توضيح مهم جدا....

بسم الله الرحمن الرحيم

السلام عليكم ورحمة الله وبركاته

انا كنت عايز اوضحلكم حاجتين مهمين بالنسبة للقسم ده

اولا
القسم ده مفتوح لكل الاعضاء مش معنى ان الفكرة فكرتى وانى طلبت من محمد نجاح انه يعمل القسم ده
يبقى هو بتاعى وانا اللى بكتب فيه لوحدى
او انها فكرة وموضوع خاص بيا محدش يعمل فيه حاجة غيرى
لا طبعا مش كده و انا بقول الكلام ده عشان لحد دلوقتى مشوفتش اى حد كتب موضوع هنا او جاب مقال او اى حاجة
ولا حتى فكر يعملها على ما اظن
فقولت يمكن فاكرين ان القسم ده بتاعى لوحدى وانا هشتغل فيه لوحدى
انا قولت الفكرة دى للمايستروا عشان يقدمها للمنتدى كله مش عشانى او عشان اى حاجة ليا
انا طلبت منه يعمل القسم ده عشان كل عضو ليه كاتب معين بيقراله وكده يجيبلنا مقالاته ويمتعنا بيها ونتناقش فى كلامه
ولا انتو اصلا شكلكم مش بتقروا صحف خالص



ثانيا والاهم
انا بقدم المقالات دى عشان نناقشها ونتكلم عن اللى كاتب بيقوله فيها ونقول راينا فيه
مش عشان كلمة شكر لانى شايف انى مستحقهاش لان ده واجبى ناحية المنتدى ومستحقش انى اخد شكر على واجب بعمله لانى اصلا دى حاجات مش من عندى ومتعبتش غير فى انى نقلتهالكم هنا
فازاى تشكرونى على حاجة معلمتهاش انا عارف انه بيكون عشان تشجعونى وكده وانا بشكركم على كده
بس لو عايزين تشكرونى بجد تناقشوا معايا المقالات اللى بجيبها والمواضيع اللى بتتطرح فيها
انا عندى رد واحد يناقش اللى المقال بيتكلم عنه احسن من 10 ردود تانيين كل اللى فيها كلمة شكر وبس !!
عشان احس ان تعبى وانا بكتبها رغم انها كبيرة وبقعد نص ساعة عشان اكتبها كان ليه فايدة
وان اللى عملته يستحق التعب ده

يارب تكون رسالتى وفكرتى وصلت للجميع


والسلام خير الختام
سلامو عليكو