منتديات احلى حياه البيت بيتك
اهلا وسهلا بك فى منتدى احلى حياه منتدى الحصريات
نتشرف بتسجيلك معنا



 
الرئيسيةمكتبة الصورس .و .جالتسجيلدخول
اضغط هنا لترى الصورة بحجمها الطبيعى

شاطر | 
 

 حكايه اغنيه حدوته مصريه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
koda123
مشرف قسم الرياضه
مشرف قسم الرياضه
avatar

ذكر
تاريخ التسجيل : 15/04/2009
عدد المساهامات : 11875
العمر : 28
العمل/الترفيه : طالب
الاوسمه :
الجنسيه :
الهوايه :
نقاط المساهمات :
نقاط المسابقات :

مُساهمةموضوع: حكايه اغنيه حدوته مصريه   الخميس يوليو 30 2009, 19:44

[ندعوك للتسجيل في المنتدى أو التعريف بنفسك لمعاينة هذه الصورة]

بصراحه ده موضوع قراته وعاجبنى اوى


وهو الأغنية الأسطورة

حدوتة مصرية


و حأدخل فى المراحل


1- الظروف المحيطة بفكرة الأغنية :

[ندعوك للتسجيل في المنتدى أو التعريف بنفسك لمعاينة هذه الصورة]

المخرج يوسف شاهين بيفكر فى جزء اخر من سلسلة الأفلام اللى بتسرد
قصة حياته و إنعكاس المجتمع و ظروفه عليه و بيتعرض لأهم الأحداث وقتها
و عايز فى نفس الوقت يحكى عن نفسه و يــفخر بمسيرته

الفيلم اسماه حدوتة مصرية نسبةً له

و إختار محمد منير كممثل و طلب منه عمل أغنيه بإسم الفيلم ..
وذلك بعد ما أعجب به و بفلسفته ايضاً كبداية مطرب

و أسند له الأغنية .. و ساب كل الأمور بإيد منير
بس المهم إن فى النهاية الأغنيه تعجب شاهين ......


2- صياغة الفكرة إلى كلمات

[ندعوك للتسجيل في المنتدى أو التعريف بنفسك لمعاينة هذه الصورة]

منير وقتها كان لسه مع رفقاء دربه عبد الرحيم منصور و مجدى نجيب
و كان لسه برضه فى تعارف مع يحيى خليل و فرقته لأنهم كانوا هيبدؤا
فى تحضير ألبوم شبابيك

فشرح لعبد الرحيم منصور الفكرة المطلوبة
و هى أغنية عكست رؤية شاهين لأمور البلد فى الوقت ده
و مصطلح حدوتة مصرية كإسم فيلم و اسم أغنية اصبح له معنيان

1- معنى الأغنية لما يقول "هى دى الحدوتة" انه بيحكى حدوتة مأساه بتحصل فى مصر
2- نسب الحدوتة المصرية لمسيرة شاهين و دى كانت اللى عايز يوصلها شاهين فى رأبى
و من جمال الأغنية اقترنت بمنير أكثر لأنه مغنيها و لأنه اتصدق بيها جامد

المهم نرجع للموضوع

الشاعر عبد الرحيم منصور كتب الغنوة و كلماتها اللى بتقول :

ما نرضاش يخاصم القمر سماه
ما نرضاش تدوس البشر بعضها
ما نرضاش يموت جوة قلبى ندا
ما نرضاش قلبى جواى يغنى
الأجراس تدق لصرخة ميلاد
تموت حته منى ..
الأجراس بتعلن نهايه بشر من العباد

إلى آخر الأغنية ...



3- صياغة اللحن :

[ندعوك للتسجيل في المنتدى أو التعريف بنفسك لمعاينة هذه الصورة]

فى قعدة من قعدات منير و منيب و عبد الرحيم منصور الجميلة

سمع الحاج منيب الكلمات ... و مسك عوده

و اخرج لنا لحن واحد دون "سنيو" .... بمعنى لحن من جزء واحد

بس بيعلى و ينزل بناءاً على الكلمات ... يعنى لحن حر

ودى بقى القعدة اللى طلعوا بها باللحن الجميل


4- التوزيع الموسيقى :

[ندعوك للتسجيل في المنتدى أو التعريف بنفسك لمعاينة هذه الصورة]

منير فى البداية إستعان بأوركسترا كاملة ..
بم إن شاهين ساب له بقى ميزانية مفتوحة

و بعد كده شاهين دخل زاره فى الأستوديو يتابع الأمور

وكانت صدمة شاهين بانه سمع أوركسترا ,, رغم قوة الكلمات

بس مش هو ده اللى توقعه .....

