كرسى الاعتراف الحلقه 13(امير على كرسى الاعتراف)

اولا اهلا بيك يا امير على الكرسى
واكيد منوره

وانا هسئلك شوية اسئله كده جمال اوى

البطاقه الشخصيه

انتا بتحب ولالا

اتجرحت قبل كده ولا لا

امنيتك فى الحياه

حاسس بايه وانتا على الكرسى

بس كده واكيد راجعلك تانى

ماشى يا عم الكرسى لسه منور بنورك

بس على فكرة خده معايا وانا ماشى

البطاقة الشخصية
الاسم : محمد وخد عندك باقى الاسماء ( حمادة , تريكة , ابوصلاح )
مزور كبير فى الاوراق الرسمية
السن : كل يوم بيزيد يوم
الدراسة : كلية تجارة جامعة عين شمس
المحافظة : القاهرة
وفى ظهر البطاقة هتلاقى
طالب
ذكر مسلم اعزب

بتحب ولا لا
كنت ومحصلش نصيب نستمر مع بعض

انجرحت قبل كده ولا لا
اه من واحد كده
مش من واحدة

امنيتك فى الحياة
كان نفسى اكون لاعب كورة كبييييير بس للاسف الواحد خلاص كبر وملقاش فرصة
ودلوقتى نفسى اخلص دراسة والاقى اللى احبها وتحبنى واكون نفسى واعيش معاها طول عمرى

حاسس بايه وانت عالكرسى
خايف منكم بصراحة وعايز اسئلة حلوة كده
بس الكرسى مريح على فكرة ومش بيوجع الظهر

بس كده واكيد راجعلك تانى
ماشى بس ابقى قولى امتى علشان ابقى اعمل حسابى واقوم بالواجب

هههههههههههههههه

جميل جدا يا امير

وانتظر اسئلتى

ماشى يا عم مش عارف انا ايه اللى بيضحكك كده

ادينى مستنى

بس خليك فاكر انى قولتلك من اولها انى هاخد الكرسى معايا

هههههههههههههههه منور الكرسى والله ياامير بس انا مش هسالك انهارده بكره بقه

خده معاك وانا ابلغ عنك

هههههههههه

ماشى يادودو انتى تنورى فى اى وقت

ادينى قاعد اهو هروح فين يعنى

وصدقنى يامايسترو الكرسى ده مش هتشوفه تانى اول ما اقوم من عليه

خلاص خده يا امير ميغلاش عليك والله

بس تدفع حقه الاول
ههههههههه

بجد منور بيك انت يا حماده
زبجد اجابات نموذجيه
وانتظر مني المزيد

ماشى يا مايسترو نبقى نتفق عالسعر لما اخلص الاسئلة

وشكرا ليك يا عبدو ولو مصمم ان الكرسى منور بيا انا خلاص مفيش مشاكل مش هزعلك

الكرسى منور بيا

وتصبحوا على خير بقى

ومستنى الاسءلة منكم ومن باقى الاعضاء بكرة ان شاء الله

يلا سلام وسى يو تومورو

بصوا يا جماعة محدش يكتب اسئلة الا لما اجاوب على اسئلة العضو اللى قبله علشان متلخبطش

يعنى لو دخلت لقيت عضو كاتب اسئلة وانت عايز تسئل استنى لما جاوب على اسئلته وبعد كده اكتب اسئلتك

بالدور ياحبيبى انت وهو مش كوسة هى

وانا ان شاء الله هجاوب على الاسئلة على طول مش هتاخر

اوكشن ؟؟

عيزين نظام وترتيب انا اللى قاعد عالكرسى دلوقتى

مرحبا

كيفك خيا
ان شاء الله بخير

راح اسالك اكم سؤال بتمنى اني ما دايقك

ما هو أكثر يوم تحبه في الأسبوع؟

2- ما هو رقمك المفضل بين 1 الى 10 ؟

4- ما هو اللون الذي تفضله ؟

5- ما هي أجمل مرحلة في حياتك ؟

6- ما هو البلد الذي تحب أن تعيش فيه؟

7- ما أكثر ما تحبه في الإنترنت ؟

10- هل تمارس الرياضة ؟

11- كنت في برنامج من سيربح المليون وتريد أن تتصل بصديق
من تختار من الاعضاء؟؟

12- غرق المنتدى ومعك قارب لا يحمل الا ثلاثه من تأخذ معك ؟

13- من هو كاتم أسرارك ؟

14- كم عمرك؟

15- ما هو أكثر شيء يثير خوفك ؟

16- هل قمت بإجراء عمليات تجميل من قبل ؟

17- هل ترتدي نظارة طبية؟

18- ما هو أكثر شيء يثير ضيقك؟

19- كم وزنك؟<*****<***** بفضحك

20- كم طولك؟

21-حط سؤال هنا وجاوب على نفسك؟

22-هل أنت موظف؟ وإذا الإجابة نعم ما هي وظيفتك؟

23- هل أنت جذاب ؟؟؟؟

24-انت صريح و لا لا ؟؟ مع ذكر السبب ..

25- كلمه اخيره تهديها لي ؟؟\

26- كلمه اخيره تهديها للأعضاء الي راح يقراو ردك؟؟؟

27 ما هي اكلتك المفضلة ؟؟

28_ ثلاث عيوب فيك ؟؟

29 _ كنت شاطر بالمدرسه بصراحه ؟؟
اذا مكنتش شاطر تخافش بحكيش لحد

30 _ بتحب الحياة ؟؟

31 _ بتصلى ؟؟؟

32_ لقيت فانوس سحري قالك اطلب تلات امنيات ما هي ؟؟

33_ مين عرفك على المنتدى؟؟

34- غمض عيونك 5 ثواني قل لي ماذا تخيلت ؟؟

متاسفه اني طولت عليك باسلتي
بتمنى اتجاوبني بصراحه

سلااااااااااااااااام خيووووووووووووووو

مرحبا
يالف اهلا وسهلا منورة

كيفك خيا
الحمد لله بخير

راح اسالك كام سؤال اتمنى انى ما اديقك
اتفضلى اسالى اى حاجة ده من دواعى سرورى

1. اكتر يوم بحبه فى الاسبوع
الخميس

2. رقمى المفضل من 1 ل 10
7

3.اللون الذى افضله
الازرق والاسود والغوامق عموما

4.احلى مرحلة فى حياتى
مرحلة الدراسة فى الابتدائى والاعدادى

5.البلد الذى احب ان اعيش فيه
انا مبسوط فى بلدى مصر وبحبها جدا بس نفسى تتغير للافضل
ولو بلد تانى احب اعيش فى فرنسا

6.اكتر ما تحبه فى الانترنت
انه بيوصلنى باصحابى فى اى وقت واقصد هنا اصحابى اللى اعرفهم من برة النت
وبردو بتعرف على ناس جديدة
وطبعا منتدى احلى حياة

7.هل تمارس الرياضة
اينعم انا بمارس كرة القدم

8.فى برنامج من سيربح المليون اتصل بواحد من الاعضاء
هختار ابونجاح او المايسترو او محمد على

9.غرق المنتدى والقارب لايحمل الا ثلاثة
مش هاخد معايا حد هفضل معاهم يا اما كلنا سوا نعيش او كلنا نموت سوا
ولو حد منهم حب ياخد القارب ينقذ نفسه هو حر

10 .كاتم اسرارى
هو واحد صاحبى اعرفه من اولى ابتدائى وبحبه جدااااااااااااااا وهو صاحبى الانتيم
وكل واحد فينا كاتم اسرار التانى

11.كم عمرك
هو موجود ادامكم وكل يوم بيزيد يوم

12.اكثر شىء يثير خوفى
ان يكون حد زعلان منى والاسوا يكون بسبب سوء تفاهم حصل بينا
او يكون بسبب تصرف منى هو يفهمه غلط
وطبعا النتيجة اخر كل سنة
وكل ده طبعا بعد خوفى من عدم رضا الله سبحانه وتعالى عنى

13.هل قمت باجراء عمليات تجميل من قبل
لا الحمد لله

14.هل ترتدى نظارة طبية
لا بردو بس بفكر اعمل نظارة لانى بستعمل الكمبيوتر كتير
والوقاية خير من العلاج

15.اكثر شىء يثير ضيقى
الغرور والمنظرة والتصرف بتعالى مع الناس وبصراحة كده بكره الناس اللى بيتصرفوا بالطريقة دى

16.مش عارف والله بس انا رفيع وجسمى رياضى وعادى خالص الحمد لله
يعنى فى اواخر الستين او اول السبعين كيلو كده

17.كم طولك
مش عارف بردو والله بس بردو هو مناسب لسنى الحمد لله

18.حط سؤال وجاوب على نفسك
انت بتعمل ايه دلوقتى ؟؟
بجاوب على اسئلة امل الحياة فى كرسى الاعتراف

19.هل انت موظف ؟ واذا كانت الاجابة نعم ما هى وظيفتك ؟
لا انا طالب جامعى لسه
فى كلية تجارة جامعة عين شمس الفرقة التانية

20.هل انت جذاب ؟
الله اعلم كل واحد وليه رايه دى حاجة اسيبها للناس يحكموا فيها

21.هل انت صريح ولالا ؟ مع ذكر السبب
اه الحمد لله صريح جدا
لانى والحمد لله مش بعرف اكدب خالص وبكره الكدب جدا

22.كلمة اخيرة تهديها لى
عايز اقولك بجد والله بحب مواضيعك جدا لانى مفيدة وبتخلى الناس تدخل تشارك برايها فى حاجات تهمها وبحب وجودك فى المنتدى لان بجد على قلة مشاركاتك عضوة مميزة بمواضيعك

23.كلمة اخيرة تهديها للاعضاء اللى راح يقروا ردك
احب اقولهم انا بحبكم جدا جدا وكل اجاباتى على الاسئلة اللى فاتت بكل صراحة والله
ومستنى اسئلتكم انتو كمان
ومش هتلاقو منى غير الصراحة ولا شىء غير الصراحة

24.ماهى اكلتك المفضلة
محشى كرنب خاصة من ايد الحاجة ام محمد جدتى

25.ثلاث عيوب فيك
1_عصبى شوية
2_مستعجل شوية يعنى مش بحب استنى حاجة بحب كل حاجة تحصل بسرعة
3_ساعات بتسرع فى الحكم على الناس ولما باخد عن واحد فكرة معينة صعب صورته فى دماغة تتغير حتى لو بقى احسن

26.كنت شاطر فى المدرسة بصراحة ؟؟
اه الحمد لله وبركز على كلمة كنت دى لانى كنت شاطر وانا صغير ولما كبرت ربنا اللى عالم بقى
متخفش بحكيش لحد
انا واثق فيكى عارف انك هتكتمى السر

27.بتحب الحياة ؟؟
اه الحمد لله لولا انى بحب لحياة كنت انتحرت بسبب كل المشاكل والظروف الصعبة اللى مريت بيها او على الاقل كنت بقيت انعزالى وعايش لوحدى ومعرفش حد خالص

28.بتصلى ؟؟
اه بصلى كل فرض الحمد لله وربنا شاهد عليا

29.طلعلك فانوس سحرى وقالك تطلب تلات امنيات ماهى
1_ احقق امنيتى غى انى اكون لاعب كورة كبييييييييييييير
2_يكون معايا فلوس كتير علشان اساعد بيها الناس
3_يغير مصر ويخليها احلى بلد فى الدنيا

30.مين عرفك عالمنتدى
محدش انا كنت فى موقع يلاكورة لقيت اعلان عنه دخلت اشوفه عجبنى واشتركت فيه

31.غمش عيونك 5 ثوانى قل لى ماذا تخيلت
ولا حاجة كنت بعد الخمس ثوانى علشان افتح عينى

