عشرين جمله 95% من شباب مصر بيقولوها للبنات

حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
------------------------------------
عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها
----------------------------------------
1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

=================================

ههههههههههه وفعلا هوه ده اللى بيحصل فى معظم الحالات يا محمد

[جميلة يامحمد ويارب تفضل ممتعنا بالحاجات الحلوة دية

وعلة فكرة دة كل شباب مصر بتقولها تقريبا مش 95بس

شكرا على مرورك يا sandy وعلى رايك كل الشباب بقى كده نادر اوى لما تلاقى واحد جاد فى كلامه شباب فى الفاضى

على فكره يا محمد الحوار ده بالظبط اللى حصل معايا فى موقف كده ونفس الكلام ده اتقال ليه علشان كده انا معنتش هأمن لحد تانى والحب ده ليه قيمة اكتر من كده

والله كلامك صح جدا

شكرا على مرورك يا نور انتى وجيجى وفعلا هوه ده شباب الايام دى

مش كل الشباب ياابو نجاح فى الفاضى يعنى عندك صدام فى الفاضى يعنى

لا طبعا مش قصدى كله يا صدام
انتا مش فى الفاضى انتا ياعم فى الملان
ههههههههه ؟؟؟؟؟؟ متزعلشى

هههههههههههههههههههههههههه ماشى يا ابو نجاح

والله بجد ده اللى بيحصل فعلا

على فكره يا محمد فى كله لان فى شباب محترم وابن ناس بس الا غلبيه للا سف بيعملوا كده

فعلا هوه ده اللى بيحصل ومشكور على التوبيك ده

ههههههههههههههههههههه
انت عامل الموضوع ده علشان البنات تقعد تقطع فينا ولا ايه؟
بالراحه علينا شويه يابناتيت
طيب ايه رايكم انا عمرى ماقولت لبنت كده
الكلام ده بتاع الشباب اللى شايف نفسه وكل يوم مع واحده

ومبيعبرش عن كل الشباب

لا يا عم مكرم
ده موضوع موجود بجد
وفي شباب كتير بيعمل ده

مش كتير اوى يا بو نجاح

صدام و بس
love_2010204@yahoo.com
osamasddam@htmail.com

عشرين جمله 95% من شباب مصر بيقولوها للبنات 8476

ماشى يا عم صدام مش كتير اوووووووووى
شويه صغنطتين اووووووى كده
يعنى كبشه كده صغيره

صح يا محمد بتاع عشرميه كده

هههههههههههههههههههههههههه
اية الجمال ده يا ابونجاح
وانت يا فيتو

صدام و بس
love_2010204@yahoo.com
osamasddam@htmail.com

عشرين جمله 95% من شباب مصر بيقولوها للبنات 8476

[size=29]يا صدام الارقام دى مش هتسمعه الى معانا وبس دى الارقام بس بالفه العثمانيه فهمنى طبعا

هههههههههههههههههههههههههههههههههههههههههههههههههههههههههههههههههههههههههه
ماشى يا عم فيتو

صدام و بس
love_2010204@yahoo.com
osamasddam@htmail.com

عشرين جمله 95% من شباب مصر بيقولوها للبنات 8476

عتمان الفخم واحد بس
ههههههههههههههههههههههههههههههههههههههههههههه

صدام و بس
love_2010204@yahoo.com
osamasddam@htmail.com

عشرين جمله 95% من شباب مصر بيقولوها للبنات 8476

iهههههههههه
جميله اوى يا مايسترو

والله التلفون المحمول معدش مخالى حاجه دلوقتى مش مستحيله واكتر الحب دلوقتى علشان الواحد يحب واحده فى الومان ده شىء يرجع للأصل البيئه اللى عيش فيها وانصح كل شاب وشابه الحب مش لعبه نلعبها علشان نوصل الناس لغابه احنا مش وحوش بنعض فى بعض

هايل ياصدام

[img] بصراحه انا مجربتش اقول الكلام دا عشان كل الحكايه اخرها خروجه واقلب ؟؟؟؟[/i][/u]

