تكلم عن نفسك بكل صراحه

انا جايبلكم النهارده فكره جميله وموضوع كويس
كل اللى هنعمله اننا نختار احد الاعضاء والعضو يتكلم عن نفسه بكل صراحه عن طفولته عن احلامه عن فترات الدراسه بالتفصيل يقول اغرب المواقف اللى حصلتله يقول كل حاجه بصراحه
واحنا ندخل ونقول رأينا فى اللى كتبه
بس قبل ما العضو ده يكتب اللى يقوله يقسم نه هيقول الحق
يالا اختاروا اول عضو وكل يوم نختار عضو

اوك يا امير انا اللى هبدأ بس لما اشوف اقبال الناس الاول على الموضوع واشوفهم راحوا فين اصلا

وانا جاهز قولولى عاوزنى اتكلم فيه الاول

زي ما نت قلت يا منسي طفولتك وتغييرات إلي حصلت وأبرز الأحدث إلي لسة مطبوعة ف ذاكرتك وهكذا

اوك يا زهره
بالنسبه لطفولتى كانت طفوله كلها شقاوه لعب وجرى وتنطيط واكن فيه اصابات كتير اللى فى الراس والايد و الرجل كانت شقاوه بمعنى الكلمه يعنى بس بدأت الشقاوه تقل من فتره لفتره ومن مرحله لمرحله
بالنسبه بقا للدراسه كانت شقاوه جامده مووووووووت فى الفتره الابتدائيه بس الحمد لله كنت متفوق ةتقريبا مفيش حاجه تذكر من الفتره دى الا فتح 4 غرز بس فى دماغى
بالنسبه بقا للمرحله الاعداديه بدأ اسمى يظهر وخاصة كنت متفوق جدا فى الدراسه لكن بردو كان فيه شقاوه كان فيه كسر دراع وعمليه فى ايدى واتركبلى مسمارين وخلصت المرحله الاعداديه وناس كتير والمدرسين كانوا متوقعين ان المنسى فى المرحله الثانويه هيبقى صاروخ وهيدخل هندسه او طب لكن انا جيت وخيبت كل الامال لما دخلت ادبى فى ثانويه عامه كان هدفى ادخل كلية السن لكن طبعا مش قدرت احقق الهدف ده لأنى مش بحب الادبى وجيبت مجموع مش كويس ودخلت اداب انتساب قسم جغرافيا جامعة الزقازيق ولما دخلتها ناس كتير قالت المنسى انتهى وهيدخل زى ما هيخرج من الكليه بدون استفاده وفعلا اتحقق كلام الناس دى فى سنه اولى كلية لما انا جيبت تقدير مقبول وفضلت زى ما انا انتساب ومش عرفت احول لكن بعد كده اخدت الموضوع تحدى وقولت بكره هتلاقوا المنسى عمل حاجه محدش عرف يعملها ولا حد هيعرف يعملها بعد كده دخلت تانيه واخدت الموضوع جد من الاول واترتبت على الدفعه وبقيت من المرشحين لأمتحانات الشعب اللى هما (( مساحه وخرائط -- استشعار عن بعد -- نظم ومعلومات جغرافيه)) المهم انا اترشحت للشعب لأن كان الشروط ان اللى يدخل الامتحان يجيب فى مواد المساحه 2 جيد وماده مقبول انا كنت جايب ماده امتياز و 2 جيد ودخلت الامتحان ونجحت واتخصصت فى المساحه وكانت حاجه غريبه لأن انا كنت ادبى ثانويه عامه والمفروض اللى يدخل يكون طالب درس رياضة 2 وفيزيا وكيميا لكن انا دخلت بمجهودى وتقديراتى ونجاحى فى الامتحان ولما دخلت محدش توقع انى هقدر انجح فيها علشان فيه مواد فيزيا ورياضه لكن الحمد لله والله كنت بجيب فى مواد الرياضه امتياز ومواد الفيزيا والكيميا جيد والاحصا جيد جدا وكان اسمى معروف عند الدكاتره لدرجة ان والله دكتور قالى شد حيلك علشان تتعين معيد فى الكليه ومره والله الدكتور سابلى المحاضره وقالى كمل شرح ولما تخلص هاتلى الغياب وتعالى على المكتب
بالنسبه بقا للشقاوه فى الجامعه كانت حاجه فظيعه اتفصلت من الكليه من اول اسبوع بس رجعت تانى
مره تانيه بقا كنت هنضرب من اكتر من 12 واحد قدام الكليه كنت ماشى مع 3بنات وواحد عاوز يكلمهم وهما منفضين له فالواد مش لقى الا انا يتشطر عليا لاقيته جاى ومعاه ناس كتير بس الحمد طلع فيهم واحد يعرفنى وحاش عنى
مره كمان كنت طالع الامتحان واتخانقت مع سكرتير وكيل الكليه وحلف ما انا داخل الامتحان بس دخلت فى الاخر الحمد لله
المهم كانت عيشة زى الفل وانا بقا فى اخر سنه قضيتها رحلات من اسماعيليه لبور سيعد واسكندريه وشرم الشيخ والطور وسانت كاترين وراس محمد وطابا ونويبع بس والله كانت مناطق جامده
اى حد عاوز اى حاجه تانيه يقولها يقول ومالوش دعوه انا جاهز I'm ready

