انفلونزا الخنازير

كتب ممتاز القط

مصر ياجماعة محروسة من النق والقر وعين الحسود‮!!‬
لايهمنا
أنفلونزا طيور ولاانفلونزا خنازير‮.. ‬وإن شاء الله حتي يبقي فيه انفلونزا
قطط ولو اني هضيع فيها وربنا يستر علي عيلة القـط كلها‮.‬
المهم عندنا
ان مفيش انفلونزا حمير‮.. ‬لان دي الكارثة السودا صحيح اللي ممكن تأثر
علينا لأن الحمير عندنا كتير وإحنا الشعب الوحيد اللي له فلكلور حميري
وكلنا سمعنا اغنية بحبك ياحمار ومش بعيد أخونا سعد الصغير يطور اللحن
ويبقي بحبك ياحمار ياابن الحمار‮!!‬
وشوفوا إحنا عملنا إيه مع أنفلونزا
الطيور‮.. ‬الحمد لله مات بسببها ‮٦٢ ‬واحد بس ولسه الفراخ مالية السوق
والمحلات وكل الكلام الفاضي اللي قالته اللجنة العليا لمواجهة أنفلونزا
الطيور كان فشنك ولا وفروا المذابح الآلية ولا أدوا ثلاجات لأصحاب المحلات
ولا أي حاجة خالص‮ !! ‬كل شيء في بلدنا ماشي بالبركة وربنا وحده الستار‮!!‬
المهم
احنا صلاة النبي مش خايفين من انفلونزا الخنازير لأنها وبصراحة كده‮ ..
»‬الخنازير‮« ‬المتربية في الدويقه ومنشية ناصر والخانكة طبعا عندها حصانة
ومناعة قوية ضد الانفلونزا بتاعة بره‮.. ‬هناك الخنازير متربية فافي‮..
‬بتاكل اكل احسن من اكل البني آدمين ومش بعيد تكون بتشرب ميه معدنية
وبتأخذ ڤيتامينات ومقويات‮.. ‬يعني متربية عالغالي‮.‬
خنازيرنا عندها
مناعة لأنها من صغرها بتاكل زبالة‮.. ‬يعني معدتها حديد‮.. ‬تفرم الزلط
ومش ممكن تتأثر بشوية أنفلونزا مايعه ومايصه زي بتاعة الخواجات‮.. ‬وزي
ماقلت لكم من الأول كارثتنا السودة هي أن الحمير تصاب بالأنفلونزا ولحد
دلوقتي الأمور مطمئنة وحميرنا لسه بخير وعافية وبتنهق حاحاحا،والأمور كلها
تحت السيطرة‮.‬
وأنا بصراحة مش موافق علي عملية إعدام الخنازير‮.. ‬لأن
الخنازير دي جزء من الثروة القومية وبتقوم بدور وطني فشلت كل حكومتنا
الذكية ولا اللي مش ذكية في القيام به وهو التخلص من الزبالة‮.. ‬تخيلوا
معايا لو ماتت الخنازير مين هياكل الزبالة وهنوديها فين طبعاً‮ ‬هتبقي
مشكلة كبيرة‮.. ‬ونرجع ندور تاني علي أي حد‮ ‬يأكل الزبالة ويخلصنا
منها‮!!‬

اممممممممممممممممممممم والله يا محمد الموضوع مهم فعلا بس هل هو احنا عندنا انفلوانزا خنازير
ولو عندنا يبقى لازم هنا نقف واقفه لأن الفيروس ظهر فى الولايات المتحده الامريكيه والمكسيك الاول بعدها لاحظنا ان الفيروس اتنقل لأسبانيا والنمسا وانجلترا وهنا لازم نعرف اشمعنا دول اللى اتصابوا بالفيروس ليه الفيروس لما اتنقل من امريكا اختار دول الاول وهل ممكن يكون ده فيروس امريكا اللى نقلته بهدف تدمير العالم والسيطره عليه اكتر ؟

شكرا يامنسى
على مرورك الجميل
بس الجديد
ان اسرائيل سجلت حالتين
وانت عارف الحدود بينا وبين اسرائيل مفيش

ربنا يستر علينا جميعا

ولازم الحكومه تلغى كل مزارع الخنازير

صارو 3 اصابات الله يستر
والله اغلب الناس بتمشي وعليها كممات

يسلمو كتير على الموضوع الرائع

شكرا على مروركم الجميل
وبجد فيه كارثه جايه
بما تحمل الكلمه
من معانى

ربنا يستر علينا من الخنازير وغيرة

والله بجد بجد
ربنا يستر
شكرا على مرورك الجميل

تصدقوا والله انا لما قريت فى الجرايد ان مصر فيها خنازير استغربت لان اللى اعرفه ان مصر دولة عربية اسلامية واكل لحم الخنازير حرام

عالعموم ربنا يحمينا منها واتمنى منشوفوش لعبة جديدة اسمها انفلونزا الخنازير زى لعبة انفلوزا الطيور اللى بنلعبها
ههههههههههههههههههه

هههههههههههههه
بس صدمتك مش اكبر من صدمتى بالخبر
والله العظيم ياعم

والمصيبه بيقولو اصحاب مزارع الخنازير
الخنازير عاد ليها مزارع
ياعالم يا ........
والا بلاش

ياعم قول اللى فى نفسك محدش شايف حاجة
متخفش مش هبلغ عنك

ههههههههههههههههه
انا مابخفش الا من اللى خالقنى
بس مش عايز اغلط فى حد بس
لكن هم فى الحقيقه
اقل مايتقال عنهم
خنازير

وعقبالهم كده يارب عقبال ما يندبحوا

» شعبولا يغني لمواجهة انفلونزا الخنازير؟
» صور حصرية .... انفلونزا المكسيك ( الخنازير ) الشعب وسط الازمة ..
» منظمة الصحة تغير اسم سلالة فيروس انفلونزا الخنازير
» تقرير: الفيفا قد يلجأ لإلغاء كأس القارات بسبب انتشار انفلونزا الخنازير
» سيتم ترحيل كل الموجدين با شرقية الى القاهرة بسبب اشتباة 19 مصاب با انفلونزا الخنازير