ممكن...تشاركنى الرأى

سؤالى بسيط كالعادة

عاوزة اعرف رايكم فى حاجة مهمة لاحظتها كتييييييييير اووووووووى ومش فاهمة تفسير لها ولا عندى لها أسباب ونفسى حد يقنعنى او يفهمنى ...........لية؟؟؟
لية دايما فى الارتباط الدكتور يختار دكتورة
والمهندس يختار مهندسة
والصيدلى يختار صيدلانية..... وهكذا
وكذلك الدكتورة مترضاش بأقل من دكتور او مهندس.....وهكذا
سؤالى
هل مقياس الحب والزواج اصبح بالشهادات ولا اية؟
طب مااحنا وفى مصر بالذات عارفين ان الشهادة مبقاش ليها اى لازمة فى حياتنا اشمعنا فى الزواج بقى؟
ياريت البنات والشباب يشاركونى بارائهم وافهم وجهة نظرهم
هل تختاراو تختارى شريك او شريكة حياتك على اعتبار شهادتة ام على اساس اخلاقة/اخلاقها او دينة/دينها
كيف تنظرون للأمر وتتقبلونة

طبعا هى حاجه محيره بس البلد هنا ماشيه بنفس لطريقه لو الدكتور بيحب واحده خريجة اداب مثلا يقول لأ انا عاوز واحده من مستوايا حتى لو مش بيحبها الموضوع كله بيتلخص فى حاجه واحده انا ايه ولازم اللى اجيبها تكون ايه

كلامك صحيح يامنسى ومرورك اجمل واطيب

بس لو كنت دكتور او مهندس هتفكر بنفس الطريقة ولا هيكون لك رد فعل تانى؟

والله ياساندى انا عن نفسى
اللى بتمناه تكون انسانه كويسه
وبنت ناس محترمين
وانسانه كويسه تشمل الادب والاخلاق والدين طبعا
الى جانب انها تكون مقبوله شكلا وموضوعا
غير كده
انا مايفرقش معايا
والله حتى لو كنت وزير

بس انا عندى سؤال تانى
وكنت سالتهولك من فتره
ممكن بعض الناس تقول لو بحبو مايفرقش معايا هو ايه
اما لو مش بحبو ايه يغصبنى انى اتحمل ظروفو واتجوزو وهو مش فى مستوايا العلمى

كلام جميل ياابو على وشكرا على تعليقك

والمهم فعلا انها تكون انسانة كويسة ومحترمة دة اهم من شهادتها
اما سؤالك فأنا من رايى انى ممكن اتحمل ظروفة المادية لو كانت صعبة دة لو بحبة اما شهادتة فلا تعنى شيئا
وقولتلك انى مش هتحمل ظروف مادية سيئة مع واحد مش بحبة لكن موضوع شهادتة برضة مش هيفرق معايا

لأ انا عمرى ما بفكر فى كده انا بفكر فى انى عاوز واحده تبقى ام لأولادى مش يهمنى بقا دكتوره مهندسه معاها دبلوم مش متعمله المهم انها تقدر تربى الاولاد تربيه صح وتكون ام كويسه

اسمحيلى يا قمر اضيف راى

بعض الدكاترة والمهندسيين بيقولوا انا اتجوز واحدة نفس مجال عملى او زميلة ليا علشان تبقا فاهمة طبيعة عملى وتساعدنى عليه
وكمان علشان المظهر العام قدام الناس انه ياخد واحدة من نفس المستوى
سواء كان بيحبها او لا انما هو بيدور على عقلها مش قلبها لانها تقريبا بتكون نفس قدرة عقليته وشخصيته وممكن تتوافق معاه بالعقل ويهملوا قلبهم
وانا بصراحة مش بحب النوع ده

اما رايى الشخصى : هو ان مادام الانسان كويس ويقدر يتحمل المسؤلية
واهله ناس كويسيين وهيراعى ربنا فيا ويحبنى
يبقا مش مهم الشهادة .... لان ياما ناس معاهم شهادات وشخصيتهم لا تساوى حتى
عقلية طفل فى سنة اولى ابتدائى

الاهم من اى شئ هو شخصية الانسان وثقته بالله ثم ثقته بنفسه

وده مجرد راى مع احترامى لاراء الجميع
واتمنى تتقبلى مرورى

طبعا مرورك مقبول انتى تنورى بمشاركتك فى اى موضوع يابوكى وانا ليا الشرف لتعليقك على موضوعى

وشكرا جدا لتعليقك الممتاز وتفكيرك الرائع لان الشخصية اهم من الشهادات فعلا

» استطلاع الرأى
» ممكن تحب شخص لم تشاهده؟؟
» بجد ممكن امشى
» حبيبي ممكن طلب؟؟
» ممكن ااقولك