ههههههههههه إيه د كلو يا بني اديك طلعت سوبر منسي بس المهم انك حققت مبتغاك بغض نظر عن الخسائر البشرية

هههههههههه
انا عاوز بقا ارائكم ولو حد عاوز حاجه تانيه اقولها علشان نبدأ مع واحد جديد

ههههههههه إيه د يا كودا ملكوا يا جماعة بتشوفو أفلام حربية من وانتو صغيرين بس كويس انكو كبرتو

انا هختار يا جماعه زهره تتكلم عن نفسها

بالنسبة ليه من وأنا صغيرة كنت بخاف قوي حتى من أبسط حاجة إلي هي ولا حاجة كنت بخاف منها لأسباب غير معروفة وبردو كنت بخاف من أي حد لابس أبيض علشان حالتي صحية كانت تعبانة شوية وكنت باخد حقن كتير ف أي واحد لابس أبيض ويكون شبة الدكتور بخاف منو وبالرغم من خوفي دة إلى اني تخنقت مع كل بنات الحتة لي كنت عايشة فيها و حلمي كان أبقا دكتورة علشان ادفع ثمن الخوف دة ف الأطفال الصغيرين في الدراسة بقا كنت متفوقة لحد ما وصلت للمتوسط تراجعت شوية بسبب الشقاوة وبحكم اني عايشة مع ٣ إخوات كلهم ولاد فكنت بلاقي نفسي مرتاحة أكتر مع الولاد أكتر من البنات على الأقل مفيش غيرة وحسد ما بنا مش زي البنات كل وحدة تتمنى زوال النعمة على تانية وخصوصي لو كانت وحدة أحسن من صحبتها و تعاملي مع الولاد * سببلي مشاكل ف بعض الأحيان علشان بيقولو إن مفيش صداقة بين البنت والولد ود حصل معاية علشان فيه مين فهم غلط وخلا مشاعره تتغلب عليه علشان كدة بعدت شوية وبقا ليا أصدقاء ولاد و- بنات وأكتر حاجة بيكرهوهة فيا باجي علا نفسي كتير وأتنرفز بسرعه بس اديني بكبر أهو وكل شوية بعقل والخوف راح قلبي بقا جامد بس مش قوي يعني وبالنسبة لدلع فبدلع علا الكل بابا وماما واخواتي واصحابي وأي حد أعرفه دلع شامل علا الكل بحاول دلوقتي أكمل دراستي ف مجال اللغات الأجنبية وعايزة أعمل تخصص ف ترجمة والحمدلله كله تمام لحد دلوقتي أي إستفسار أو سؤال أنا هنا

جميل جدا يا زهره بس انتى دلوقتى مش قولتيلنا حلم حياتك دلوقتى ايه ومواصفات فتى احلامك

