محتاجين رايكم ....

بسم الله الرحمن الرحيم

السلام عليكم ورحمة الله وبركاته

انا محتاج رايكم فى حاجة كده يا اعضاء احلى حياة

دلوقتى انا كنت بفكر بسبب كتر مواضيع تسجيل الحضور اللى بقت اكتر من 5 مواضيع
اضم الموضوعين تسجيل الحضور بنطق الشهادتين والصلاة عالنبى صلى الله عليه وسلم فى موضوع واحد
واللى يدخله يقول الاتنين
ينطق الشهادتين ويصلى عالنبى صلى الله عليه وسلم
وانا اصلا من الاول شايف ان هما الافضل يكونوا مع بعض فى موضوع واحد
ده الافضل من وجهة نظرى لانهم مرتبطين ببعض
وكمان عشان نسهل عالاعضاء حكاية تسجيل حضورهم
وانا قولت للمنسى اخد رايه الاول بما انه هو صاحب الموضوعين احتراما ليه
وده اللى طريقتى مع كل الاعضاء قبل ما اعدل او اصلح اى حاجة فى موضوع لاى عضو بعرفه الاول
وهو وافق ورحب بالفكرة
ولما قولت للمايسترو متقبلش الفكرة اوى
فحبيت اعرف رايكم انتو كمان بما انكم اصحاب شأن
لانى مش بحب اخد قرارات منى لنفسى
وراى الاغلبية هو اللى هيتنفذ

ومستنى رايكم
ونتيجة الاستفتاء هى اللى هتتنفذ

الفكرة كويسة عن نفسي أنا موافقة

فكرة حلوة يا امير

فكره حلوه يا امير وانا موافقه

جميل ياامير
وانا معاك

الفكرة كويسة أنا كمان موافقة

معلش لو سمحتولي أنا مش موافق
و مع آحترامي لكل اللي وافق
اللي وافق مقالش موافق ليه و رآيه آيه

بس أنا هقول أنا مش موافق ليه
دي مواضيع الثواب و الحسنات
و كل ما بتدور علي موضوع و بتفتحه
بتآخد ثوابه و علي آد ما الواحد بيتعب فيهم
علي أد ما بياخد ثواب
و الله آعلي و آعلم و آعظم
ده مجرد رأي قابل للآختلاف
ولكن
الخلاف للرآي لا يفسد للود قضية
و خصوصاً لو كانت القضية تمس الدين
فالعمل للدين عمل الجميع

انا مش موافقه يا حماده بص يا سيدى انا راى من راى كيمو لان الحجات دى الناس بدور وتتعب نفسها عشان تاخد الاجر بص مع احترامى ليك ولكل اللى وافق بس انا لا

وبعدين انت بتقول انك تسهل على الاعضاء تسجيل دخولهم ودا مش المطلوب اظن وضحت الروئيه انا والله مش عاوزه افتى لكن اختلاف الراى لايفسد للود قضيه

تحياتى الك
نهى

معلش
ماحدش يزعل منى
دا قسم الالعاب ماحصلش فيه كده
يبقى نعمل كده فى القسم الاسلامى
ايييييه
خلاص
ماعادش عندنا وقت نسجل حضورنا
انا مش معاك ياامير

انا اكيد برضو مش معاك يا امير
فيها لو كان تسجيل الحضور اكترمن خمسه ولا سته ولا حتى مليون

ما كله بثوابه

ولا احنا مستكترين الثواب ولا مكسلين ندى لربنا حقه

يا جماعة انتو شكلكم فهمتوا قصدى غلط
انا بقول هنضم الموضوعين مع بعض يعنى الموضوع الجديد اللى هيدخله
هيقول الشهادتين وفى نفس الوقت هيصلى على النبى صلى الله عليه وسلم
يعنى هي هياها فى الحاتين هيقول الاتنين
وانا اصلا والله من الاول شايف من قبل ما اكون مشرف ان الافضل يكونوا مع بعض فى موضوع واحد مش فى كل واحدة فيهم فى موضوع مختلف عن التانى
والدين يسر وليس عسر
وفى ناس ممكن يكون النت عندها بطىء شوية
فممكن ده يخليها متدخلش مواضيع تسجيل الحضور كلها وبكده تخسر ثواب كانت ممكن تكسبه
لو كنا سهلناها عليهم وضمينا موضوعين فى موضوع
ده كان كل اللى اقصده انطلاقا من ان
الدين يسر وليس عسر

ومع كل احترامى لك الاراء
المفترض فى انك تعمل اعمال تاخد بيها ثواب انك تعملها وانت مرتاح ومقتنع ومن قلبك
مش بكترها لكن بنيتك من جواك وانك تعملها من قلبك
ولو سهلناها على الاعضاء اكيد هينفذوها وهما مرتاحين ومن قلبهم
وهياخدوا ثوابها بأذن الله

طب قولولى انتو انهى افضل
ان الواحد يصلى الصلاة مرة واحدة هو مركز وخاشع فيها وكل حاجة وبيأديها كما يجب
ولا واحد تانى صلى نفس الصلاة 3 مرات لكن مشغول عنها ومش مركز ولا خاشع ولا حاجة
؟؟

ده كان كل قصدى والله لا اكثر ولا اقل

ان الدين يسر وليس عسر

وانا قدمت فكرتى واللى هتجتمعوا عليه كلكم انا موافق عليه

فكره حلوه وانا موافقة

» ايه رايكم فى الاستايل ده
» محتاج رايكم
» ايه رايكم فى الاستايل ده
» بعد سماع البوم (ح دوس على قلبى) ايه رايكم
» شو رايكم بهدول الخواتم؟؟؟انشاء الله يكون احد الخواتم من نصيبكم شي يوم !!!!