اسباب تساعد على الخشوع فى الصلاة ....!!

بسم الله الرحمن الرحيم

السلام عليكم ورحمة الله وبركاته

كلنا عارفين طبعا ان فى كتير منا بيصلى بس اول ما يدخل الصلاة تلاقيه كل افكار الدنيا ومشاغلها تيجى على باله وميعرفش يكون خاشع فى صلاته كما ينبغى او حتى مش بيعرف يركز فى صلاته
والصراحة انا كمان بعانى من المشكلة دى

وفى مرة وانا فى مسجد الكلية عندنا قريت فى بوستر متعلق فيه الاسباب التى تساعد على الخشوع فى الصلاة
فقريته وطبقته ونجحت شوية فيه وقولت انقله ليكم علشان تستفيدوا انتو كمان منه
وربنا يتقبل منا جميعا ان شاء الله


الاسباب التى تساعد على الخشوع فى الصلاة

1.اجمع نفسك واحضر قلبك قبل الدخول فى الصلاة
2.احسان الوضوء وعدم ترك الاعقاب وعدم الاسراف
3.لاتدع النوافل وخاصة الرواتب كالوتر وسنة الفجر وعليك بقيام الليل
4.التادب فى الصلاة بعدم الحركة او الالتفاف او العبث المنهى عنه
5.فرغ قلبك من شواغل الدنيا فهى كلها بكل ما فيها لا تساوى عند الله جناح بعوضة
6.استشعار عظمة من تقف امامه وهو الله عز وجل
7.تهيأ قبل الدخول فى الصلاة (( فلا صلاة بحضرة طعام ولا هو يدافع الاخبثان )) رواه مسلم
وليكن المكان مهيأ للصلاة
8.تفكر فى معانى الايات والاذكار التى ترددها
9. التزم باحكام الصلاة وادابها واجعل نظرك فى موضع سجودك , قال صلى الله عليه وسلم ( صلوا كما رأيتمونى اصلى ) رواه البخارى
10 . تجنب الصلاة فى الاماكن التى بها الات اللهو او التصاوير او تشويش او اصوات ولغط
11. الرجاء فى الحصول على ثواب الصلاة كاملا
12. الحذر فى التهاون فى اداء الصلاة مع الجماعة والسعى لها مع الاذان
13. لا تتعجل فى صلاتك ولا تكن الصلاة اهون شىء عندك تؤديها كيفما كان
14. تابع الامام : فانما جعل الامام ليؤتم به
15. صل صلاة مودع فكل من نعرفهم رحلوا , وانت لا بد منهم

دى بعض الاسباب التى تساعد على الخشوع فى الصلاة
اتمنى تفيدكم وتستفادوا منهم
وان شاء الله ربنا يتقبل منا جميعا



تحياتى
الامير المصرى ..................

مشكورين كلكم عالمرور الجميل

شكرا ليك جدا يا كريم على اضافتك الجميلة اللى زادت الموضوع جمالا