لو عايزه تطفشى خطيبك تعالى

ازاي تطفشي خطيبك

زهقتي منه؟

حاسه انك مش قادره تبصي في وشه؟

هنوريكي ازاي تطفشي خطيبك,خدي عندك ياستي:

وشك:

كل ماتعرفي انه جايلك او عازمك على خروجه اقلبي نفسك قرده,

زي مابتلعبي بالمكياج وتخلي نفسك قمر,

اعملي العكس وخليه يبص في وشك, يعني يبصلك يلاقي بلياتشو

هدومك:

مافيش اي مانع انك تستلفي شويه هدوم من الشغاله وتقطعي فيهم,

ده طبعا مع البقع, يعني بقع بطيخ شغال,بقع طين مايضرش,

بقع زفت مافيش مانع,

بإختصار خليه يتكسف يجيب سيرتك قدام الناس

ولو قابلك في اي مكان ممكن يطلع من جيبه ربع جنيه ويزكي عن صحته
الريحه:

اوعي تخليه يشم منك اي ريحه حلوه, ونوعي له في الروايح الفظيعه,

اشي بصل واشي توم وعليهم شويه بنزين

واياك تنسي الجاز في شعرك كاصحابك:

مهم جدا تفهميه ان معظم اصحابك اولاد,

وهم اللي بتخرجي معاهم, ومابعرفيش تنقي هدومك غير وهم معاكي,

ولازم تأكدي عليه انك مش ممكن تستغني عنهم ابدا

وقيعه:

ضروري تعملي وقيعه بينه وبين اهلك ,

يعني تقوليله مثلا, والله انا مكنتش عايزه اقولك علشان مازعلكش

بس اعمل ايه في ضميري مش قادره اخدعك,

ماما مش طايقاك وبتقول عليك طفس ودمك تقيل
مبدأ:

اتمسكي بمبدأ من فات قديمه تاه, استعملي حيل سعاد حسني,

الملح الانجليزي او اي دواء ملين واهريه عصير وكيك بالملينات

ولو اتكلم قوليله .. انت مش عاجبك طبيخي ؟

وحزنيه على نفسه اكتر وفكريه انه هيفضل طول عمره ياكل من الاكل ده
استعباط:

كل مايقولك تعالى نخرج استعبطي وقوليله اسفه تعبانه مش قادره,

وبعدين اوعى تطاوعيه في كلمه يعني يقولك ثور قولي احلبوه,

يقولك الجو حر تقوليله يااه الجو ساقعه اوي,

يقولك عايز اكل تقوليله صايمه النهارده

ملحوظه

لو النصايح اللي فاتت ماعملتش اي حاجه

يبأه خطيبك ده لزقه واحسنلك تفجري نفسك او تتجوزيه..

مش هتفرق واهو كله موت

هههههههههههههه
ده كده هيموت يا شوشو
مش هطفشه بس
والله كلام جميل اوى تسلم ايدك

بس بجد كده على راى نانسى هيموت

ميرسي خالص يامايسترو انت ونانسي

نورتو التوووووووبيك بجد

واسعدني مروركم

» ادى للعضو اللى انت عايزه علقه سخنه ...........
» تعالى شوف خيانة الكلبه
» ارمى العضو اللى انت عايزه من الدور الخامس
» ازاى تخلى جوزك او خطيبك او حبيبك ميشوفش غيرك قدامه؟؟؟؟؟
» تعالى شوف هما مين و إحنا مين ...؟؟!!!!!