميل

والمشكله اللى عندى متعرفوش تحلوها للاسف

اللى هى الدراسه

ههههههههههههههههههههه

بس يلا انا جاى اقول راييى وامشى على طول

واتمنى مكونش طولت عليكم

ههههههههههههه ماشى يابوعلى بس لو عندك مشكله قولنا واحنا نحلها

وانت ياابو نجاح لوعندك مشكله نحلها قول مش يبقى كلام انا عايزه فعل

وانت بقه يامكرم ان صحبك ده يعنى مش عارفه اقولك ايه عليه بس خليه يعد النجوم ولو عنك مش قولنل وانا هنسعدك

الحب الاول وهم اما حقيقه

ما بين الوهم والحقيقة تتراوح المشاعر تجاه الحب الأول. البعض يعتقد أن ذكرى الحب الأول لن تمحوها الأيام ولا السنين. والبعض ينظر إليه على أنه مجرد وهم طفولى، ومشاعر مراهقة طبيعية يمر بها الإنسان. البعض يعيش على الذكرى ويتمنى لو عادت به الأيام، والبعض يحاول أن ينسى تلك الذكريات ويعتبرها ماض انتهى ولن يعود.

غالبا ما تكون فى حياة كل منا قصة حب أولى. البعض ما زال يحمل ذمريات طيبة عنها، والبعض انتهت قصة حبهم نهاية حزينة لا يريدون تذكرها. البعض أحب عن بعد، والبعض انغمس فى الحب وعاش أصدق لحظات من المشاعر البريئة. والبعض يرى أن الحب الأخير هو الوحيد الحب الحقيقى على أساس أن المسائل نسبية.

بجد فكره رائعه اينعم من جديدة على الاعضاء بس جديدة على المنتدي

بكده هتقرب الاعضاء من بعض وكأنهم أسرة واحدة

يارب يكون الكل سعداء

مشكور لكم للمنتدى الجميل

فكره جميله اوووووووووووووى

يا دودو وانتى يا امل

جميل يادودو
بس للاسف مش هتعرفوا تستنفيدوا منى بحاجه
لانى
بالنسبه للحب معنديش مشاكل بس اول مااحب والمشاكل تيجى
هتلاقونى زبونه دايمه عندكوا

بجد يا دودو الفكره جامده
وانا هحكى بس استنوا عليا شويه

لا بجد فكرة حلوة بس مش كل المشاكل ليها حلول فى مشاكل لايمكن حلها

انا مش عاوزة احبطكم حاولوا وربنا معاكوا

ميرسى ليك ياسمرى وياريت لو عندك مششكله قولنا واحنا هنحلهالك

ماشى يامقالب بس لو عندك اى حاجه قوللنا وان شاء الله مش هيبقى يحصلك مشاكل ان شاء الله

ميرسى ياصدام وياريت لو عندك مشكله قولنا واحنا نحلها ياريت يعنى

انت من امبارح يامنسى بتقولى هاحكى هاحكى ومش شفت حتى كلمه

لاء ياساندى احنا هناحاول وربنا معانا ان شاء الله لو عندك اى مشكله قوللنا واحنا هنحلها على قد ما نقدر ياجميل

وانا مش شفت حد بعتلى او بعت لامل حاجه نحلها هى الفكره مش عاجبكم والا ايه

ومع اول مشكله وهى من forgotten))طبعا ده اسمه المستعار مش الحقيقى واى مشكله هتنزل بالاسم ده هتبقى بتاحته