بالنسبة لحلم حياتي بجد مش عارفة علشان عايزة حاجات كتيرة ف وقت واحد أما مواصفات فتى أحلامي بحب إنو يكون مختلف ويقدرني كويس مستعد إنو يتعب علشان أنا ارتاح وأكون بنسبة له أختو وبنته وامو وحببته وعشقته وكل حاجة حلوة ف حياتو المظهر الخارجي مهم بالنسبة لية بس حتى لو كان وحش بما إنو فتى أحلامي هيبقا أحلى واحد و كمان يكون طيب وإبن حلال والأهم من كل د يكون بتاع ربنا وبس كدة شروطي كتيرة أنا عارفة بس أعمل إيه

جميل جدا يا زهره
فيه حد عاوز حاجه تانيه من زهره ولا تختار اللى بعدها

اه يا مانسى بعد اذنك

جاوبى يا زهره على mmmmmmmmmmm

طيب يا محمد أنا إسمي زهرة عندي 17 سنة ومن الجزائر وعايشة في الجزائر بزبط ف بتنا جمب جرانه لو ممكن تلاقيلي شغلانة أن موجودة وهاكون ممنونة ليك قوي أي خدمة يا فندم ؟؟

ياريت تختارى عضو بعدك يا زهره

أوك بما إن محمد موجود معانة هختارو هو

أن بقا عايزة أعرف عايش معا مين وهل عندك إخوات؟؟اسفة عل اسئلة الكتيرة دي شغل الجزيرة إنت عارف

جه دورى انا بقا يا محمد
دلوقتى يا معلم عاوزك تقولى ايه طموحاتك سواء اللى كانت فى الماضى او المستقبل وكمان حبيت كام مره وبالاضافه لكده انت مرتبط دلوقتى
وبعدها ياريس اختار بقا عضو يتكلم عن نفسه

بجد موضوع جميل يامنسى عاوزين تقولنا عند اكتر حاجة حصلتلك فى حياتك واثرت فيكى ....واكتر حب شدك واثر فيك

طيب إختار عضو يا محمد

ربنا يرحمة ومعلش اسف على السوال دة .....اية بقى اكتر سنة عدت عليك صعبة فى التعليم ...وكانت صعبة لية

اوك اسال انا مستعد فى اى وقت وسعيد بمشاركتى معاكم

انا احمد اسامة من الزقازيق ...ساكن بالعريش عشان الجامعة ...انا كلية تجارة سنة اولى ...عندى اخ واحد محمد تانية ثانوى علمى ...حياتى عادية جدا زى اى شاب عندى امال وطموحات كتير واحلام كتير ....بحب الهدوء جدا وبحب اقعد لوحدى اوى ...وبحب نجم الجيل اوووووووووى ومش بسمع الا هو وبس كدة ...اى اسئلة انا جاهز

طب قولنا حبيت ولا لاء وكام مره ونفسك في ايه وكده

انا حبيت مرةة واحدة ولسة لحد الان معايا وربنا يخليها ليا ولا يحرمنى منها مع اننا بينا وبين بعض مسافات اللى بتمناة من الدنيا كلها انها تكون معايا طول حياتى

ونفسى اخلص دراسة واتجوزها واخدها ونروح اخر الدنيا لوحدنا بجد ادعولى ربنا يوفقنا ويوفق الجميع

إن شاء الله ربنا يوفقك ويخليكو لبعض يا رب ويسعد الجميع

يارب يازهرة عقبالك كدة مانفرح بيكى

طيب اختار يا احمد مين اللى بعدك

اختارك انت اتكلم عن نفسك واشرح لينا حياتك وصعب حاجة قابلتك فى حياتك

ما انا حكيت يا احمد ارجع وانتا تشوف

اة معلش يبقى نختار زهرة ........احكى لينا عن كل حاجة عاوزين نعرفك اكتر واكتر حاجة صعبة قابلتك فى حياتك

هههههههه ما أنا برد حكيت يا أحمد