اسفة انى طولت عليك باسئلتى
لالالالالا خدى راحتك خالص ولو عايزة تسالى تانى هتلاقينى عالكرسى مش هروح اى حتة

اتمنى تجاوبنى بصراحة
كل اجاباتى والله كانت بصراحة لانى مش بعرف اكدب والله

سلاااااااااااااااااام خيووووووووووووووووو
مع الف سلام وخدى بالك من نفسك
ولو فى اى اسئلة تانى انا موجود

يلا يا جماعة اللى عايز يسئل بعد امل الحياة يتفضل

جميل جدا يا امير

وانا هسئلك اسئله بسيطه جدا
واتمنى منك كل الصراحه

يلا نبدا مع بعض

1-تاريخ ميلادك
2-مواليد محافظة ؟

3-محل الاقامة ؟
4-ترتيبك بين اخواتك ؟

5-طولك ووزنك ؟
6-لون البشرة ؟

7-لون الشعر ؟
8-لون العين؟

9-من دعاك الى المنتدى ؟
10-من اول الاعضاء اللى لفت انتباهك فى المنتدى موضوع لية ؟

11-من من الاعضاء تقول له

انت رقيق ؟؟

12-اى اقسام المنتدى اقرب الى قلبك ؟
13-من العضو الذى يهمك تعقيبة على مواضيعك دائماً؟؟

14-اذكر اسماء ثلاث اعضاء بدون تفكير؟؟
15-ميزات كل عضو من اللى ذكرتهم؟؟

16-عيوبه ؟؟

17-هل حققت بعض احلامك؟
18-لو طلبت منك تعط نسبة% لكل ما اذكرة اليك ..... اعطى النسبة بناء على حياتك انت:

الحزن - الفرح - الامل - الحب - الخداع ؟؟

19-ايهما اقوى بداخلك احساسك ام عقلك؟؟

20-عندما تفضل ان تكون وحيد،،، ما المكان الذي تختاره لتكون فيه؟
21-متى تبكى ومتى تضحك؟

22-معك ثلاث وردات لمن تعطيهم داخل المنتدى ؟؟
وخارجة ؟؟
23-من هوا قدوتك فى الحياة ؟؟

24-مطلوب منك تكتب شعر او قصيدة او خاطرة فى الوقت الحالى من نسج خيالك ؟!!

25-اوصفلي الليل من وجهة نظرك
26-اوصف النهار من وجهة نظرك

وكمان شويه اسئله صغيرين علشان خاطر عيونك يا امير
للحياه مراحل عديده ولكل مرحله من مراحل العمر طعم مختلف.
27*ما أجمل مرحله عمريه مرت عليك ؟ولماذا؟
28* ماهي أجمل ذكرى لاتزال عالقه في ذهنك ؟
29* ماهي اسوأ ذكرى لاتزال عالقه في ذهنك ؟
30* ما هو الشيء الذي تخاف منه؟
31*ماذا تحب أو تكره في شخصك؟
32*استاذ امير ..متى يعاندك النسيان ؟

33*لو قابلت واحد نرفزك جدا لدرجه ان انت بقيت عايز تقوم تضربه.... هتعمل ايه عشان تنهي الموقف ده من غير ولا نقطه دم
34*اكتر حاجه فى حياتك بجد خلتك متاثر اوى اوى لدرجه ان دموعك سبقتك
35*ايه رايك فى دموع الرجل

36*ايه رايك فى عمل المراه

37*ايه رايك فى المسواه بين الرجل والمرأه

38*لما الدنيا بتمطر بتعمل ايه

39*ايه اكتر حاجه بتحبها المطره ولا البحر ولا الشروق ولا الغروب

40*بتعرف تطبخ ولا لايا امير باشا ولا بتولع فى المطبخ

41*بتعرف تعمل لنفسك شاى ولا لا

42*بتعرف تعمل السلطه ولا لا

43*بتروح تصيف فين ويتقعد كام يوم

44*بتحب الشتا ولا الصيف وبتحبه ليه وبتكره التانى ليه
45*لما بتبص للقمر يوم 14 بيفكرك بمين
46*عمرك كنت ماشى فى الشارع قبل كده وكنت بتكلم نفسك هههههه
47*أطلق الألقاب دي علي أعضاء من المنتدي

حبيب قلبك

ذكي

منظم

عصبي

مع نفسه

جميل جدا يا امير
اى خدعة ياباشا

وانا هسئلك اسئلة بسيطة جدا واتمنى منك كل الصراحة
مش هتلاقى منى غير الصراحة باذن الله

يلا نبدا مع بعض
بسم الله الرحمن الرحيم

تاريخ ميلادى
14_5_1990

مواليد محافظة القاهرة

محل الاقامة
المرج

ترتيبى بين اخواتى
انا الكبير

طولى ووزنى
معرفش احددهم بالظبط لكن الحمد لله مناسبين لسنى

لون البشرة
قمحاوى لما بكون قاعد فى البيت او اخرج بلليل بكون ابيض
لكن لما بروح الكلية الصبح برجع اسمر شوية من الشمس
لون الشعر
اسود
لون العين
بنى شوية

من دعاك الى المنتدى
قولتها 100 مرة عرفته من موقع يلا كورة
بالمناسبة بقى مين العسل اللى كتب عنه فى الموقع ده علشان ابوسه

اول الاعضاء اللى لفت انتباهك موضوع ليه فى المنتدى
المنسى بيوميات سعدية الصعيدية وميدو الاستايل

من من الاعضاء تقول له انت رقيق
دودو ومقالب والمنسى وابوعلى

اى اقسام المنتدى اقرب الى قلبك
القسم الاسلامى وبعديه دردشة وفرفشة الاعضاء

من العضو الذى يهمك تعقيبه على مواضيعك دائما
امل الحياة

اذكر اسماء ثلاث اعضاء بدون تفكير
مقالب و ابوعلى و المايسترو
مميزات كل واحد
مقالب ....... دمها خفيف وكويسة جدا وعيبها مش بتثق فى اى حد
ابوعلى ....... ابوعلى ده صاحب يتصاحب بجد انسان جدع وطيب ومحترم اوى وعيبه مفيش
المايسترو ........ كبير المنتدى منظم وبيبذل جهد كبير فى المنتدى وعيبه مش بيذاكر هههههه

هل حققت بعض احلامك
لالالالا

النسب المئوية للكلام اللى انت قولته
الحزن .... 15 %
الفرح...... 30%
الامل....95%
الحب ......80%%
الخداع......10%

ايهما اقوى بداخلك احساسك ام عقلك
احساسى

لما افضل اكون وحيد
بنام عالسرير وافكر فى اللى انا عايزه

متى تبكى ومتى تضحك
بعيط لما اشوف الاطفال الصغيرين تعبانين او بيحصلهم حاجة تمنعهم انهم يعيشوا زى باقى الاطفال فى سنهم بجد بياثروا فيا جداااا لانى بعشق الاطفال الصغيرة
وبردو بعيط لما اشوف الظلم بيحصل لواحد ومش قادر يدافع عن نفسه
واذا كان عالضحك انا على طول بضحك

لو معايا 3 وردات
جوة المنتدى هوزعها على الاعضاء دول
المايسترو, مقالب, المنسى , دودو, ابوعلى ,امل الحياة,صدام, عبدو

وبرة المنتدى
واحدة لمامتى والتانية لجدتى والتالتة لوالدى

من هو قدوتك فى الحياة
والدى وبعديه ابوتريكة

مطلوب منك كتابة شعر او قصيدة او خاطرة حاليا من نسج خيالك
هتلاقيها فى الاخر خالص علشان افكر براحتى علشان متطلعنيش عن باقى الاجابات

اوصف الليل من وجهة نظرك
الهدوء والسكون واحلى وقت للسمر والدردشة
اوصف النهار من وجهة نظرك
صداع ودوشة وحر ووقت الشغل والتعب

وكمان شوية اسئلة صغيرين علشان خاطر عيونك ياامير
ياعم وهو انا كنت طلبت منك حاجة ؟؟؟
يلا ماعلينا اتفضل اسال

مااجمل مرحلة عمرية مرت عليك ؟ ولماذا ؟
مرحلة الشباب اللى انا فيها دلوقتى لان الواحد عينه بتتفتح عالدنيا وبيعرف ويفهم كل حاجة حواليه

ما هى اجمل ذكرى لاتزال عالقة فى ذهنك؟
اوقاتى اللى كنت بقضيها مع الانسانة اللى كنت بحبها واللى افترقت عنها للاسف الشديد بسبب حاجات خارجة عن ارادتنا

ما هى اسوا ذكرى لاتزال عالقة فى ذهنك ؟
الوقت اللى قررت فيه انا والانسانة اللى بحبها نفترق عن بعض وكل واحد ينسى التانى

ما هو الشىء الذى تخاف منه ؟
انى ازعل والدى منى او والدتى
لان رضا الرب فى رضا الوالد وسخط الرب فى سخط الوالد

ماذا تحب او تكره فى شخصك ؟
احب انى طيب وبحب الناس كلها ومش بعرف اكره حد
واكره انى عندى شوية وبتسرع فى الحكم عالناس

استاذ امير .... انت اللى استاذ ياباشا باسئلتك دى
متى يعاندك النسيان ؟؟
مش بيعاندنى لما بكون عايز انسى حاجة بعرف انساها على طول
ولحد دلوقتى معرفش يعاندنى فى حاجة

لو قابلت واحد نرفزنى اوى لدرجة انى عايز اضربه ... وعلشان انهى الموقف من غير ولا نقطة دم
ابعد عن وشه خالص وانساه تماما لانه ميستحقش انى اوجع ايدى بسببه
بس ده على حسب اللى نرفزنى بيه

اكتر حاجة خلتنى متاثر اوى اوى لدرجة ان دموعى سبقتنى
ياعم لما بتفرج عالمشاهد المؤثرة فى الافلام الدرامية او الرومانسية

ايه رايك فى دموع الرجل ؟
مش علامة ضعف لكن بيدل على انه عنده قلب وانه طيب بس بصراحة انا مش مع انه يعيط كده ادام الناس او اعيط لواحدة مهما كان حبه ليها وممكن اه يعيط عليها بس يكون لوحده مش ادامها

ايه رايك فى عمل المراة ؟
طالما انها هتحافظ على نفسها وبتشتغل فى عمل متخلطش فيه بالرجال وان هى هتصون نفسها وكرامتها انا موافق على عمل المراة وخاصة لو كانت مضطرة انها تشتغل علشان تصرف عالبيت
او علشان تساعد جوزها او والدها

ايه رايك فى المساواة بين الرجل والمراة ؟
الرجال قوامون على النساء
وينفع نساوى بين الرجل والمراة فى حاجات
ومينفعش فى حاجات تانية
اهم حاجة متكونش المساواة دى تخالف الشرع او العقيدة

لما الدنيا بتمطر بتعمل ايه ؟
بغنيلها الاغنية المشهورة بتاعتها
يادنيا مطرى واجيبلك عيش طرى من عند الشيخ على
هههههههههههههه
بس بحب اوى اقف تحت المطرة او اتفرج عليها

ايه اكتر حاجة بتحبها
المطره ولا البحر ولا الشروق ولا الغروب
البحر
ده انا سباح جامد جدا
تيجى تسابقنى ؟؟
وبردو بحب منظر الغروب لما تكون الشمس حمرة كده
وبحب المطره بردو لان الدعاء ساعة المطر مستجاب
والشروق بقى بردو جميل يلا علشان ميزعلش
وهما كده بالترتيب

بتعرف تطبخ ولا لا يا امير باشا ولا بتولع فى المطبخ ؟
لا مش بعرف اطبخ ولا بولع فى المطبخ انا كل اللى بعرف اعمله طبق جبنة باوطة وعليها شوية زيت وشطة
بس بيبقى طبق ملوش حل من ايدى يابنى ابقى تعالى وجرب

بتعرف تعمل لنفسك شاى ولا لا ؟؟
طبعا يابنى امال ايه
ومظبوط وملوش حل
تشرب دمك وراه

بتروح تصيف فين وبتقعد كام يوم ؟؟
انا بحب العريش ومرسى مطروح
لكن مش شرط اروحهم كل سنة
ولما بروح اصيف مش بقعد اقل من اسبوع

بتحب الشتا ولا الصيف وبتحبه ليه وبتكره التانى ليه ؟؟
لما بكون فى الصيف بحب الشتا
ولما بكون فى الشتا بحب الصيف
رخامة بقى مش عاجبنى حاجة
وهو كل واحد ليه مميزاته وعيوبه
يعنى هما الاتنين بالنسبة لى عادى لا بحبهم ولا بكرههم ولا حد عندى احلى من التانى

لما بتبص فى القمر يوم 14 بيفكرك بمين ؟؟
مجربتش وبصتله قبل كده

عمرك كنت ماشى فى الشارع قبل كده وكنت بتكلم نفسك ؟؟
اه وفجاة كده تلاقينى بضحك هههههههههه

اطلق الالقاب دى على اعضاء فى المنتدى
ماشى
حبيب قلبى ........ المنتدى كله على بعضه
ذكى .......... مقالب
منظم .......... المايسترو
عصبى ............المنسى
مع نفسه ........ صدام وعبدو

اى خدمة

يلا اللى بعده

اه معلش نسيت الخاطرة دى اللى انت قولت عليها

بص ياسيدى

مفيش بقولك ايه كبر بقى مفش حاجة فى دماغى دلوقتى

مجتش على سؤال بقى معلش

مــــن انـــــــت ؟

2- ماهو هدفك ؟

3-ماهي أمنيتك ؟

4-ماهي رؤيتك للحياة ؟

5-ماهي رسالتك في هذه الحياة ولمن توجهها ؟

6-ماهي التجربه التي تتمنى تكرارها ؟

7-ماهو أفضل مكان تتردد إليه ؟

8-مـــــن يطـــــربك ؟

9-من هو توأم روحك ؟

10- ماهو اكثر شئ تخشاه ؟

11- مالذي يشعرك بأكثر قدر من الحرج ؟

12-شخص تحتاج لقربه الآن منك ؟؟

13-متى تغضب ؟

14-باقة ورد لمن تهديها ؟

15- باقة شوك لمن تهديها ؟

16- شخص لاترفض له طلبا ؟

17-ماهي أعظم صفة تفضلها ؟

18-وماهي اكره صفة تنبذها ؟

19-أعظم شيء فقدته ؟

20-وأعظم جرح دفنته ؟

21- اسوأ خبر سمعته ؟

22-ماذا يمثل لك الموت ؟

23-دعوه صادقه من اعماق قلبك لمن تهديها ؟

24-اوصف نفسك كما تراها ؟!

25-و اخيراً صف نفسك بكلمات بسيطة كما يراك الناس ؟؟؟؟
انتظر
الجزء التانى من اسئلتى

هنجاوب على اسئلة مقالب

من انت ؟
انا محمد انسان طيب اوى وبحب الناس كلها ومش بعرف اكره حد

ما هو هدفك ؟
حاليا هدفى اخلص دراسة بتفوق واشتغل فى مكان مناسب يساعدنى على انى اكون نفسى بطريقة كويسة

ما هى امنيتك ؟
فى الاول كانت امنيتى انى اكون لاعب كورة لانى بحب الكورة جدا وكل اللى بيشوفنى بلعب بيشيد بيا الحمد لله بس مكنتش لاقى فرصة وبيتهيئلى انا خلاص كبرت وفات الاوان
وحاليا انا امنيتى زى اى حد فى سنى اخلص دراسة واشتغل والاقى اللى بحبها وتحبنى ونعيش مع بعض على طول فى سعادة وحب

ماهى رؤيتك للحياة ؟
زى ما عبد الحليم حافظ قالها
ضحك ولعب وجد وحب
مينفعش تكون جد على طول كده الناس هتنفر منك وانت كمان هتحس بالملل
ومتنفعش تكون ضحك ولعب على طول لانك كده مش هتحقق حاجة فى حياتك
ولازم الحب لانه حاجة جميلة جدا وبيخلى الانسان يقدم احسن ما عنده علشان يكون اللى بيحبه فخور بيه
يعنى باختصار الحياة فى نظرى وحش يمكن ترويضه بالعقل وتخليه يخدمك بالطريقة اللى انت عايزها لو عرفت تتعامل معاه كويس وبطريقة صح

ماهى رسالتك فى هذه الحياة ولمن توجهها ؟
نفسى اعلم الناس كلها يبطلوا كدب نفسى الدنيا ميبقاش فيها كدب او نفاق او خوف
نفسى الناس كلها تعيش فى سلام وحب ومحدش يحقد عالتانى
ويكون كل واحد قنوع باللى ربنا كتبهوله
دى رسالتى اللى نفسى اقدمها وبوجهها للناس كلها

ما هى التجربة التى تتمنى تكرارها ؟
قصة حبى الاولى واللى انتهت بكل اسف شديد بسبب مشاكل خارجة عن ارادتنا انا وهى

ما هو افضل مكان تتردد اليه ؟
مفيش مكان معين
بس لما بحب اكون لوحدى وافكر مع نفسى بنام عالسرير وافكر فى اللى انا عايزه

من الذى يطربك ؟
لو كان قصدك مغنى يعنى وكده يبقى ايهاب توفيق وحمادة هلال وعمرو دياب
لكن لو قصدك حد من الناس اللى اعرفهم بيقول يعنى كلام بيعجبنى وارائه بتعجبنى يبقى صاحبى الانتيم

من هو توام روحك؟
احمد ابن عمتى اللى هو اكبر منى بسنة
وبحبه اوووووووووووى

ماهو اكثر شىء تخشاه ؟
انى ازعل او اغضب والدى او والدتى منى
لان رضا الرب فى رضا الوالد وسخط الرب فى سخط الوالد

ما الذى يشعرك باكثر قدر من الحرج ؟
انى اتصرف بطريقة مش كويسة ادام الناس

شخص تحتاج لقربه الان منك ؟
انا بحب يكون كل الناس جنبى مفيش حد معين

متى تغضب ؟
من حاجات كتير اصل انا عصبى شوية ومفيش فى دماغى حاجة ممكن احددها دلوقتى

باقة ورد لمن تهديها ؟
للمنتدىوكل اعضاءه

باقة شوك لمن تهديها ؟
مش لحد

شخص لا ترفض له طلبا ؟
مفيش حد معين اللى بيطلب منى حاجة بنفذها لو هقدر

ماهى اعظم صفة تفضلها ؟
الطيبة وحب الناس والقناعة باللى ربنا كتبه لكل واحد

ما هى اكثر صفة تنبذها ؟
الحقد والحسد والغرور وحب النفس

اعظم شىء فقدته ؟
تفوقى اللى كنت فيه وانا صغير ومش عارف حصلى ايه لما كبرت وبالتحديد لما دخلت ثانوى

اعظم جرح دفنته ؟
حاجة كده محبش اتكلم عنها واعذرينى مش هقدر اجاوب عالسؤال ده

اسوا خبر سمعته ؟
فى مرة كنت عند ستى وقالولى ان والدى تعبان اوى وهيودوه المستشفى ساعتها جريت زى المجنون عالبيت
والحمد لله عدت على خير

ماذا يمثل لك الموت ؟
لو فى حاجة واحدة متاكد منها فى حياتى يبقى هى الموت وهو ملوش ميعاد وعلشان كده الواحد لازم يكون مستعد فى اى وقت

دعوة صادقة من اعماق قلبك لمن تهديها ؟
بدعى ربنا من كل قلبى انه يخليلى والدى ووالدتى وجدتى
وبعدى ربنا من كل قلبى انه يوفق الانسانة اللى كنت بحبها فى كل حاجة فى حياتها وتلاقى اللى يستحقها بجد
وبدعى ربنا من كل قلبى انه ميحرمنيش منكم يا احلى اعضاء فى احلى منتدى

اوصف نفسك كما تراها ؟
طيب جدا وحنين جدا وبحب كل الناس ومش بعرف اكره حد
وقانع باللى ربنا كتبهولى ودايما عندى امل فى الحياة فى ان اللى جاى يكون افضل
ودايما متفئل مهما كانت الدنيا سودة

واخيرا صف نفسك بكلمات بسيطة كما يراك الناس ؟؟
مقدرش اجاوب عالسؤال ده ده اسيبه للناس
واللى عايز يجاوبه منكم يتفضل

انتظر الجزء التانى من اسئلتى
ماشى مستنى
بس ياريت تكون خفيفة شوية مش زى الاسئلة دى

يلا اللى عايز يسال بعد مقالب يتفضل

الجزء التانى من اسئلتى
بتحب المقالب
اخر مقالب عملته وفى مين وايه هو المقلب
اخر مقلب اتعمل فيك وممن مين وياريت تحكيه
انك تكون ماشي وواثق من نفسك وفجأه تروح واقع على الارق قدام الناس

انك تتكلم واللى تكلمه رايح في سابع نومه

انك تعمل نفسك فاهم ويصير موقف يبين انك اغبي من الغبي

انك تكون نايم في الحصه و الاستاذ يقومك عشان اتجاوب وانت اصلا ما تدري ايه السؤال ولا ايه الماده اساسا

انك تكون واقف قدام مرايه تضحك و يمر احد ويشوفك

انك ترد على واحد وكان بيكلم غيرك وانت على بالك انه قاعد يكلمك انت

انك تشوف سياره مضلمه وانت قاعد تظبط نفسك و تفتح عليك وحده زجاج السياره و تقولك يا قليل الادب

لو علمت ان حياتك تنتهي قريبا ما الذي تفعله ولا يكفي وقتك الا لواحدة
رضا والديك
تسديد ديونك
مصالحة من اخطاءت بحقهم
6) بجملة واحدة فقط أكتب تعريفاً لكل كلمة من الكلمات التالية
الوطن
الأم
الليل
الكره
الغيرة
الصمت
الأنانية
المرأة
الإنترنت
. عضو تحس نفسك ترتاحله :

2. عضو نفسك تشوف شكله :

3. عضو نفسك تضربه:

4. عضو نفسك تضربه بجد

5. عضو تلقبه بسوبر ستار شباب المنتدى :

6. عضوه تلقبها بسوبر ستار بنوتات المنتدى :

7. عضو تحب اسمه :

8. عضو تكره اسمه :

9. عضو تقله (يا غايب ليه ما تسأل ) :

10. عضو تقله ( والله اشتقنالك ) :

11. عضو تقله (يعطيك العافيه ) :

12. عضو ارتحتله من اول ما شفته بالمنتدى :

13. عضو اول ما شفته ما كنت تطيقه .. لما عرفته اكثر حبيته :

14. عضو شايل عليه في قلبك :

15. عضو تتخيل شكله (و قله ايش تتخيل ) :

16. عضو اسمه يذكرك بشي :

17. عضو معرفتك في في المنتدى .. و معرفه شخصيه بعد :

18. عضو تشعره غامض و له وجه لحاله :

19. عضو تشعر نفسك تحب شخصيته و نفسك تتعرف عليه اكثر :

20. عضو تشعره متعصب للي يسمعه :

21. عضو تحسه حلوووووووووووو :

22. عضو تحسه برييء طيب على نياته :

23. عضو تحسه شعبيته كبيره و محبوب عند اغلب الأعضاء :

24. (الثقل و الركاده و البياخه و ثقاله الدم ) تشعرها تجتمع في العضو :

25. عضو تحسه رومانسي :

26. عضو تحسه مثقف :

27. عضو تحسه مرح و خفيف ضل :

28. عضو تحسه ذوووووووووووق :

29. عضو تحسه شايف نفسه :

30. عضو تحسه دلووووووووووع :

عضو مثقف

عضو بتحب تكون انت بداله

عضو نشيط جدا بالنسبة لك
عضو تحسه برييء براءه اطفال
الاب الروحي للمنتدى ]
2-عضو شعله من النشاط
عضو بكل مكان مبين :
مهما اقول عنه ماراح اوفي-ملح المنتدى بحقه
عضو مجتهد:
7-عضو مغرور:
عضو شايف نفسه
عضو صريح :

عضو مايرضى بالظلم
11-عضو مواضيعه حلوة
12-عضو ردوده حلوة
-عضو كووول:
عضو عصبي:
عضو عجيب
عضو تقدم له اعتذار
عضو تقدمله باقه ورد
عضو عاجبك توقيعه
عضومكسب للمنتدى
-عضو قلبه ابيض
عضو يزعل بسرعه
عضو مثقف:
عضو يحب الشعر:

عضو واثق من نفسه
عضو ناجح

عضو اثبت نفسه بفتره قياسيه
كفايه عليك كده
انتظر باقى الاسئله

يا شيخة حرام عليكى ايه الاسئلة دى كلها
انا كنت عايز انام
عالعموم هجاوب اهو قبل ما انام علشان انا كنت وعدتك بكده

يلا نبدا واشوف فيكى يوم

بتحب المقالب ؟
اه بس فى حدود يعنى تكون متضرش
اخر مقلب عملته وفى مين وايه هو المقلب
مش فاكر وانا مش بعمل مقالب كتير فى الناس زيك كده
اخر مقلب اتعمل فيك ومن مين وياريت تحكيه
كان المقلب بتاعك الى انتى عملتيخ فيا انا وكل الاعضاء بتاع الكاميرا الخفية

بيتهيئلى الحاجات اللى جاية دى مواقف والمطلوب منى اقول هعمل ايه
صح ؟

انى اكون ماشى واثق من نفسى وفجاة اقع على الارض ادام الناس
بتحصل معايا ولما بتحصل بكمل المشى عادى ومش ببص حواليا خالص

انك تتكلم واللى تكلمه رايح فى سابع نومه
انا مش بتكلم زى الاهبل وخلاص اكيد هكون عارف اذا كان نايم ولا لا

انك تعمل نفسك فاهم ويصير موقف يبين انك اغبى من الغبى
انا مش بعمل نفسى فاهم فى حاجة انا اللى اعرفه بتكلم فيه واللى معرفوش مش بتكلم فيه ولو حد سالنى على حاجة معرفهاش بقوله الله اعلم

انى اكون نايم فى الحصة والاستاذ يقومنى ويسالنى وانا مش عارف ايه حاجة
هقوله مش عارف واللى عايزه يعمله وانا هنفذ هههههههه

انك تمر ادام مرة تضحك ويمر احد يشوفك
انا مش مجنون علشان اعمل كده

انك ترد على واحد كان بيكلم غيرك وانا على بالى انه بيكلمنى انا
مش هرد عليه الا لما اتاكد انه بيكلمنى انا هساله انت قصدك عليا انا ؟؟
ولو قال اه هرد ولو قال لا مش هرد

انك تشوف سيارة ضلمة وواقف تظبط نفسك وفجاة تفتح عليك واحدة الباب تقولك يا قليل الادب
هقولها اسف مكنتش اعرف ان فى واحد جوة مخدتش بالى منك واكمل بقى واتعرف عليها هههههه

لو علمت ان حياتك تنتهى قريبا ووقتى لا يكفى الا لواحدة
رضا والديا لان رضا الرب فى رضا الوالد وسخط الرب فى سخط الوالد

بجملة واحدة اكتب تعريف للكلمات الاتية
حاضر اصل انا فى امتحان
الوطن ....... مصر افديها بروحى
الام ........ مقدرش اوفى حقها عليا مهما عملت
الليل ......... اجمل الوقات
الكره ........ معرفش اكره حد
الغيرة ...... حاجة مطلوبة بين اى اتنين بيحبوا بعض لكن مطلوبة بحدود
الصمت ..... السكوت من ذهب
الانانية ......... من اكتر الصفات اللى بكرهها
المراة ......... النص التانى للرجل
الانترنت ......... زى اى حاجة تانية ليه ايجابيات وسلبيات

الباقى بقى عالاعضاء
بس ياجماعة محدش يزعل اوكشن ؟؟

عضو تحس نفسك ترتاحله......... المنسى
عضو نفسك تشوف شكله....... المايسترو ابونجاح
عضو نفسك تضربه ......... مفيش
عضو نفسك تضربه بجد ........ قولنا مفيش
عضو تلقبه بسوبرستار شباب المنتدى ........... محمد على
عضوة تلقبها بسوبر ستار بنوتات المنتدى .......... امل الحياة
عضو تحب اسمه ........... دودو لانه زى اسم صاحبى الانتيم
عضو تكره اسمه ............ مفيش
عضو تقوله ( ياغايب ليه ماتسال )......... فيتو
عضو تقوله( والله اشتقنالك ) ............ عاشق رسول الله
عضو تقوله ( يعطيك العافية )........ بردو عاشق رسول الله لانه على حد علمى تعبان علشان كده مش بيشارك
عضو ارتحتله من اول ما شفته بالمنتدى .......... المايسترو ابونجاح
عضو اول ما شفته ما كنت تطيقه ولما عرفته اكثر حبيته ...... على بدر بسبب المشكلة اللى كانت حصلت دى بتاعت الصور اللى كلكم عارفينها
عضو شايل عليه فى قلبك ........ مش فاهمها دى
عضو تتخيل شكله وقول ايش تتخيل ........ مقالب ودودو وبتخيلكم عسولتين اوى
عضو اسمه يذكرك بشىء ......... دودو بتفكرنى بصاحبى الانتيم
عضو معرفتك فى فى المنتدى ...ومعرفة شخصية بعد ....... مش فاهمها دى
عضو تشعره غامض وله وجه لحاله ........ مقالب
عضو تحب شخصيته ونفسك تتعرف عليه اكتر ............ المنسى ودودو ومقالب وابونجاح وابوعلى
عضو تشعره متعصب للى يسمعه ........ ابوعلى
عضو تحسه حلووووووووو........ اللى انا قولت عليهم فى فوق اللى فوقيكى دى
عضو تحسه برىء طيب وعلى نياته ......... صدام وعبدو
عضو تحسه شعبيته كبيرة ومحبوب عند اغلب الاعضاء ........ المايسترو ابونجاح وابوعلى
( الثقل والبياخة والركادة وثقالة الدم ) تشعرها تجتمع عند العضو ........ معلش مش عايز اجاوب عالسؤال ده
عضو تحسه رومانسى .......... ahmed2009 وامل الحياة
عضو تحسه مثقف ..... امل الحياة وابوعلى والمنسى
عضو تحسه مرح وخفيف ظل ....... مقالب ودودو
عضو تحسه ذوووووووووق ..... ابوعلى وابونجاح
عضو تحسه شايف نفسه ........ على بدر
عضو تحسه دلوووووووووووع ......... انتى يا مقالب ومعاكى دودو بردو شوية
عضو مثقف .... قولناها
عضو تحب تكون انت بداله ....... مع كل احترامى لكله انا مبسوط بنفسى كده ومش عايز اكون بدال حد
عضو نشيط جدا بالنسبة لك ......... المايسترو ابونجاح
عضو تحسه برىء براءة اطفال ........ صدام
الاب الروحى للمنتدى ......... من غير كلام كتير هو المايسترو ابونجاح
عضو شعلة من النشاط ........ عبدو
عضو بكل مكان مبين ......... ابونجاح
مهما اقول عنه ما راح اوفى حقه ......... المنتدى كله على بعضه
عضو مجتهد ........ ahmed 2009
عضو مغرور ..... قولتها قبل كده
عضو صريح ........ المنسى
عضو ما يرضى بالظلم ......... كله
عضو مواضيعه حلوة ........ امل الحياة
عضو ردوده حلوة .......... المنسى
عضو كووووول .......صدام
عضو عصبى ......... دودو
عضو عجيب ....... صدام وعبدو
عضو تقدمله اعتذار ........معتقدش انى غلطت فى حق حد علشان اقدمله اعتذار
عضو تقدمله باقة ورد ........... مقالب
عضو عاجبك توقيعه ............. المايسترو ومقالب
عضو مكسب للمنتدى ........... ساندى
عضو قلبه ابيض ........ دودو اليومين دول بقت طيبة اوى ومش بترمى حد من الدور الخامس
عضو يزعل بسرعة ......... دودو
عضو مثقف ....... مش هقول تانى
عضو يحب الشعر ............. معرفش
عضو واثق من نفسه ............ محمد على
عضو ناجح ............ كلكم ناجحين
عضو اثبت نفسه بفترة قياسية ............. امل الحياة

كفاية عليك كده
لا ياشيخة اسالى كمان والنبى
وانتظر باقى الاسئلة
وهو انى بعد كل ده لسه عندك اسئلة كمان ؟؟؟
يابنتى ارحمينى وسيبى غيرك يسال

يلا يا جماعة حد ييجى يلحق ويسال قبل مقالب علشان يرحمنى شوية دى اسئلتها كتيرة وفظيعة
وهى قالتلى انها ناويهالى
بس متكنش اسئلته كتيرة اوى كده زيها
ماشى ؟؟

يلا اللى بعدها يتفضل يسال

ماشى ياعم هعديها مع انك فى اسئله مجوبتش عليها بس يلا الجايات اكتر
حد بقى يساله عقبال مااجيب الجزء الثالث من الاسئله

-ماهو افضل قسم من وجهة نظرك في المنتدى وماهو افشل قسم في المنتدى وليه بتقول عليه كده ....؟

2-محسيتش انك مشدود لاي وحده في المنتدى حتى لو احساس مش حقيقى ....؟

3-لو شفت واحد بينضرب وانتا لو ادخلت حتطلعو من بينهم سليم شوية بس المشكلة انك وانتا شايف الضرب ده انتا واقف مع واحدة زي القمر و في نفس الوقت الواد انتا متعرفوش هل حتسيب البنت و حتدخل و تنقذه ولا حتنفضله بما انك متعرفوش وبما انك مش واقف مع واحد صاحبك ....؟

4-عمرك اتخانقت ؟؟ اكيد طبعا اخر مرة بقى اتخانقت وعملت ايه بقى ضربت و لا اضربت و ختمت على ايه الخناقة كان فيه دم و لا لأ ......؟

5-قبل كده حصلك موقف وحش فى المنتدى وقلت بينك وبين نفسك مش هدخل هنا تانى ...؟

6-كل شخص مننا جواه نسبه حزن ياترى نسبه الحزن جوه الامير المصرى كام فى الميه ......؟

7-مين اقربلك وبتحس انه فاهمك اكتر والدك والا والدتك .....؟

8-ايه الصفه اللى مش تقدر تتحملها فى الشخص اللى قدامك.....؟

9-لوداس قطر بضايع على صابع رجلك هتعمل ايه ....؟

10-امتى بتحس انك قريب من نفسك انت.....؟

11-انت ممكن تيجى على كرامتك ياامير عشان الحب ......؟

12-لو واحده ياامير قبلتك فى الشارع وقالتلك انت زى القمر ولو متجوزتنيش هنتحر هتعمل ايه .....؟

13-لو خطبت واحده وانت بتحبها بس هى بتحب واحد صاحبك هتعمل ايه ......؟

14-لو قالولك ياامير ان الريس عايزك ودى حاجه مستحيله طبعا؟؟هتلبس ايه وانت رايح اوعى تقول هتروح بالشبشب ......؟

15-مين هو العضو اللى تحس انه توام روحك فى المنتدى ........؟

16-ايه اكتر حاجه تحس انها بتحرجك وبصراحه ......؟

17-مين اول واحد سرق كاسيت فى العالم ياامير واوعى تقول انك مش تعرفه ؟لان انا كمان مش اعرفه ......؟

18-لو يوم هتخرج مع اصاحبك اول حاجه تفكروا تعملوها هى ايه ......؟

19-مين اكتر شخص هنا حابب تتعرف عليه اكتر ......؟

20-لوانت ماشى مع خطيبتك بعد عمر طويل يعنى ياامير وبعدين واحد عاكسها هتتضربه والا هطنش علشان خطيبتك ماشيه معاك ......؟

21-لو انت ياامير دخلت السجن مثلا وكان القاضى بتاعك المايستروا ومحكوم عليك بالاعدام انا بقول مثلا وانت برىء انت هتعمل ايه فى القاضى اللى حكم عليك كده ........؟

22-لو خيروك ياامير بين اللى بتحبه وبين شغلك هتختار ايه بصراحه ......؟

23-لو حبيت واحده وهى مش حاسه بيك هتعمل ايه وبصراحه بردوا ......؟

24-ايه الموضوع اللى انت بينك وبين نفسك كنت تتمنى انك تكون انت اللى صاحب الموضوع ده وبصراحه........؟

25-لو معاك مثلا يااميرورقه وقلم تحب تكتب ايه وبصراحه......؟

26-ايه الاكله اللى انت مش تقدر تستغى عنها كل يوم واشمعنا دى .......؟

27-ايه المكان اللى تحب تقعد فيه وترتاح فيه وعمرك ما تقدر تنساه ........؟

28-كلمه سمعتها ودايما على بالك ولاتقدر تنساها......؟

29-ايه اكتر حلم انت حلمته ككذا مره وتحب تحلمه تانى وايه هو........؟

30-فى مره وانت ماشى فى الشارع يااميروانت ضحكت وواحد صحبك قالك انت بتضحك ليه بس هى حاجه مينفعش تقولهله هتكدب عليه والا هتقول ايه وبصراحه........؟

31-انت خسرت قبل كده صديق ؟وليه ايه اللى حصل ؟ولما بتشوفه الوقتى بتعمل ايه ......؟

32-فى حد ظلمك قبل كده وقلت بينك وبين نفسك انك مش هتسمحه ابدا؟ وايه هو الموقف ده لو كان حصل ......؟

33-مين اول واحد اتعرفت عليه فى المنتدى ومن اخر واحد .....؟

34-انت بتحب الصيف والا الشتا يامير ....؟

35-واحده انت بتحبها وهى مش حاسه بيك ونفسك تحس بيها هى مين .......؟

36-ماهو الموقف المؤثر فى حياتك .......؟

37-ما هو الموقف المحرج الذى مرت بيه فى حياتك حتى لو كنت صغير .......؟

38-ايه رائيك ياامير فى حال بلدنا الوقتى ولو جوبت على السؤال ده هبلغ عنك انك بتتكلم فى السياسه ..........؟

39-ما هو افضل برنامج بالنسبه لك وبتحب البرنامج ده ليه......؟

40-فى اى قرار تتخذه هتحكم قلبك والا عقلك ومن الاول تحكم بيه قلبك والا عقلك .......؟

41-ايه تقول لاقرب الناس الى قلبك .........؟

42-ما رأيك في الإنسان الذي مازال يحب شخصا رغم جرحه له وبصراحه ........؟

43-ما هو شعورك عند خيانه احد اصحابك .......؟

44-ما هى الصفات التى تحب ان تكون فى اصحابك .........؟

45-لو معاك تلت وردات يااميربس وقولتلك ادها لاى حد بس لواحد بس او واحده لمن تهديهم ........؟

46-دعاء دايما على لسانك ايه هو ايه ......؟

47-فى مره ياامير حسيت انك مش وافى لواحد صاحبك........؟

48-ايه اكتر تحبه الماضى والا المستقبل وبصراحه ياامير..........؟

49-طيب اسالك سؤال اما اشوفك هتعرف تجواب والا لاء انت ولد والا بنت بس بصراحه ياامير انا عارفه انه سؤال صعب ..........؟

50-ايه اكتر بلد انت نفسك ترحها .........؟

51-مين اكتر رئيس حكم بلدنا ده حلو بس بردوا بتتكلم فى السياسه وانت حر فى نفسك وقد اعزر من انظر .........؟

52-انت ليك قرايب بيخشو المنتدى هنا ولو فى هو مين .........؟

53-ما هو الشخص اللى انت مش تقدر تشوفه وهو بيدمع يامير .....؟

كفايه عليك كده يامير انهارده بس لو حبيت اسال هدخل واسال ماشى ولو مش حابب اسال تانى عادى يعنى هدخل واسال بردوا

ربنا معاك يا امير

حرام عليكى يا دودو كل دى اسئلة

وفى اسئلة منها جاوبتها قبل كده

عالعموم هجاوب فى اقرب وقت

ودلوقتى هجاوب على اسئلة الانسة دودو

1.افضل قسم من وجهة نظرى القسم الاسلامى لانه اكتر قسم ينفع الاعضاء بس للاسف مفيش اعضاء كتير بيتابعوه
وافشل قسم هو كلام فى الحب لانه مخفى تحت محدش شايفه وهما اتنين او تلاتة بالكتير اوى اللى بيتابعوه وعايزه يكون فوق تحت مقهى احلى حياة علشان يبان واتابعه لانى بجد بنساه

2.اه حسيت بكده بس مش هذكر اسماء

3.لا لو هعرف انقذه هدخل انقذه واخرجه سليم والبنت اللى زى القمر دى تستنى شوية تتفرج عليا وبعدين ممكن ده يخليها تعجب بيا لان ده موقف شهامة وجدعنة انك تنقذ حد

4.اخر مرة اتخانقت كنت مع ابويا فى العربية وعدت عربية كارو من جنبنا ماشية فى عكس الاتجاه وخبطت العربية ونزلنا اتخانقنا مع العيال اللى كانوا سايقنها ومكنش فى دم ولا حاجة ومضربتش حد ولا اتضربت

5.لا محصلش موقف ولا حاجة بس فى مرة كنت اه مش هدخل تانى بس دخلت تانى ومستمر على طول باذن الله

6.نسبة الحزن جوة الامير المصرى حوالى 45 فى الميه

7.والدتى هى اللى الاقرب منى وفاهمانى اكتر

8.الغرور والتعالى وانه يكون شايف نفسه وانه يكون كداب وانه بيحب الاستظراف مع ان دمه اتقل من الظلط دى كلها حاجات مش بستحملها فى اللى ادامى وبكون عايز اخنقه

9.وهو ازاى اصلا هيحصل ويدوس قطر بضايع على صوابع رجلى هو انا مجنون علشان احط رجلى عالقضيب بتاع القطر ؟؟

10. مقدرش احدد مفكرتش فى الحكاية دى قبل كده

11.لا طبعا مش ممكن خالص اجى على كرامتى علشان الحب او اى حاجة تانية غير الحب مهما كانت

12.دى تبقى اكيد مجنونة بس انا هكلمها براحة وبالعقل وافهمها براحة ان هى متعرفنيش ولا انا اعرفها فمينفعش يعنى ولو حلوة ممكن افكر فالموضوع
وطبعا مستحيل يحصل ان واحدة تيجى تعمل كده

13.انا مش هخطب الا اللى احبها وتحبنى واتاكد مليون فى المية انها بتحبنى انا وانى اخر واحد فى حياتها

14.وليه مستحيل ان الريس عايزنى هو اينعم صعب بس مفيش حاجة مستحيلة فى الزمن ده
وعالعموم انا عندى بدلة حلوة اوى ولونها جميل اوى ملبستهاش الا مرة واحدة فى فرح خالى هبقى اروح بيها
ونفسى البسها تانى بس مستنى اى فرح
حد عنده افراح يا جماعة ؟؟؟؟

15. العضو اللى بحس انه توام روحى فى المنتدى ....... مفيش حد معين فى كذا واحد زيك والمنسى ومقال بوالمايسترو ابوعلى

16.اكتر حاجة بحس انها بتحرجنى لما اتصرف بطريقة مش كويسة ادام الناس

17.اول واحد سرق كاسيت فى العالم مش انا يا دودو والله ولو انتى كمان مش عارفة انا كمان معرفش معلش خيبت ظنك

18.لما اخرج مع اصحابى اكيد اول حاجة نفكر فيها نشوف هنروح فين

19.اكتر شخص هنا حابب اتعرف عليه اكتر هو ساندى لانها الوحيدة هنا من القاهرة والباقى من الشرقية وكمان هى فى السن عين شمس وانا فى تجارة عين شمس يعنى جيران
وبردو حابب اتعرف اكتر على كذا عضو هنا زى المنسى وابوعلى ومقالب والمايسترو واكيد طبعا انتى يا دودو

20 . وليه يا دودو بعد عمر طويل فال الله ولا فالك يا شيخة انا نفسى اخطب من دلوقتى بس هى فين ؟؟
وعالعموم محدش يقدر يعاكس خطيبتى وانا معاها ولو حصلت ههزئه بطريقتى مش لازم ضرب

21. معتقدش انى اهون عالمايسترو يحكم عليا بالاعدام بس لو حصل مش هعمله حاجة
وفى الاول وفى الاخر الاعمار بيد الله

22. اختار اللى بحبها وربنا يعوضنى عن الشغلانة دى باحسن منها

23. لو حبيت واحدة وهى مش حاسة بيا انا هقولك على حاجة عنى محدش يعرفها عنى انا من النوع اللى بحب اللى يحبنى واقدر اللى يقدرنى ولو هى مش حاسة بيا انا مش هفكر فيها او احبها
وعلى الاقل احس انها واخدة بالها منى ومن وجودى

24.بصراحة منكرش ان ده حصل بس حاليا مش فاكر الموضوع

25.احب اكتب كلمة للانسانة اللى كنت بحبها وافترقنا عن بعض بسبب حاجة خارجة عن ارادتنا

26.مفيش اكلة معينة باكلها كل يوم عادى باكل اللى امى بتعمله وخلاص

27.بحب اقعد ادام البحر وافكر فى كل حاجة فى حياتى

28.كلمة بحبك من الانسانة اللى كنت بحبها وافترقت عنها

29.كنت دايما بحلم ان ربنا يوفقنى مع الانسانة اللى بحبها واعيش معاها باقى عمرى اللى جاى بس للاسف زى ما قولت افترقنا عن بعض ومحصلش نصيب

30 . لو انا ضحكت على حاجة مينفعش اقولهاله وهو سالنى هقوله مفيش مفيش ولو صمم هقوله مش هينفع اقولك وفى الاخر بردو مش هقوله ده اذا كان مينفعش خالص طبعا

31.لا محصلش الحمد لله وخسرت صديق قبل كده اصحابى كلهم لسه معايا لحد دلوقتى الحمد لله

32. بصراحة مش فاكر اى موقف حد ظلمنى فيه قبل كده بس معتقدش ان ده حصل

33. مفيش حد اتعرفت عليه فى المنتدى كل اللى بينى وبينهم جوة المنتدى بس

34.كنت جاوبت عالسؤال ده قبل كده وكل فصل من الاتنين ليه مميزاته اللى بحبها فيه
يعنى الشتا والصيف هما الاتنين عندى واحد

35.السؤال ده متكرر انتى سالتيه قبل كده واجابتى اللى فوق هى هيا

36.اكتر حاجة اثرت فى حياتى هى الثانوية العامة

37. مش فاكر موقف معين بصراحة

38.لو اهون عليكى يا دودو بلغى عنى واهو يمكن اقابل الريس والبس البدلدة ههههههههه
بصراحة حال بلدنا دلوقتى لا يسر عدو ولا حبيب ونفسى الناس تتغير وكل واحد يبص لمصالح الناس مش لمصلحته وبس ونفسى يمسكها ويديرها ناس مخلصين بيبحوا مصر بجد
ونفسى البلد تتغير وترجع تانى احلى بلد فى الدنيا لانى بجد بحب مصر اكتر من نفسى