الحكايه انه كان بيحب واحده وهو فى اول سنه تالته كليه وطول السنه دى مش اتقبلوا غير خمس مرات بس فى الاول هى قالت انها فى كليه زراعه بس هو حبها بس فضل كاتم فى نفسه بس فى يوم واحده طلعت اشاعه عليه وقالت انه بيحب واحده بس بيقول انها زى اخته والله مش اكتر فالبنت اللى بيحبها دى كان لها قريب زمايله فى الكليه ففى واحده منهم بتقوله صح الكلام ده قالها لاء بس لو مش سكتوا انا هقول انا بحب مين قالتله انا عارفه انت بتحب مين قالها مين قالتله (ن)قالها عرفتى منين المهم كلمها فى الموبيل وقالها على طول انا بحبك وحبوا بعض بس هى كدبت عليه كانت قالت له انا فى كليه زراعه بس قريبتها قالتله هى كدبت عليك كدبه صغيره هى فى ثانويه عامه قال كويس عما اكون نفسى حتى وبعد كده اكتشف انها مش فى ثانويه عامه طلعت فى دبلوم زراعه بس هو حبها بس بعدت عنه قريبتها راحت قالتله بيتقولك هى مش هتعرف تكمل قالها ليه قالتله اصل مامتها واحده شفتكم وراحت قالتلها واخدت الموبيل منها بس هو بيقول ان مامتها عارفه انهم بيحبوا بعض وكمان اكتشف ان الموبيل لسه معاها وهى بعدت عنه من غير سبب بس هو حبها بجد بس هى شكلها مش حبيته انا عايزكم تشاركنا فى حل المشكله وتقولوا رائيكم بصراحه فى المشكله مين اللى غلطان وهى ليه سبيته وكده يعنى واحنا هنساعدكم باذن الله بس انا عايزاه يشوف رئيكم فى المشكله دى وهتقولوا ليه ايه

انا من رأى انه يبعد عنها ويسيبها
ادام مش بتحبه

هيذنب نفسه ليه معاها

هوه اللى خلقها مخلقش غيرها

ما هو سابها وقال لو حتى هى رجعتله كرمته مش تسمحله انه يرجعلها تانى لانها سبته من غير ماسبب وهو معتش بيكلمها

صح كده يبقه كده هوه راجل بجد

كرامة الواحد فوق كل شئ

ياسلام انت شايف كده بردوا بس الكرامه مش مع الحب يامحمد بس هى غلطانه اه وكل حاجه بس لو هى كانت رحتله واتاسف كان ممكن يسامحها بس هو قال لاء

هقولك حاجه يا دودو

ادام كدبت مره هتكدب مرتين وتلاته وعشره وميه

وبيتهيئلى مش هيثق فيها بعد كده

وصعب تانى يصدقها فى اى حاجه

فعلشان كده لازم يسيبها

او يسامحها ويستحمل اللى هيحصل بعد كده

محمد انا عارفه كل ده وهى غلطانه والمفروض هو مش يرجعلها كفايه انها سبته من غير سبب واحد وهو بيحبها اوى بس هى ولا كانها كانت تعرفه بس انا قولت اى اتنين بيحبوا بعض كرمتهم كرامه واحده بدل بيحبوا بعض لكن لو حد جه على كرامه التانى يبقى مش بيحبه انا قصدى كده انا طول عمرى بسمع ان الشباب هى اللى بتسيب البنات اتغير الحال وبقى البنات اللى بتسيب اليومين دول بس انا عايزه كلكم تدخلوا وتقولوا رائيكم

والله انا رايى مابنى على باطل فهو باطل
البنت دى ابتدت القصه بكدب
يبقى كويس قوى ان الموضوع خلص بدرى

اكيد يامحمد وهو ده اللى هو عمله واكيد هو هيلاقى اللى احسن منها واللى تستهلوا مش تكدب عليه لانه يستحق اكتر من كده

يالا يا جماعه

عايزين مشاركه من الجميع

اسمعوا كلام ابو نجاح اصل وربنا ازعل منكم انتوا مش بتشاركوا ليه والا مش بتبعتوا رسايل ليه عايزه افهم الموضوع مش عاجبكم والا ايه بالظبط

بجد الفكره جامده وموضوع جامد بس المشكله انكم ممكن تلاقوا ناس مش بترضى تقول المشاكل العاطفيه بتاعتهم فياريت اللى مش عاوز يقول اسمه يبعت مشكلته فى رساله لدودو وهى تنزلهاله باسم مستعار ونساعده فى حلها

بيتهيألى ده حل منطقى لكل اللى مش عاوزين يشاركوا

هو شكلهم الموضوع مش عاجبهم وبجد انا كنت اتمنى انى اساعدك وبردوا احنا موجدين لو حد عايز مساعده والا حاجه

لا يا دودو الموضوع جميل والفكرة حلوة

وانا فى مشكلة الاولى رايى زى محمد على وابونجاح هى اصلا بدات بكدب وفى كل حاجة بتكدب يعنى لا بتحبه ولا حاجة

ده بالعكس هى وقريبتها بيتسلوا بيه وعمالين يشتغلوه ومش عارف هو حبها على ايه اصلا

وبالنسبة لحكاية الكرامة فى الحب انا مش معاكى يا دودو الكرامة بتاعت الانسان لازم تكون موجودة فى كل حاجة واولها الحب علشان لو الواحد بان انه ضعيف انه ادام حبيبه وشخصيته ضعيفة اكيد الطرف التانى هيستغل النقطة دى حتى ولو كان من غير قصد
والكرامة والحب جزء ميتجزئش

ده رايى

اكيد انا بحترم رئيك ياامير بس انا قصدى فى الكرامه لو بيحبوا بعض مش هيجوا على كرامه التانى ولو جه على كرامه التانى يبقى مش بيحبه وميرسى ليك ياامير على رئيك

صح يا دودو
تسلم ايدك ياقمر
صدقينى لوفيه حب بجد
مش هيكون فيه مشاكل

معلش يادودو انتى هرفه امتحاناتى
فايدوب بدخل المنتدا اطمن عليكم واشارك بمشاركات بسيطه واطلع على طول متزعليش منى

اكيد يابو على لو بيحبوا بعض بجد مش هيبقى فى مشاكل بينهم مهما حصل ان شاء الله

انا مش زعلانه يامقالب ربنا ينجاحك يارب ويوفقك بس خلينا نشوفك ياجميل وتشاركينا زى الاول

معلهش على التأخير

رأي المتواضع جدا
انا مش معها او عليها
حرام يبقى كلنا نحملها الغلط لوحدها هو كمان غلطان لازم يحاول يفهم موقفها ايه وليه عملت كده يمكن فعلا فى أسباب صعبة جدا جعلتها ويمكن فى مفهوم خطأ وصله من طرف ثالث أو وصلها هى اخبار عنه هل هو تأكد من صحة المعلومة التى قيلت له هل سألها قبل اتهامها
لا يوجد بشر يخلو من الاخطاء كل بني ادم خطأ وخير الخطائون التوابين وربنا سبحانه وتعالى بيعفو ويغفر لنا وما بال اهل البشر

لو بتحبه بجد هترجعله تاني لو مافيش فايده يحاول تركت الموضوع وينتبه لمستقبله أما مسألة الكرامة الكرامة موجودة فى كل شئ لكلا من الذكر والانثى

يحاول اسمع منها كويس ويحكم بعقله وقبله وقتها وهو اكيد عارف هي بتحبه بجد ولا لا

قد يكون رأي خطأ بس دي وجهة نظري المتواضعة

انا والنجوم وهواك مع دودو وامل الحياه 14sn34088515ya6

انا والنجوم وهواك مع دودو وامل الحياه 14sn34088515ya6

ميرسى ياسمرى على رئيك الجميل ده

بس هى بعدت عنه وكانت بتكلمه فى التلفون مش عادت تكلمه وحاول يكلمها مش فى فايده وكمان هى كانت اتصلت بيه فى مره بس عشان تقوله ادينى قريبتى اصل تلفونها اللى ضاع واحد واقف مستنيها عند البوابه عشان يدهولك من غير ما تقوله ازيك ولا كان كان فى حاجه بيهم وهو قال كرمتى مش تسمحلى ارجعلها لان لو بتحبنى مش كانت بعدت عنى