وفى هذه الفترة كانت بادية ظهور التراكات او بمعنى آخر القنوات الصوتية
حيث الكمانجات على قناة الايقاعات على قناة الوتريات على قناة وهكذا
فبدأ شاهين يلغى كل الألات بإقفال هذه التراكات
لحد ما فضل صوت منير فقط لا يصاحبه شئ

و وقتها كان ده أول درس لمنير و هو الفرق بين غناء
السينما و غناء الكاسيت .. فليس بالضرورة حلاوة الصوت ان يكون بوجود ايقاع
بقدر إمكانية وصول الفكرة

و بعد كده شاهين شغل الغنوه تانى

و فى الجزء بتاع
تموووووت حتة منى

شاهين قاله .. ما متش ليه ؟؟

طبعاً كان قصده انه مستنى إنفعال أكتر من كده و تفاعل و تجاوب اكتر مع الكلمات ..
حتى لو على حساب الصوت ..المهم هو وصول الإحساس لأن مفيش
حاجة هتوصله غير صوت منير بس و فى اول مشهد فى الفيلم

و بالتالى دى كانت بس اشارة بدء لطوفان من الاحساس فى الملحمه دى

منير سجلها تانى ... و فى تلك المرة اصاب الهدف

و موت نفسه فى غناءها ومع ذلك صوته طلع احلى ,,, ووصل الإحساس
اللى لسه عايش فوق ال25 سنه و فى ازدياد

خلاص كده صوت منير اتسجل و اضافت له فرقة يحيى خليل رؤية موسيقية
اعتمدت على بيز جيتار و درامز و دف فقط يهمهمون خلف صوت منير
و تظهر الأوركسترا فى فاصل صغير جداً
وبيانو فى الخلفية

و طلعت الحدوتة القنبلة


ما بعد ظهور الغنوة :

ايه سر جمال الأغنية دى ؟!
ليه مطلوبة فى الحفلات ؟!
لييه مصدقينها قوى كده ؟!
ليه منتشرة فى كل مدونات الشباب
ازاى منير تأتى به الجرأة و يغنى فى سوريا نفس الحدوتة و يقول
"الحدوتة الظاهر انها هى هى" ؟؟ !!
ليه تقترن باسم منير ؟
اشمعنى دى من أغانى أفلام شاهين اللى شاهين طلب
كتابة اخر جزء منها على قبره ؟؟!!
اشمعنى دى اللقب اللى ترجم لمنير على صفحات الانترنت
ليه البيت بيتك إستعان بكلمات الأغنيه الصادقة قوى دى فى وقت الأزمة ؟؟
ليه الشباب اللى بيحضر حفلات بيتلهف انه يسمعها بس من منير لايف
مرة فى العمر .. و بيحس بإيه ؟؟

صوت منير وحده بإحساسه و لحن منيب الحر هما اللى اضافوا
و خلوا الأغنية تعيش بهذا الشكل

هذه الأغنية صداها إنتشر أكتر من الفيلم نفسه

الأغنيه ليس بها لحن راقص او خفيف كى تعيش و تستمر كل ده
ولا حتى توزيع بلزمة محفوظه
الأغنيه عايشة بصوت منير فقط إلى وقتنا هذا

كل جيل بيطلع بيمر فى مرحلة من سنه بالغنوة دى

التلفزيون المصرى اما إتكلم عن الإخوة والمساواة وحقوق الإنسان

لم يجد سوى كلمات من حدوتة مصرية

لا يهمنى اسمك
لا يهمنى عنوانك
لا يهمنى لونك
ولا ميلادك .. مكانك
يهمنى الإنسان


تلك الحدوتة

تغنى بها منير فى حفلة فى سوريا سنة 2002
و حفلة قرطاج سنة 1998

ولاقت ما لاقت من إعجاب و تصفيق

لأنه على رأي منير

الظاهر ان الحدوتة هى هى !!!!!!! [ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]



أتمنى الموضوع ما يبقاش مكرر أو ممل

و الأعضاء والزوار يستمتعوا بكواليس صناعة الأغنية
والمراحل من بداية فكرة إلى أغنية عاشت و ستعيش


الى اللقاء

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]






[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ahlahaya.ahlamontada.net/index.htm?sid=8ef1502f023cf4c6ea
 
حكايه اغنيه حدوته مصريه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احلى حياه البيت بيتك :: منتدى محبى المطربين :: رابطة محبى الفنان محمد منير-
انتقل الى: