دى مذكرات شاب لسه بيقدم فى التجنيد
طبعا المذاكرت بتبدء بالقسم
طبعا انتوا عارفين القسم طبعا
قسم البوليس
طبعا على الاقل تصحى تصلى الفجر وتستنا شوية وتلحق مكان فى الطابور
ولما بتروح تلاقى ناس كتير
دول ايه دول يا عم نايمين قدام القسم دول ولا ايه
المهم تلحق ليك مكان
وفى يوم وانا واقف فى الطابور لقينا عربيتين لنقل المسجونين ( ربنا يعافينا )
ونزل المسجونين من القسم وركبوا فى العربية
واحد قدامى بيقول لصاحبه
افرض بقا ان كام مسجون هربوا وهما بيتنقلوا هيجروا وراهم ويجيبوهم
الظاهر صاحبه كان مفرفش شوية ضحك وقال
ويجروا ليه ..... هياخدوا كام واحد من الطابور الكبير ده بدل ميتعبوا نفسهم *********ه
ضحكت وقلتله
حلوة اوى دى يا كابتن .. نكته عسل
ضحك ومد ايده ليا عشان نسلم على بعض
ومين اللى قالك ان دى نكته ... دى ممكن تحصل
توقفت عن الضحك وببصيت له فى ارتياع
تنحنحت حسيت الكلام مش عاوز يطلع
بصيت للعربية والمسجونين بيطلعوا من العربية
والتفت للشخص اللى كان بيتكلم
الظاهر الشمس حامية النهاردة انا هجى بكرة احسن
اتسعت عينا الشاب اللى بيضحك وقال لزميلة
ازاى حامية والنهاردة اليوم مغيم والشمس مطلعتش
هرش فى راسه وقال
الظاهر ان فيه ناس بيحبوش الهزار
وجريت اخرج من القسم
هيه ناقصة جيش لما ادخل سجن كمان
اشوفكم بكرة
موضوع: يوميات شاب فى مركز التدريب 
الأحد أغسطس 30 2009, 21:57