39. برنامج dr.phil برنامج مفيد وبستفاد منه من تجارب الناس اللى بتتحكى فيه

40 . فى رايى المفروض انى احكم عقلى مش قلبى لكن ساعات قلبى واحساسى بيغلب عقلى وبمشى ورا قلبى

41. اقولهم ربنا يخليكم ليا ولا يحرمنى منكم ابدا وانى بحبكم اكتر من نفسى

42. فى رايى اللى يحب حد رغم ان اللى بيحبه ده جرحه ده قمة الحب بس الافضل انه يحاول يبعد عنه وميفكرش فيه كتير لان الواحد لما ينجرح من اكتر انسان بيحبه بيبقى جرح صعب جدا انه يداويه وبيستمر معاه طول عمره وبيخليه يغير نظرته لكل حاجة فى الحياة ولكل الناس حواليه

43. الحمد لله لحد دلوقتى مجربتش شعور ان واحد من اصحابى يخونى فمش هفتى واتكلم فى حاجة معرفهاش ومجربتهاش قبل كده

44. الصفات اللى احبها تكون فى اصحابى ان هما يكونوا كويسين ومحترمين وعارفين ربنا كويس وبيادوا فروضه ويكونوا معتدلين زيى يعنى لا متشددين ولا متحررين اوى
وكان فى جملة عجبتنى اوى قريتها قبل كده عن الصديق بس مش فاكرها وهى تقريبا بتقول
صديقك هو الذى يرى الحق فيوجهك اليه ويراك فى الباطل فينبهك عنه
وهو الذى كلما لقاك ذكرك بربك وحفه عليك
هى حاجة زى كده تقريبا

45. اهديهم لوالدى ولوالدتى هما الاتنين واحد

46. دعاء دايما على لسانى ( ربى اغفر لى واعفو عنى ...... لا اله الا انت سبحانك انى كنت من الظالمين )

47 . لا معتقدش انى حسيت بحاجة زى دى قبل كده

48. احب المستقبل اكتر لان الماضى خلاص مات ومش هعرف اغيره لكن المستقبل لسه بايدى واقدر اغيره
وفى رايى هما الاتنين بيكملوا بعض لان المفروض الواحد ياخد من الماضى ويستفيد منه باللى ينفعه فى المستقبل

49 .هههههههههه تصدقى يا دودو السؤال ده صعب اووووووى
وفكرت فيه كتير وبعد التفكير الطويل والعميق
اقدر اقولك بكل ثقة انى ولد

50 . اكتر بلد نفسى اروحها انجلترا او فرنسا او ممكن امريكا

51. اه هتكلم فى السياسة وبعدين هما كلهم اصلا 3 اللى حكموا بلدنا وكل واحد ليه انجازاته ومميزاته وبردو عيوبه وانا اصلا الكلام بتاع السياسة ده بتخنق منه ومليش دعوة بيه

52. لا مليش قرايب بيخشوا المنتدى هنا

53. انا مش بستحمل دموع الاطفال الصغيرين لما يعيطوا من المرض او اى حاجة صعبة تحصلهم ده بصفى عامة
لكن الشخص اللى مقدرش استحمل دموعه هو والدى او والدتى

كفاية عليك كده النهاردة يا امير
لا يا شيخة كفاية ايه دول هما 53 سؤال بس
مش عارف اقولك ايه بصراحة على كرمك وطيبتك دى كلها

ولو عايزة تسالى تانى خشى اسالى وانا قاعد اهو ملطوع عالكرسى وهجاوب

عارف يا مايسترو لو جيت تتكلم لما اخد الكرسى معايا وانا ماشى بعد التعب ده كله
هعمل فيك اللى متعملش فى حد قبل كده
انت حر

يلا اللى عايز يسال بعد دودو يتفضل يخش يسئل
انا مستنى

يلا يا جماعة فين الاسئلة انا سخن انا نار انا ولعة

يلا بسرعة قبل ما ابرد

تكمله الاسئله اللى فاتت
اذا كنت تريد مبلغ لظرف طارئ من اي الاعضاء تتسلفه ؟؟

عضوين او ثلاثة بالمنتدى تحسهم يقربون لبعض؟؟

عضو يقطع قلبك من الضحك .... وحابب تتعرف عليه؟؟

كنت في برنامج من سيربح المليون وبدك تتصل بصديق ... من تختار من الاعضاء؟؟

اذا كنت تريد ان تذهب في رحلة برية من تاخذ معك من الاعضاء؟؟

عندك مشكلة مين من الاعضاء ممكن يشارك همك؟؟

عضو بدك تطلب منو طلب ؟؟ وشو هو الطلب؟؟

عضو بدك تتعرف عليه بس خجلان منه؟؟

عضو تحس انو مواضيعة وردوده ذوق؟؟
عضو عاجبك اسمه المستعار
عضو تحس ان اسمه المستعار غريب :
عضو نفسك تعرف معنى اسمه المستعار
عضو نفسك تعرف اسمه الحقيقى
من العضواللي مره حصل بينك وبينه موقف وزعلت عليهــ ؟؟ وايه هو الموقف
مين من الاعضاء اللى ليه اسم مستعار وتتوقع اسمه الحقيقى ايه
من العضو اللي تتمنى أن يكون اخاك او اختك ؟؟

العضو اللي تتمنى تشوف شكله هو ........

لو وقفت على شباك بيتكم حمامه تحمل رساله من مين تحب تكون الرساله
لو هتدخل السجن ايه الجريمه اللى نفسك تدخل فيها السجن
مدرس لازال في ذاكرتك .. ولماذا؟
- مواد دراسية تحبها كثيرا ؟
- مواد دراسية تكرها كثيرا؟
- حدد بالضبط موقع جلوسك في الفصل؟
- ماهي احب المراحل الدراسية الى نفسك؟
- ماهو ابرز عقاب مر عليك طوال فترة الدراسة وباي سنه؟
- هل حصلت على شهادات تميز خاصة وفي أي سنة؟
- سنة دراسية تعد هي الأجمل في حياتك؟
- موقف محرج حدث لك في المدرسة؟

الفيلم أو المسلسل المفضل ؟
- الممثل أو الممثلة المفضلة
المغنى والمغنيه المفضلين
المغنى والمغنيه المكروهين
الممثل والممثله المكروهين

ودلوقتى هنجاوب على باقى اسئلة مقالب

لو عايز مبلغ لظرف طارىء هستلفه من محمد على او المايسترو

عضوين او تلاتة فى المنتدى بحسهم يقربون لبعض ....... المايسترو وابوعلى والمنسى

عضو يقطع قلبك من الضحك وحابب تتعرف عليه ........ اسامة صدام ومقالب

لو فى برنامج من سيربح المليون وحبيت اتصل بصديق اختار من الاعضاء محمد على او المنسى

لو عايز اروح رحلة برية هاخد معايا من الاعضاء المنسى لانه هو الادرى بما انه كان مقضيها رحلات وهو فى الكلية ولف البلد كلها

عندك مشكلة مين من الاعضاء ممكن يشارك همك ...... المايسترو والمنسى وابوعلى

عضو بدك تطلب منه طلب وشو هو الطلب ؟
انا عايز اطلب من كل الاعضاء كل واحد يخش يسال اللى عنده

عضو بدى اتعرف عليه بس خجلان منه ........ ساندى

عضو احس ان ردوده ومواضيعه ذوق ....... محمد على والمايسترو

عضو عاجبك اسمه المستعار .......... امل الحياة والمايسترو

عضو احس ان اسمه المستعار غريب ........ مفيش

عضو نفسى اعرف معنى اسمه المستعار ........ مكرم لان كل الناس بينادوه اسلام وهو كاتب اسمه مكرم

عضو نفى اعرف اسمه الحقيقى ......... انا عارف كله ما عدا مقالب ودودو واكيد عايز اعرف اسمهم

محصلش قبل كده وحصل موقف بينى وبين اى عضو زعلنى منه او زعله منى

مين من الاعضاء اللى اتوقع اسمه الحقيقى من اسمه المستعار ...... مفيش

من العضو اللى اتمنى يكون اخى او اختى ...... مقالب او دودو او ساندى لانى مليش اخوات بنات للاسف

العضو اللى تتمنى اشوف شكله ...... قولتها قبل كده المايسترو ابو نجاح

لو وقفت على شباك بيتنا حمامة معاها رسالة احبها تكون من الانسانة اللى كنت بحبها وافترقت عنها

لو هتدخل السجن ايه الجريمة اللى نفسك تدخل بيها السجن ..... قتل كذا واحد اسرائيلى

مدرس لازال فى ذاكرتك ولماذا ؟
فى اتنين من المرحلة الاعدادية واحد مدرس رياضة والتانى مدرس علوم
وومدرس من مرحلة الثانوية العامة اللى هو مدرس الكيميا ء
وانا كنت بحبهم اوى انا واصحابى

مواد دراسية تحبها كثيرا ........ المواد العملية عامة زى الكيميا والفيزيا والرياضة ودلوقتى فى الكلية المحاسبة وبحب اللغة الانجليزية بردو

مواد دراسية اكرهها كثيرا ....... المواد النظرية عامة بدون ذكر اسماء

حدد بالظبط موقع جلوسك فى الفصل
يابنتى انا دلوقتى فى جامعة يعنى بقعد فى المدرج على العموم بقعد فى الناحية اليمين من المدرج

ما هى احب المراحل الدراسية الى نفسك
الابتدائى والاعدادى لانى كنت دايما من المتفوقين فى المرحلتين دول

ما هو ابرز عقاب مر عليك طوال فترة الدراسة وفى اى سنة
كان فى اولى اعدادى كنا طالعين من الفسحة وقبل ولما دخلنا اتخانقت مع واحد كده علشان رجلى جت فى البنطلون بتاعه من غير قصد منى لكن هو كبرها واتخانقنا وكل ما اضربه واسكته يقوم تانى والمدرس دخل وشافنا وطردنا برة الفصل فى الحصة دى

هل حصلت على شهادات تميز خاصة وفى اى سنة ؟
انا الحمد لله كنت كل سنة بكون المتفوقين فى الابتدائى والاعدادى وكنت باخد شهادات تقدير من المدرسة واللى مش مصدق ييجى وانا اوريهاله

سنة دراسية هى الاجمل فى حياتى ؟
3 ابتدائى لانه فى السنة دى جبت مجموع 100% وكنت الاول عالمدرسة

موقف محرج حدث لك فى المدرسة ؟
هو الموقف اللى حكيتى فوق لان كان منظرى وحش اوى وانا واقف برة الفصل

الافلام المفضلة
الحفيد
الباشا تلميذ
زكى شان
ابوعلى
المسلسل المفضل
احزان مريم
قلب ميت

الممثل المفضل
كريم عبد العزيز واحمد حلمى واحمد عز
الممثلة المفضلة
ياسمين عبد العزيز وغادة عادل ونور

