قصة قلب كسرته الدنيا

بدأت قصتى مع شاب حبيته
شيلته فى قلبى وفى حضنى خبيته
وفى ايام كتير اتمنيته


وهو حبنى ووعدنى انه هيبقى ليا
ومهما حصل عمره ما هيقسى عليا
بس ورا الكلام حاجات كتير مستخبية


بعد فترة اتغير فى معاملته
وبقيت عايشة فى نار بعد جنته
وبسأل نفسى فين راحت حنيته




وفى يوم صاحبه كلمنى وقالى عايز اطمن عليكى
صاحبى محبكيش وقلبه مكنش ليكى
ومتزعليش منه فى يوم هتلاقى اللى شاريكى


قالى صاحبى عايش احلى ايامه مع حبيبته
هى مش بس حبيبته لا دى كمان خطيبته


وهو قالى اكلمك عشان اطمنه عليكى
وانا هقوله انى مشفتش دمعة فى عنيكى
علشان قلبه ماكنش شاريكى
يااااااه ليه كده يا حبيبى؟
ليه تخلى الناس هى اللى تقولى انك مش نصيبى


اتعذبت بعده شوية
بس قلت اكيد الدنيا فيها حاجات حلوة تانية
مش هكمل عمرى ابكى على اللى ماكنش ليا







وفى يوم تانى جميل
لاقيت قلبى لشخص تانى بيميل
كان انسان مالوش مثيل


من عنيه عرفت يعنى ايه الحنان
وانا بين ايديه كنت بحس بالامان
ده ماكنش اى انسان
وقلبى حبه بجنان







اتخليت عن حاجات بحبها عشان ارضيه
كنت بفرح من نظرة حنية من عنيه
كان نفسى اوى انى ابقى ليه


بس هو ماكنش بيبقى واثق فيا
وبيصدق اى كلمة عليا
وجرح قلبى جرح مش شوية


دلوقتى بيقولى انا كده اذا كان عاجبك
وانا عارف ان الكلام ده هيضايقك
بعد ما كان بيقول مفيش حد فى الدنيا زيك





انا بجد حبيته وكان نفسى اكمل معاه حياتى
بس ربنا يسامحه جرح قلبى جرح مش عادى
مش هقدر استحمل بقى المرادى


عارفة ان حياتك مش هتقف عليا
بس حاول تخاف عليا
وتحس بالجرح اللى فيا


روح يا حبيبى كمل مشوارك
كمل مع حد من اختيارك
ويشاركك افراحك ونارك


بس خليك فاكر انى فى يوم حبيتك
وبكل حياتى اشتريتك


وربنا يوفقك فى حياتك الجاية
ومتقلقش انا ربنا هيهون عليا