شاندو كتب:: [img] بصراحه انا مجربتش اقول الكلام دا عشان كل الحكايه اخرها خروجه واقلب ؟؟؟؟[/i][/u]

مشكور على ردك الجميل ده يا شاندو واهلا بيك فى منتدى احلى حياه

والله ابو جبل بيتكلم صح تسلم يا ابو جبل يلى عيشين على حسو

شكرا على مجهوداتك الرائعه دى واللهى ياميسترو

ميرس على زوقك الجميل يا على
وانتظر المزيد والمزيد

و الله معك حئ ..... بس اليوم ما في هيك شي يعني كل واحد و شاطراته .. البنت لازم تمييز ببين الي بتسلى و بين الجدي الا ازا هي بيدها تتسلى كمان و بنفس الوئت تشويه سمعتها الي هي من الاساس مشاواها
بس برضو شباب خفيفو شوي من حركاتكو الي بلا طعمي هاي كولها عالفاضي
يعني اسالكوة سؤال يعني انت يلا شب رح ترتبط مع هاي البنت الي بتحكي معها ؟؟ و الي هي من الاساس صايعة و ما في حدا يطلع عليها ....
على كل بتمنى انو كل شب يكون عائل و يمثل عليته المحترمة و كمان لبلده و يكون مصدر للثقة

......
بنات ما تستخفه بحالكو كل بنت الها عئلها و احساسها الي بيضالو معها فا يا ريت تستعملهن ابل ما تخطو اي خطوة و بتمنى للجميع ما يقع بالب شي فخ .....

مشكوره اوى على مرورك الجميل ده يا امل

ونورتى التوبيك

[size=24]شكرا كتير يا المايسترو على ترحابك فيي ......[/size]

مش اووووووووووووى .......
بس جذاااااااااب
وترقبو صدور قسم star mak لمايسترو الدى جى الشعبى .
هشام محروس

ماشى يا ميشو
مشكور على مرورك الجميل ده

هههههههههههههههههههه
المصرين بقولو هيك جامدين لعاد

بجد الكلام ده بشوفه كتير كل واحد يقوله تسلم ايدك يامايستروا بجد

شريهان كتب:: هههههههههههههههههههه
المصرين بقولو هيك جامدين لعاد

المصريين جامدين اوووووووووووى
وميرسى على مرورك مره تانيه

dodo_dodo كتب:: بجد الكلام ده بشوفه كتير كل واحد يقوله تسلم ايدك يامايستروا بجد

ميرسى على مرورك الجميل ده يا دودو

شكرا يا بونجاح

مشكور على مرورك الجميل د ه عبدو

تسلم ايدك يا مايسترو تسمحلي اقولك الجمله دي لو كنت متايق او زهقان ادخل علي منتدي المايسترو وانت تكون اخر روقان

ميرسى يا عطيه يا جميل
بجد ده بس من زوقك يا جميل

محمد انا من ال5% علشان تبقي عارف ده كلام فاضي

اوكيه يا عبدو
ومشكور على مرورك يا بوب

يالهوى يا عم محمد انت فتحت البنات علينا

والله يا جماعة مش كله

وبعدين بقى هقولكم حوار من ده حصلى بس من بنت ايه رايكم بقى ؟؟؟

تحبوا اقولكم كل البنات كده ؟؟؟

مش كل الشباب كده ولا كل البنات كده

وزى ما فى كتير مش كويسين فى كتير بردو كويسين

كلامك مظبوط يا امير

ومشكور على مرورك الجميل

تسلم ايديك يا بوب

تسلم ايديك يا مان

» من اجمل 40 جمله في العالم
» كل عضو يحط اسم العضو اللى قبله فى جمله ..
» هذه الفتاة توفيت بعد اغتصابها جماعيا من قبل عشرين منحرفا عليهم اللعنة ( 1 2 3
» كلام للبنات فقط،،،برجاء عدم دشكرا وى الاولاد وعدم المشاركة بالموضوع اذا سمحتوا،،،
» للبنات (( فقــط ))