المغنى المفضل
ايهاب توفيق وعمرو دياب وحمادة هلال
المغنية المفضلة
مفيش

المغنى والمغنية المكروهين
مفيش

الممثل والممثلة المكروهين
محمد سعد ودينا ونيكول سابا

يلا اللى عنده اسئلة بعد مقالب يتفضل

انا مستنى الاسئلة

وياريت كل الاعضاء يخشوا

يالا يا جماعه عايزين تفاعل من كل الاعضاء

كله يدخل ويسال امير

يا ريت محدش يحط اسئله يا جماعه دلوقتى الا ما امير يدخل

اصله بقاله يومين مدخلشى

وياريت حد يطمنا عليه

ازيكم ياشباب عاملين ايه ؟؟

اعذرونى والله اليومين اللى فاتوا كان النت عندى فاصل علشان كده مكنتش عارف ادخل

وكنت مخنوق منه اوى لانكم بجد كنتم واحشنى جدا لانى اتعودت اكون معاكم كل يوم

وانا موجود اهو واللى عايز يسئل اى اسئلة يتفضل يسئل

اهلا بيك يا امير
وحشتنا يا عم

ويلا يا جماعه اللى عايز يسئل امير يتفضل

محدش عايز يسال يعنى ؟؟

اخد الكرسى واقوم امشى بقى يعنى ولا ايه ؟؟

من حقك والله يا امير

فين المنسى وابو على وصدام وعلى بدر

وامل الحياه وامل وهدى
ومقالب ودودو
اللى سال يسال تانى

فين الناس دى كلها

ماشى يا عم هصبر علشان خاطرك بس وعلشان كلامك ده

وانا مستنيهم

كرسى الاعتراف الحلقه 13(امير على كرسى الاعتراف) 1162249761

انا اسئلتى انهاردا اهداءات ههديك الورده واقولك معناها وانت تهديها لاى حد
الحمراء الحب
البيضاء الصفاء
السماوى روح المرح
البنفسج الاخلاص
الزهرى يدل على العاطفه والبراءه
الاصفر الغيره
البرتقانى الصديق الوفى
ههديك دلوقتى اغانى وانت تهديها
بحبك مش هقول تانى
بحبك وحشتينى
لو ليه حق
والنعمه دى
احنا كده
كدابه
كل البنات بتحبك
صدفه
بسلم عليك
خدنى الحنين
انا اتغيرت يابنى خلاص
ازيك حبيبى
ماتفرحوش
ضحتك
شايف نفسك عل ايه
دار الزمان وعنيك بكت قدام عنيا
كلام بكلام
هدوس على قلبى
ارجع بقا
اتكلمى
بكفايه ياعين
حبيبى يارقه
توبه
اكدب عليك
حلو وكداب
الله على حبك انت
اعمل ايه
الملاك البرئ
بتوحشنى
حكيتك ايه
ريحه الحبايب
كان طيب
هقولك اسامى اعضاء وتقول رايك فيهم
الميسترو
محمد على
اسامه صدام
دودو
ساندى
مكرم لسه شيفه بس اكيد كون عليه راى
المنسى
امل الحياه
وختامه مسك مقالب

ودلوقتى هجاوب على باقى اسئلة مقالب

الوردة الحمرا ......... لوالدى ووالدتى
الوردا البيضا ........... ليكى يا مقالب
السماوى .............. للمنتدى كله
البنفسج ............. لواحدة كده
الزهرى ........... بردو لنفس اللى اديتلها الوردة البنفسج
الاصفر ......... هى تانى بردو
البرتقالى ........... لصاحبى الانتيم اكيد

ودلوقتى نخش عالاغانى

بحبك مش هقول تانى ...... مش لحد
بحبك وحشتينى ........ مفيش خلاص راحت والله
لو ليه حق ......... مش لحد
والنعمة دى ......... والنعمة دى ايه ؟؟ بيحلف بايه انا مش عارف الاغنية فمش هديها لحد
احنا كده .......... لواحدة كده
كدابة ............ مش لحد
كل البنات بتحبك ........... لصاحبى الانتيم والمايسترو
صدفة .......... مش لحد
بسلم عليك ........ للى كنت بحبها وافرقت عنها
خدنى الحنين .......... مش لحد
انا اتغيرت يابنى خلاص ......... لواحد كده
ازيك حبيبى ........ مش لحد
متفرحوش ......... لمكرم ودودو
ضحكتك ........... للعيال الصغيرين
شايف نفسك على ايه ......... لواحدة كده
دار الزمان وعنيك بكت ادام عنيا .......... مش لحد
كلام بكلام ......... مش لحد
هدوس على قلبى ...... لنفسى
ارجع بقى ......... مش لحد
اتكلمى ........ مش لحد
كفاية يا عين ........ لنفسى
حبيبى يارقة ......... مش لحد
توبة ........ لنفسى
اكدب عليك ........ مش لحد
حلو وكداب ......... مش لحد
الله على حبك انت........ مش لحد
اعمل ايه ......... لواحدة كده
الملاك البرىء ........ الانسانة اللى كنت بحبها وافترقت عنها
بتوحشنى .......... للمنتدى
حكايتك ايه ......... مش لحد
ريحة الحبايب ........ لواحد صاحبى كده
كان طيب ......... لواحد كده

ودلوقتى الاعضاء اللى هقول رايى فيهم

المايسترو ...... كبير المنتدى واهم واحد فيه وهو انسان كويس جدا وكفاية ان كل الناس بتحبه
محمد على .......... صاحب يتصاحب بجد وانسان جدع ومحترم اوى وشخصية كويسة
اسامة صدام ............ ده بيفطسنى من الضحك والله ومؤمن اوى بحكمة خير الكلام ما قل ودل وهو انسان محترم وكويس اوى
دودو ......... طيبة اوى ودمها خفيف اوى وزى العسل ومحترمة وكويسة جدا وليها تاثير فى المنتدى وبحب مشاركاتها فى المنتدى جدااااااا
ساندى ......... انسانة كويسة اوووووى وبحس انها عاقلة كده وهادية وبتتعلم من اللى الاحداث اللى بتمر عليها وبقدرها جدا
مكرم ........ زى ما انتى قولتى انا لسه اول مرة اتعامل معاه النهاردة بس باين كده دمه خفيف ومرح وشكله انسان كويس والناس بتحبه
المنسى .......... انسان طيب اوى ومحترم جدا ومجتهد وطموح بس عيبه انه بيياس معندهوش صبر واحب اقوله لا ياس مع الحياة ولا حياة مع الياس واصبر شوية وكافح اكتر وبكرة ربنا يكرمك ان شاء الله
امل الحياة ........ بجد والله مواضيعها كلها جميلة ومفيدة ومش بقدر اخرج منها الا ولازم اسيب رد واشارك براى فى اللى قريته وبجد عضوة مميزة بمواضيعها رغم قلة مشاركتها
وختامه مسك مقالب ....... انتى يا مقالب ددمك خفيف اوى ومرحة جدا وانسانة كويسة اوووى واللى ادامك لازم بيحترمك وربنا يوفقك فى الثانوية العامة

اللى عنده اسئلة بعد مقالب يتفضل يخش يسال يلا يا جماعة
فين الناس وفين الاسئلة
انا مستنى

شكرا ياامير
ويسمع من بقك ربنا وانجح
واستنا باقى الاسئله قريبا

يالهوى يا مقالب هو لسه فى اسئلة تانية ؟؟؟

يا جماعة هو مفيش غير مقالب هتسئلنى ولا ايه ؟؟؟

انت هنا يا امير

وعايز حد يسالك؟

هههههههههههههه

اوك

سيبنى امخمخلك كده

واشوف الاسئله اللى انت اتسلتها

علشان اجيبلك غيرهم

بس متدعيش عليا

ههههههههههه

يا عم خد راحتك وهات اى اسئلة تيجى على بالك

وانا مستنيك

اتفض اسئلتى

جاوب يابطل

1-إيه هي أجمل لحظة وأصعب لحظة فى حياة الإنسان ؟

2-ايه اكتر لقب عجبك هنا؟

3-اكتر اسم بيعجبك ومش بيعجبك في المنتدي؟

4-اخر مره ضحكت كان علي ايه؟

5-امتى حسيت بالخوف ؟

6-الهدوء بيمثلك ايه ؟

7-ايه اللزمه في كلامك دايما؟يعني كلمه بتقولها كتير؟

8-نصيحه تحب تقولها لاي حد هنا؟

9-اكتر حاجه انت فاشل فيها ايه؟

10-اتطردت من كام حصه ؟

11- مستني حد يدخل يسألك تانى ؟

12- زعلت من اي سؤال اتسألك ؟

13-تقبل اعتذار حد غلط فيك ؟

14-اكتر يوم حسيت انك مش عايز حاجه من الدنيا ؟

15-تقدر تحكم على الشخص من المره الكام فى التعامل ؟

16-لو عايز تقطع علاقتك بحد تعمل ايه ؟

17- ما هى نظرتك للحياة ؟

18-موقف وقفت اودامة صامتا ولم تستطع الكلام ؟

19-مين اول حد بتفكر فيه اول لما تفرح وتتمنى يكون جمبك وحتى فى حزنك بتحتاج وجوده جمبك والدنيا من غيره مالهاش طعم؟

20-ما الصفه التى تطلق عليك غالبا؟

21-ماهو أكثر شيء تخشــاه بالحياة ؟

22-ماذا يعني ( المستحيل ) بالنسبة لك ؟

23-ايه الكلمه اللي لو حد قلهالك حتي لو بهزار هتزعل جامد؟

24-بتحب تبقي اجتماعي ولا لا؟

25-اية اكتر مبدا بتؤمن بية وياترى بتنفذة ولا لآ ؟

طبعا الاسئله خفيفه اهي

ولسه فيه كمان

ههههههههههههههههههههههههههههه

ايجابياات وسلبياات في شخصيتك ؟؟

اجمل هدية جاتلك ؟

اعز انسان بحياتك ؟

ما هو الحلم الذي لم يتحقق ؟

هدفك الحقيقي بالحياة ؟

متى تحس بالحزن الشديد؟

من هو كاتم اسرارك ؟

من هو شاعرك المفضل ؟

اكثر حاجة اثرت في حياتك ؟

من هو قدوتك في الحياة ؟

هل تحب الورد وماهي وردتك المفضلة ؟

ماهو القسم المفضل لديك من اقسام المنتدى ولماذا ؟

متى آخر مره استلمت فيها هدية ؟ وهل مازلت محتفظه فيها ؟

هل تقرأ كتب لاشخاص معينين ؟

موقف مر عليك ولايمكن نسيانه؟

ماهو اكثر شي استفدي منه في المنتدي ؟

اكثر عضو يشدك بمواضيعه؟

ما يعني الحـــب لك ..!! و ما تعني الخيانــه لك ..!!

ما أحلى مرحله عمريه عشتهــا ...

هــل .. تؤمنين بالمثــل الي يقـــولـ .. " اعشق من تحــب ولابــد من الفــراق " ..!!