وميرسى تانى ياسمرى على ردك الجميل ده

بجد آرائكم كلها جامده بس اكيد هو ادرى باللى حصل وهى لو كانت بتحبه بجد كانت حاولت تكلمه هى بنفسها علشان تقوله وكمان هو غلطان انه كمل مع انسانه كذابه كان لازم من اول كذبه يبعد حتى لو كان بيموت فيها اما بالنسبه لموضوع الكرامه فده امر مفروغ منه كرامة الانسان فوق اى شئ سواء كان ولد او بنت

كلامك صح يامنسى بس بردوا الكرامه دى معكوا حق فيها بس انا قولت محدش يجى على كرامه التانى

ماهو لو حد جه على كرامة التانى يبقى مش بيحبوا بعض اصلا انما انا متأكد ان الشخص ده كان محافظ على كرامتها لأنه كمل معاها حتى لما عرف انها بتكذب

ايون هو ده قصدى يامنسى لو حد جه على كرامه التانى يبقى مش بيحبه وفعلا هو مش جه على كرامتها بس هى اللى بعدت وهو هيلاقى احسن منها وتحفظ كرمته

الحب والخوف لايجتمعان
ايه رايكم فى المقوله دى

لأ طبعا مستحيل الحب والخوف يجتمعوا مع بعض
بس لازم يجتمع الحب والحرص مع بعض

صعب اوى يا محمد

الاتنين يجتمعوا مع بعض

منين هيبقه فيه حب

ومنين هيبقه فيه خوف

الحب ده اساس الامان

انا مش عارفه اقولك ايه ياابو على بس بيتهيقلى اللى يحب يخاف هو ده رئيى انا

من وجهة نظري لامانع من تواجد الخوف مع الحب

اكيد فى خوف على الحبيب والمحبوب على الاسره مثلا......واعتقد أنه من أسباب المتعة بالحب

وجهة نظر

انا والنجوم وهواك مع دودو وامل الحياه 38wf83984609yi5

انا والنجوم وهواك مع دودو وامل الحياه 38wf83984609yi5

طيب بمناسبة ردكم ده
اللى بشكركم عليه طبعا
انا عندى سؤالين
واحد للبنات
والتانى للشباب

الاول اللى للبنات
انتى مستعده انك تمشى مع الانسان اللى بتحبيه
قدام الكل وقدام الناس ومن وراهم عادى يعنى
علشان تثبت ان الحب والخوف لايجتمعان

وسؤالى للولاد
انت مستعد تستحمل اى حاجه مهما كانت
فى سبيل حبيبتك حتى لو الحاجات دى هتجرحك
لدرجة انك هتعيش فى مشاكل وحاجات تانيه كتير

لو سمحتو ياجماعه
انا عايز الرد بكل صراحه
..........

طالما بحبها بجد يبقى انا مستعد اعمل حاجه طالما الحاجه دى هتسعدها ومش مهم انا
ومش هقولك ده كلام فى الهوا لأ دى حصلت معايا بجد

بص انا بالنسبة لى اه وكان هيحصل معايا وكان فى حاجات هتسببلى مشاكل كتير بسببها لكن كنت هواجهها واكون جنبها على طول علشان بحبها وجيت على نفسى كتير
بس فى الاخر هى اللى فضلت نبعد عن بعض بسبب المشاكل دى رغم انى حاولت اقنعها انى هقدر احلها
فاه مستعد اعمل اى حاجة علشانها حتى لو هاجى على نفسى لانى بحبها بجد

» كل سنه وانتى طيبه يا دودو
» بمناسبة خطوبة العضوة الغاليه دودو تعالوا معي نهنيها
» الى من رسم الحب على صفحات الحياه
» محكمة الحياه
» رسائل من وسط الحياه