ظل حيطـة ولا ظل راجـل

ظل حيطـة ولا ظل راجـل

في مثل بيقول ظل راجل ولا ظل حيطة وبعد التحقيقات تبين ان المثل دا غلط وانا جبت التحقيقات بنفسي واتفضلوا اقرأوها

وقفت الست بهية على كوم عالى فى الجرن

وبدأت تخطب وسط الحريم المرصوصين على المصاطب :

قال بيقولوا ظل راجل ولا ظل حيطة ... ياختى بلا وكسة !

بذمتك عمرك سمعتى عن حيطة تقعد تشخر طول الليل وماتخلكيش تعرفى تنامى ؟

والا حيطة تدخل من باب البيت تجعر عايزة الغدا
وبعدين تطين عيشتك علشان الملح طلع زيادة فى البامية !

طيب شفتى حيطة تملا لك سقف البيت دخان ، وأرضيته سبارس !

والا حيطة تقعد تتنك عليكى وتقولك انتى رايحة فين وجاية منين !

والا حيطة تصحيكى فى نص الليل علشان معرفش إيه طلع فى دماغها !

والا حيطة تدوخك وراها علشان تشوفى هيه بتكلم مين فى التليفون بعد نص الليل !

طيب دى الحيطة معروف مكانها دايماً ، إنما المحروس يدوخك وراه علشان تعرفى
هو سهران فى أنهى داهية ... قال إيه ، عنده شغل ! ياسم !

بذمتك فيه حيطة تحاول تطلعك غلطانة فى كل كلمة تقوليها
علشان تثبت للعيال إن الحيطة بتفهم أحسن منك .

والا حيطة تلوى بوزها وتقعد بالفانلة لما أمك تيجى تزورك
وتحبك معاها تحكى نكت عن الحموات !

والا حيطة تقعد تقولك ماتخرجيش بالفستان ده أحسن محزق عليكى
ولما تقولى لها هاتى فلوس علشان تشترى فستان غيره
تعمل ودن من طين وودن من عجين ، طيب دى حتى الحيطان لها ودان .

ياشيخة بلا قرف ... بلا نيلة ... الحيطة أجدع ، على الأقل مش حتتحبسى
لو فاض بيكى ونفذتى حلم كل الستات ... ودقيتى فى الحيطة مسمار !!!!!

الله يحرقك يابهيه انتى وسعديه وكل الى الستات الى كانوا قاعدين

هاهاهاهاها

بس تعرفوا انا مع الست بهية تسلملنا دماغك يا بهية

ههههههههههههههههههههههههههههههههههههههههه

يا بت أنتي مع الست بهية أيه
أنا أساساً ما أصدقش بهية تقول كدة
أنا أعرف بهية كويس آصلها متصيتة زي أبو الهول
علي حسي
عمرها ما تقول كدة
و لا آي واحدة عاقلة تقول كدة
يا عالم حيطة أيه دي اللي هتنفع بهية
بهية بأه علي كدة هتخلف كرانيش للسقف
و لا الحيطة هتحسس بهية بأنوثتها و أمومتها
تكونش الحيطة راجل و أنا معرفش
و لا تكونش دي بهية غير اللي أعرفها
و لا تكونش سوزي لسعت من كتر أعمال السحر
اللس سحرتنا بيهم و بوجدها من ساعة ما جت
و الله ما عارف أقول أيه
بس اللي تطبق المثل ده
ياريت كل يوم تجيب للحيطة اللي هو جوزها
قالبين طوب و تزود الآسمنت و المعجون عشان يغذوه

روحي يا سوزي و تعالي علي مهلك
ده الجديد
القديم تعالي بسرعة

بس ده الحصري بتحية من مواطن مصري
ل سفيرة المغرب العربي الشقيق
القمر سوزي
بس أنسي المثل ده و حياة الحاجة أم كوثر
قال حيطة قال

هههههههههههههههههههههههههههههههههههههههههههههه
يخرب عقلك يا سوزى
توبيك تحفه يا بت
وانا طبعا مع الست بهيه

بذمتك ياست بهية مش انت برده بشخري زي الحيطه اللى قصده عليها
وبعدين مش الحيطه دى بيطلع عينها وممكن تتغرب علشان حضرتك تعيشي مبسوطه
مش الحيطه دى عندها استعداد تعمل اي حاجه علشان تكوني سعيدة
مش ممكن بهية دى تطلع فى الاخر مش تقرب للانوثة بشئ
وليه تشوفي عيوب الحيطه وتنسي مميزاتها وتشوفي مميزاتك وتنسي عيوبك كانثى

ههههههههههههههه
مرسي اوي يا كريم و يا بسمة و يا سمري
عل لمرور الجميل و الرد الاجمل
وطبعا احنا بنهزر
دي الولية بهية دي طلعت فاضية
ياختى بلا وكسة
قال ظل حيطـة ولا ظل راجـل قال
ههههههههههههههه

ههههههههه موضوع جمييييييل

بس مش هتستغنى عن الحيطة يابهية