شخصية مفتخره انك تعرفتي عليها ؟؟ و شخصيه ندمت انك عرفتها ؟؟

ليه اخترت اسم صدام ؟؟ و ليه اخترت لقب ●امير الرومانسيه● ؟؟

بجملة واحدة فقط أكتبي تعريفاً لكل كلمة من الكلمات التالية :

الوطن
الأم
الليل
الحب
الصمت
أمريكا
المرآة
الرجل

3 أمنيات تتمنى تحققها مهما كانت صعبة ومستحيلة ؟؟

إلى أي حد وصلت أحلامك وطموحاتك ؟؟

لو عندك ثلاث رصاصات .. من تقتل بها ؟؟

اغنيـــــــه لهــا ذكــرى عنــــدك.؟؟

هل تحب الوحدة؟؟

هل تنسى الإساءة بسهوله؟؟

كيف ترى نفسك الآن ؟و قبل 3سنوات؟

كيف تداوي حزنك ؟؟

"من السهل على الإنسان أن ينسى نفسه و لكن من الصعب عليه أن ينسى نفسا سكنت نفسه"
ما رأيك في هالحكمه ،، و هل هي صحيحه ؟؟

أختاري عشره اعضاء وامنحيهم ألقاباَ ( من المنتدى) .. ؟؟

تهدي هالكلمات لمين:

بستناك
مايحرمنيش منك
ولا على باله
أحبك وأدارى
لوتعرفوه
حبك وجع
حرمت أحبك
عودت عينى على رؤياك
بحبك وحشتني

تتابع افلام اجنبية ؟ اي نوع ,,احلى فلم عندك
عطرك المفضل
اغنيتك المفضلة
احلى اسم ولد
احلى اسم بنت
احلى اسم شاب
احلى اسم بنية
احلى اسم شيبة
احلى اسم عيووووووز
افضل فنان قديم
افضل فنانة قديمة
افضل فنان حديث
افضل فنانة حديثة
احلى مسلسل كرتوني
احلى مسلسل ( خليجي )
احلى مسلسل مكسيكي
احلى فيلم كرتوني
احلى فيلم سينمائي

قول مين في الاعضاء :-

عضو او مشرف اسلوبه رائع

عضو او مشرف نشيط

عضو يعجبك طرحه للمواضيع :

عضو عصبي :

عضو عجوز :

عضو ترتاح له :

عضويعجبك ردها :

عضو هادئ :

عضو تحس انه متابع لك :

عضو تتابع مواضيعه :

عضو عاجبك اسمه المستعار :

عضو تحسي انه اسمه المستعار غريب :

عضو تبي تعرف معنى اسمه المستعار :

عضو يحب الموسيقي :

عضو ودك تشوفه من المنتدى:

عضو تحس انه خفاش المنتدى (ردوده ليليه) :

عضو يحب الرسم :

عضو تحس انه غامض :

عضو تحس انه واضح :

عضو فرفوش :

عضو حزين :

عضو صعب التعامل معه :

عضو مرعب:

عضو يحب الالعاب :

عضو كسلان :

عضو متحفظ :

عضو متسامح :

عضو لا تعجبك ردوده:

عضو حساس :

عضو قوي الشخصية :

عضو صبور:

عضو يرفع الضغط :

عضو رومنسي :

عضو سهل التعامل معه :

عضو تتمنى معرفة اسمه الحقيقي :

عضو نشيط جدا:

عضو منظم و مرتب :

عضو كوميدي :

عضو ودك تضربها :

عضو محب للإثارة

عضو ودك تشوفه :

عضو يحب المفاجأت :

عضو ثقافته جيدة :

عضو ملتزم :

عضو تهديه باقة ورد :

عضو تهديه اغنيه معينه :

عضو فقدته وتتمنى رجعته للمنتدى :

عضو مفيد للمنتدي :

عضو يعجبك توقيعه :

عضو خجول؟؟

عضو ما ترتاح له ؟؟

عضو مقهور منه ؟؟

عضو مزاجي؟؟

عضو تحس انه يفهمك؟؟

عضو شقي؟؟

عضو ذكي؟؟

عضو اجتماعي؟؟

عضو صارم؟؟

عضو يرسم البسمة على شفاه الجميع؟؟

عضو..روح المنتدى؟؟

عضو توقع انه دب وعضوه دبه؟؟

عضو ملقوف؟؟

عضو تتجنب الاحتكاك به..؟

عضو دائم التواجد؟؟

عضو ردوده محرجه؟؟

عضو يتعامل مع الكل بكل احترام؟؟

عضو واثق من نفسه؟؟

عضو بتاع مصلحته ؟؟

عضو جرئ ؟؟

عضو حنين ؟؟

عضو هادي ؟؟

عضوه عثوله ؟؟

عضوه فنانه ؟؟

عضوه هاديه ؟؟

عضوه بتاعت مقالب ؟؟

عضوه في حاله ؟؟

عضوه ذكيه ؟؟

عضوه شيطانه ؟؟

ما هو أكثر تصرف يزعجك من الأعضاء؟

فكرت من قبل تنسحب من المنتدى ؟؟ وليه ؟؟

انت قاضي وطلب منك أن تسجن عضو و عضوه بالسجن من تسجن ؟؟

أعطي لنفسك نسبة مئوية لكل مما يلي :-

ذكائك

سعادتك

حزنك

ايجابياتك

سلبياتك

علاقتك بأصدقائك

علاقتك بالعائلة

خبرتك بالحياة

الصحة

التفاؤل

التشاؤم

الطيبة

العصبية

الوحده

ها عايز كمان؟

لو عايز فى كتير

بس خلص انت دول

ارحم يا اسلام شويه

ايه ده كله

زمان امير هيقول يا ريته مرجع

ههههههههه

هو مش عايز يتسال ولا ايه؟

يلا انا موجود اهه

خلص دول وهااجيبلك كمان

وبعدين دا اول يوم اتعامل معاه فيه

لازم نوجب معاه

استنى اسئلتى انا كمان
ياامييييييييييييييييييييير

شيد حيلك يا امير

وربنا معاك

علي بركة الله

0 - اية الحاجة اللي تحب تكتبها قبل اسمكـ .. ؟

1 - بتحب اسمكـ ولا بتقول الله يجازي اللي كان السبب .. ؟

2 - احسن سؤال اتسألته من ساعة لما جيت هنا كان اية ... ياريت تحديد والا .. ؟

3 - بتكلم نفسكـ في المرايا كتير .. ؟

4 - اية احسن حاجة في الاوضة بتاعتكـ .. ؟

5 - لو انت في برنامج من سيربح المليون واخترت وسيلة الاتصال بصديق هتتصل بمين .. ؟

6 - اسراركـ بتحتفظ بيها مع مين .. ؟

7 - انتصرت على نفسكـ كام مرة " وياريت ما تقولش موش فاكر" .. ؟

8 - عمركـ عديت عيوبك اد اية .. ؟

9 - رتبي الكلمات دي حسب الاهمية عندكـ بس بصراحة كاملة
الصحه , المال , الأم , الخروج للترفيه , الحصول على اعلى المناصب , راحة البال , .. ؟

10 - انتي سلبى ولا ايجابي .. ؟

11 - طب سلبي لية .. ؟

12 - وايجابي لية .. ؟

13 - اية اكتر حاجة ممكن تشدكـ في حبيب القلــــب .. ؟

14 - بتأمن بالحظ .. ؟

15 - امتي بتحس انكـ فاشل .. ؟

16 - اية هي مقاومات النجاح عندكـ .. ؟

17 - امتي قلبكـ بيضعف .. ؟

18 - طب وامتي بيبقي قاسي .. ؟

19 - عمركـ حسيت بالوحدة في حياتكـ .. ؟

20 - بتحب السياسة .. ؟

21 - الازمة الاقتصادية اثرت فيك .. ؟

22 - ليك اي ارتباطات بالبورصة .. ؟

23 - لما بتكون زعلان من حد اوي بس ليك عنده مصلحة مهمة , بتعمل ساعتها اية .. ؟

24 - انتي بطبيعتكـ بتحب الجدال .. ؟

25 - طب امتي بتكون مصر علي رأيكـ .. ؟

26 - حاجة شايفها صح والناس كلها شايفاها غلط .. ؟

27 - حاجة غلط والناس كلها شايفاها صح .. ؟

28 - امتي بتقفل علي نفسكـ باب الاوضة بتاعتكـ وتفضل تعيط ع السرير .. ؟

29 - بتحب المناصب ولا بتحب تعيش علي قد متطلبات حياتكـ .. ؟

30 - اية الكلمة اللي نفسكـ تقولها دلوقتي .. ؟

31 - وقت فراغكـ ازاي بتقضيه .. ؟

32 - القرأن سند ليك ولا انت هاجره .. ؟

33 - معلوماتكـ الدينية اخبارها اية .. ؟

34 - امتي تحس ان اللي قدامكـ بيحرجكـ .. ؟

35 - لو هو عنده حق انه يحرجكـ بتعمل اية .. ؟

36 - ولو ماعندوش حق انه يحرجكـ رد فعلكـ بيكون ازاي .. ؟

37 - الشئ اللي ممكن تفديه بحياتكـ ..؟

38 - اية رأيكـ في نقل الاعضاء .. ؟

39 - طب تقبل انكـ تتبرع بأحدى اعضائك لشخص مريض وبين الحياة والموت حتي لو كان كافر .. ؟
- كام مرة ناقوص الخطر دق في حياتكـ .. ؟

41 - شربت عصير ولا حاجة ولا استريحت ازاي دلوقتي .. ؟

42 - نكمل بقي بس بعد لما تقول رأيكـ فيّ بوضوح .. ؟

43 - اية اسباب وجودك هنا فى المنتدى .. ؟

44 - الرقم دة بيفكركـ بحاجة ولا رقم والسلام .. ؟

45 - الرقم المحبب بالنسبة ليك و المكروه .. ؟

46 - بتبقي متشأئم في بعض الحالات ولا انتي متفائل دائما .. ؟

47 - امتي بتحس ان ربنا معاك .. ؟

48 - لو قلبكـ نصين هتدي النص الاول لمين والتاني لمين .. ؟

49 - اية احسن حاجة بتعجبكـ في شخصيتكـ .. ؟

50 - طب و الحاجة اللي في شخصيتكـ ونفسكـ تضربها بالجذمة .. ؟

عدينا النص وفاضل النص هانت خلاص

51 - حلمكـ اللي انت متخيله انه مستحيل يتحقق .. ؟

52 - والحلم اللي حاسس انه قريب منكـ

53 - وحلمكـ اللي كنت فاكره انه صعب بس اتحقق .. ؟

54 - امتي بتبق مجنون .. ؟

55 - انت مصاب بهوس حب الفنانين او اي حاجة مماثلة .. ؟

56 - امتي السر بيكون ملكـ ليك وبس .. ؟

57 - وامتي بتسمع دقات قلبكـ .. ؟

58 - عمركـ فكرت تكتب سيرة ذاتية لنفسكـ

59 - اة لية ولاءة لية " تبع السؤال اللي فوق " .. ؟

60 - امتي بتحتار .. ؟

61 - ولما بتحتار بتعمل اية .. ؟

62 - اختياراتكـ بتكون علي اساس اية .. ؟

63 - تعمل اية لو اختياركـ طلع غلط , وناتج الغلط كان مؤثر .. ؟

64 - طب لو اختياركـ طلع تأثيره ايجابي .. ؟

65 - امتي بتحس انكـ في كامل تركيزكـ .. ؟

67 - و امتي بتحس انكـ فاقد الذاكرة .. ؟

68 - اية موقفكـ لما تكون عارف حد اوي وتيجي تنادي علية بس في اللحظة دي بتكوني ناسي اسمه .. ؟

69 - لبست لبس فرافيرى قبل كدة وجالكـ انتقاضات عليه .. ؟

70 - بتحب الاكسسوارت .. ؟

71 - طب عندكـ درج مليان اكسسوارات .. ؟

72 - شعركـ ناعم ولا مجعد ولا نص نص " الطبيعة طبعا من غير الفرد والكوي " .. ؟

73 - في يوم عيد ميلادكـ اية اكتر حاجة بتحبها .. ؟

74 - الزهور بتفكركـ بالموت ولا بالحب والبهجة .. ؟

75 - لو بقيت عمده اية هو اول قرر هتتخذي .. ؟

76 - لو بتقول هوف دلوقتي يبقي بتقولها لية .. ؟

77 - بتحب استخدام التكنولوجيا ولا بتعتبر استخدامها مجرد منظرة و فشخرة " سوري في اللفظ طبعا " .. ؟

78 - اجدد حاجة تكنولوجيا في بيتكو اية هي .. ؟

79 - طب واقدم حاجة .. ؟

لو عايزنى اجى تانى هاااجى
ولو زهقت منى
يبقى خلاص

ههههههههههههه

هات تانى

تانى

يابو على

» كرسى الاعتراف الحلقه 9(شريهان على كرسى الاعتراف)
» كرسى الاعتراف الحلقه 12(عبدو2008 على كرسى الاعتراف)
» كرسى الاعتراف الحلقه 14(مقالب على كرسى الاعتراف )
» كرسى الاعتراف حلقة 8(هشام محروس على كرسى الاعتراف)
» كرسى الاعتراف حلقة 1( المايسترو على كرسى الاعتراف)